Ntirho 2:9 - BIBELE Mahungu Lamanene

⁹ Nsati wa yena a ku: “Swi pfuna yini ku tiyisela eku lulameni ka wena xana? Rhuketela Xikwembu, u fa!”

Xitsonga (Bibele)

⁹ Kutani nsati wa yena a ku eka yena: “Xana wa ha tiyisile eku lulameni ka wena-ke? Rhukana Xikwembu, u fa!”

Ntirho 2:9 Iomraidhean Croise

Ntirho 2:5

Kambe loko wo tlakusa voko ra wena, u khumba miri wa yena, ú ta ku rhuketela erivaleni!”

Ntirho 2:3

Kavaloko HOSI Xikwembu xi ku ka Sathana: “Xana u vonile nandza wa mina Yobo xana? Ku hava la fanaka na yena emisaveni, hikuva i munhu wo lulama wa mahanyelo lamanene; wa ndzi tirhela, a fularhela leswo biha. Ni sweswi wa ha tiyisela eku lulameni ka yena, hambileswi u ndzi susumeteke ku n'wi tekela swa yena, a ri hava nandzu.”

Malakiya 3:14

Ma ndzi vavisa loko mi ku: ‘Ku tirhela Xikwembu, HOSI ya matimba hinkwawo, a swi pfuni nchumu. Hambiloko hi yingisa leswi yi hi byelaka swona, kumbe hi ya rila emahlweni ka yona, a hi nga vuyeriwi hi nchumu.

Ntirho 1:11

Kambe loko wo tlakusa voko ra wena, u khumba leswi a nga na swona, ú ta ku rhuketela erivaleni.”

2 TIHOSI 6:33

Loko Elixa a ha vulavula na vona, murhumiwa hi byakwe a fika eka Elixa, a ku ka yena: “Makhombo lawa ma vangiwile hi HOSI Xikwembu. Xana ndzi nga ha langutela yini, xo huma eka HOSI Xikwembu, xana?”

Genesa 3:6

Kuteloko wansati a vona leswaku murhi wa kona wa dyiwa, ni leswaku wu koka mahlo, naswona wu nga endla leswaku munhu a tlhariha, a kha mihandzu ya wona, a dya; a teka yin'wana a ya nyika nuna wa yena, a dya.

1 TIHOSI 11:4

Kutani loko a sungula ku dyuhala, hi ku hambukisiwa hi vasati lava va yena ni ku hundzukela eka swikwembu swimbe, a nga ha tshembanga HOSI Xikwembu xa yena hi ku hetiseka, tanihileswi Davhida tata wa yena a xi tshembeke.

Genesa 3:12

Wanuna a ku: “Wansati loyi u ndzi nyikeke yena leswaku ndzi tshama na yena, hi yena a ndzi nyikeke mihandzu ya murhi wa kona, kutani mina ndzi lo dya.”

Ntirho 2:8

Kutani Yobo a ya tshama etaleni, a teka xirhengele a tinwaya ha xona.

Ntirho 2:10

Yobo a n'wi hlamula a ku: “U vulavula ku fana ni wansati wa phuphula. Leswi hi amukelaka minkateko yo huma eka Xikwembu, xana a hi fanelanga ku amukela na wona makhombo xana?” Emakhombyeni lawa hinkwawo, Yobo a nga dyohanga hi ku vulavula ka yena.

Vaavanyisi 14:17

Wansati loyi a rila eka Samsoni ku ringana masiku ya 7 ya nkhuvo; kutani hi siku ra vu-7, Samsoni a n'wi hlamusela ntshayito, hikuva a a n'wi sindzisile ngopfu. Hiloko wansati loyi a ya byela majaha ya ka vona.