Ntirho 2:4 - BIBELE Mahungu Lamanene

⁴ Kutani Sathana a hlamula HOSI Xikwembu a ku: “U lo khumba swa le handle ntsena. Hinkwaswo leswi munhu a nga na swona, a nga swi tshika; nchumu hi loko a kota ku hlayisa vutomi bya yena.

Xitsonga (Bibele)

⁴ Satana a hlamula a ku eka Yehovha: “Dzovo ri ringana ni dzovo! Hinkwaswo leswi munhu a nga na swona, a nga swi humesela vutomi bya yena.

Ntirho 2:4 Iomraidhean Croise

Genesa 47:17

Kutani Vaegipta va ta ni swifuwo swa vona eka Yosefa; yena a va nyika swakudya, vona va n'wi nyika tihanci, ni timbuti, ni tinyimpfu, ni tihomu, ni timbhongolo. Kutani lembe rero, Yosefa a hamba a va xavisela swakudya, va hakela hi swifuwo swa vona swi kondza swi hela hinkwaswo.

Genesa 47:19

Xana hi ngo fa ni masimu ya hina u hi langutile, xana? Hi xave, u xava ni masimu ya hina hi ku hi nyika swakudya; hi ta va mahlonga ya Faro, ni masimu ya hina ma ta va ya yena. Hi nyike mbewu, leswaku hi ta ka hi nga fi, na wona masimu ya hina ma ta ka ma nga hundzuki mafusi.”

1 TIHOSI 20:31

Malandza ya yena ma ku ka yena: “Yingisa, hi twile leswaku tihosi ta rixaka ra Vaisraele i tihosi leti nga ni tintswalo. Hikokwalaho, a hi ambaleni swiambalo swo khwaxa, hi titsondzela tinhamu hi tingoti ta vabohiwa, kutani hi kongoma eka hosi ya Vaisraele. Nkarhi wun'wana ú ta ku tshika a nga ku dlayi.”

Ntirho 2:3

Kavaloko HOSI Xikwembu xi ku ka Sathana: “Xana u vonile nandza wa mina Yobo xana? Ku hava la fanaka na yena emisaveni, hikuva i munhu wo lulama wa mahanyelo lamanene; wa ndzi tirhela, a fularhela leswo biha. Ni sweswi wa ha tiyisela eku lulameni ka yena, hambileswi u ndzi susumeteke ku n'wi tekela swa yena, a ri hava nandzu.”

Ntirho 2:5

Kambe loko wo tlakusa voko ra wena, u khumba miri wa yena, ú ta ku rhuketela erivaleni!”

Swivuriso 13:8

Van'wankumi va tisirhelela hi rifuwo ra vona, kasi swisiwana a swi na mhaka na ku chavisiwa.

Yeremiya 41:8

ku sala vavanuna va khume ntsena; vona va khongela Iximaele va ku: “U nga hi dlayi, hikuva hi ni koroni ni mavele ya maxalana ni mafurha ni vulombe; swilo leswi, hi swi tumbetile enhoveni.” Kutani vanhu lava va ponisa sweswo, va nga dlayiwi kun'we ni lavan'wana.

Matewu 16:26

Hikokwalaho loko munhu a kota ku fuwa misava hinkwayo, kambe a lahlekeriwa hi vutomi bya yena, swi ta va swi n'wi pfune yini ke? Kumbe munhu ú ta humesa yini ku xava vutomi bya yena xana?

Matewu 6:25

“Hikokwalaho ndzi nge ka n'wina: Mi nga tshuki mi vilela hi swa vutomi bya n'wina leswaku mi ta dya yini kumbe mi ta nwa yini, hambi ku ri ku vilela hi swa miri wa n'wina leswaku mi ta ambala yini. Xana vutomi a byi tluri swakudya ke? Na wona miri a wu tluri swiambalo ke?

Luka 12:23

Vutomi byi tlula swakudya, ni miri wu tlula swiambalo.

Yoxuwa 9:24

Va hlamula Yoxuwa va ku ka yena: “Hina malandza ya wena hi endlile swilo leswi hikuva hi twile leswaku hakunene HOSI Xikwembu xa n'wina xi lerisile Muxe nandza wa xona leswaku a mi nyika tiko hinkwaro, ni ku herisa vaaki va rona va suka emahlweni ka n'wina. Kutani hi chavile swinene hi ehleketa leswaku mi nga hi dlaya.