Ntirho 26:7 - BIBELE Mahungu Lamanene

⁷ Xikwembu xi vamba matilo laha ku nga riki na nchumu, xi yimisa misava empfhukeni.

Xitsonga (Bibele)

⁷ Xi andlala n'walungu, ehenhla ka xibakabaka, Xi lengeleta misava ehenhla ka hava.

Ntirho 26:7 Iomraidhean Croise

Ntirho 38:6

Xana tiphuphu ta yona ti dzimiwe ka yini, ni ribye ra yona ra masungulo, ri simekiwile hi mani ke?

Ntirho 9:8

Xi vambile matilo xi ri xoxe, xi famba ehenhla ka magandlati ya lwandle.

Pisalema 24:2

Xi andlarile misava ehenhla ka mati ya le hansi, xi yi tiyisile ehenhla ka swidziva.

Pisalema 89:12

Hi wena u tumbuluxeke dzonga ni n'walungu, tintshava ta Taboro na Hermoni ti ba minkulungwana, ti dzunisa vito ra wena.

Pisalema 89:13

U ni matimba ya tinhenha; loko u tlakusa voko ra wena ra xinene, ntamu wa wena wa vonaka.

Esaya 40:21

Xana a mi tivi nchumu, a mi twanga nchumu ke? Xana a mi byeriwanga nchumu ku sukela khale xana? Xana a mi twisisanga leswaku misava yi sungurise ku yini xana?

Esaya 40:22

Mutumbuluxi wa yona hi loyi a tshameke etilweni; eka yena, vaaki va misava va fana ni switsotso. Ú andlarile matilo kukota nceka, a ma vamba ku fana ni ntsonga wo tshama eka wona.

Esaya 40:26

Pfulani mahlo mi languta ehenhla: Xana i mani loyi a tumbuluxeke leswi mi swi vonaka xana? Swi tumbuluxiwile hi loyi a swi hlengeletaka tanihi mavuthu, ú tiva xin'wana ni xin'wana hi vito ra xona; ú ni ntamu ni matimba layo hlamarisa, kutani a ku na xin'we xa swona lexi nga tshukaka xi lahlekile.

Esaya 42:5

HOSI Xikwembu, xona Xikwembu lexi tumbuluxeke matilo xi ma vamba, xi andlala ni misava ni leswi milaka eka yona, xona lexi endleke leswaku vanhu lava tshamaka eka yona va va ni vutomi, va hefemula, xi byela nandza wa xona, xi ri:

Zakariya 12:1

Mahungu hi lawa, ri nga rito ra HOSI Xikwembu ehenhla ka Vaisraele: Xikwembu lexi vumbeke matilo, lexi xi andlaleke ni misava, xona lexi hanyisaka munhu, xi vurisa sweswo xi ri: