Ntirho 3:4 - BIBELE Mahungu Lamanene

⁴ Siku rero a ri ve ni munyama, Xikwembu xi nga ha ri tsundzuki, ri nga ha kumi ku vonakala.

Xitsonga (Bibele)

⁴ Siku rolero a ri hundzuke munyama, Xikwembu xi nga ri tsetseleli xi ri etilweni, Ku vonakala ku nga ri voningi!

Ntirho 3:4 Iomraidhean Croise

Ntirho 3:3

“Siku ra ku velekiwa ka mina ri nga ha hlayiwi, ku nga ha hlayiwi vusiku lebyi va nga te: ‘Ku kumekile mufana!’

Ntirho 3:5

Siku ra kona a ri funengetiwe hi xinyami xo khwìxìì, ri khubumetiwa hi papa ra ntima, vanhu va ri chava, va gugurhuteka.

Yuwele 2:2

Siku ra kona ri to va ra munyama, ri to khwìxìì! ri ta va siku ra mapapa ni hunguva! Ku ni vanhu lavo tala va matimba, lava khubumeteke tintshava ku fana ni xinyami; vo fana na vona a va si tshama va voniwa, naswona endzhaku ka vona a ku nga ha voniwi vo tano, hilaha ku nga heriki.

Amosi 5:18

Mi ni khombo, n'wina mi navelaka siku ra HOSI! Xana mi ri lavela yini siku leri xana? Eka n'wina, ri ta va siku ra munyama, ku nga ri ra ku vonakala.

Matewu 27:45

Ku sukela nkarhi wa 12 ni nhlekanhi ku fikela nkarhi wa 3 ni ndzhenga, munyama wu funengeta tiko hinkwaro.

Timhaka 27:20

Hi masiku layo tala dyambu a ri nga ha vonaki, hambi ti ri tinyeleti; xidzedze a xi ya emahlweni xi hi ba hi matimba, hi nga ha tshembi nikutsongo leswaku hi ta pona.

Duteronoma 11:12

Tiko leri, HOSI Xikwembu xi tikarhatela rona minkarhi hinkwayo, xi ri hlayisa ku sukela loko lembe ri sungula ku kondza ri ya hela.

Nhlavutelo 16:10

Ntsumi ya vuntlhanu yi chululela swa nkambana wa yona exiluvelweni xa xivandzana; hiloko mfumo wa xona wu funengetiwa hi munyama, vanhu va tiluma tindzimi hi ku twa ku vaviseka;