Ntirho 19:2 - BIBELE Mahungu Lamanene

² “Xana mi ta tshika rini ku ndzi karhata, mi ta ndzi tlhava hi marito ku fikela rini?

Xitsonga (Bibele)

² “Mi ta hlokohlisa moya wa mina, Ni ku ndzi tikerisa hi marito ya n'wina ku yisa kwihi xana?

Ntirho 19:2 Iomraidhean Croise

Nhlavutelo 6:10

A va huwelela hi rito leri tlakukeke va ku: “We Hosi ya matimba hinkwawo, wena wo kwetsima, wa ntiyiso, swa ha ta teka nkarhi muni ku fikela loko u ta avanyisa vaaki va misava ni ku va ba, leswi va hi dlayeke?”

Swivuriso 18:21

Rifu ni vutomi, swi lawula hi ku vulavula ka munhu, lava rhandzaka ku vulavula, va ta tshovela mihandzu ya kona.

Swivuriso 12:18

Vanhu vo hatla ku vulavula, marito ya vona ma tlhava ku fana ni fumu, kasi marito ya lavo tlhariha ma horisa.

Pisalema 64:3

hikuva ku vulavula ka vona ka tlhava kukota tlhari leri lotiweke, marito ya vona ma dlaya, onge i miseve leyi nga ni vuxungu.

Pisalema 59:7

Twana! Milomo ya vona yi humesa nhlambha ntsena, marito ya vona ma tlhava kukota tlhari, va ehleketa leswaku ku hava loyi a nga va twaka.

Pisalema 55:21

Marito ya yena a ma tsokombela wonge i vulombe, kambe a a ehleketa ntsena ku pfuxa tinyimpi; ku vulavula ka yena a ku rhetela kukota mafurha, kambe embilwini a a hlome matlhari.

Pisalema 42:10

Ndzi titwa ndzi tshoveke swirho, loko valala va mina va ndzi rhukana, ni loko va tshamela ku ndzi vutisa va ku: “Xana Xikwembu xa wena xi kwihi ke?”

Pisalema 13:1

We HOSI, xana u ta ndzi rivala ku fikela rini xana? Ku ta va hilaha ku nga heriki ke? U ta ndzi fularhela ku fikela rini xana?

Ntirho 27:2

“Ndzi hlambanya hi Xikwembu lexi hanyaka, lexi-nga-ni-matimba-hinkwawo, xona xi alaka ku ndzi lwela, xi ndzi dyisaka ni mbitsi, ndzi ri:

Ntirho 18:2

“We Yobo, u ta tshika rini ku phyaphyarha xana? Tianakanye, hi ta kota ku vulavula na wena.

Ntirho 8:2

“Marito ya wena i xidzedze lexi onhaka; u ta vulavurisa sweswo ku fikela rini ke?

Vaavanyisi 16:16

Delila a sindzisa Samsoni siku rin'wana ni rin'wana, a n'wi heta matimba hi marito ya yena, a nga ha koti ku tiyisela.

Ntirho 19:1

Kutani Yobo a hlamula a ku:

Ntirho 19:3

Mo tshamela ku ndzi rhuketela! Xana a mi na tingana ku ndzi veka nandzu xana?

Ntirho 27:12

N'wina hinkwenu, leswi humeleleke mi swi vonile, hikwalaho ka yini mi tikanganyisa hi swilo swa hava, xana?”