Ntirho 2:1 - BIBELE Mahungu Lamanene

¹ Siku rin'wana, swivumbiwa swa le tilweni swi tlhela swi hlengeletana ehubyeni ya HOSI Xikwembu; na yena Sathana a a ri exikarhi ka swona, a nghena na swona ehubyeni ya HOSI Xikwembu.

Xitsonga (Bibele)

¹ Kambe hi siku rin'wana loko vana va Xikwembu va ya humelela emahlweni ka Yehovha, Satana na yena, a humelela na vona emahlweni ka Yehovha.

Ntirho 2:1 Iomraidhean Croise

1 TIHOSI 22:19

Kutani Mikaya a engeta a ku: “Loko swi ri tano, yingisa rito ra HOSI Xikwembu: Ndzi vonile HOSI Xikwembu xi tshamile exiluvelweni xa xona ematilweni; mavandla hinkwawo ya lava va xi tirhelaka a ma yimile evokweni ra xona ra xinene ni ra ximatsi.

Ntirho 1:6

Siku rin'wana swivumbiwa swa le tilweni swi hlangana ehubyeni ya HOSI Xikwembu; na yena Sathana a a ri exikarhi ka swona.

Ntirho 1:8

HOSI Xikwembu xi ku ka Sathana: “Xana u vonile nandza wa mina Yobo xana? A ku na la fanaka na yena emisaveni. I munhu wo lulama wa mahanyelo lamanene; wa ndzi tirhela, a fularhela leswo biha!”

Ntirho 2:2

Kutani HOSI Xikwembu xi ku ka Sathana: “U huma kwihi ke?” Sathana a hlamula a ku: “A ndzi ri karhi ndzi rhendzeleka emisaveni, ndzi valanga hala ni hala.”

Ntirho 38:7

Esikwini rero, tinyeleti ta mixo a ti yimbelela hi nomo wun'we; swivumbiwa swa le tilweni, a swi ba minkulungwana hinkwaswo.

Luka 1:19

Ntsumi yi n'wi hlamula, yi ku: “Hi mina Gabriele, la yimaka emahlweni ka Xikwembu; ndzi rhumiwile ku ta vulavula na wena ni ku ku tivisa mahungu lamanene lawa.

Luka 22:31

Yesu a ku ka Petro: “Simoni, Simoni, yingisa: Sathana ú pfumeleriwile ku mi hlela hinkwenu kukota mavele,

Vaheveru 1:14

Xana tintsumi hinkwato a hi mimoya leyi tirhelaka Xikwembu, leyi rhumiweke ku pfuna vanhu lava fanelaka ku kuma ku ponisiwa xana?