Ntirho 1:3 - BIBELE Mahungu Lamanene

³ A a fuwile ngopfu: A a ri ni tinyimpfu ta 7 000, ni tikamela ta 3 000, ni swipano swa 500 swa tihavi, ni timbhongolo ta mantswele ta 500, naswona malandza ya yena a ma tele ngopfu; hikokwalaho a a tiveka ku tlula vanhu hinkwavo va matiko ya le vuxeni.

Xitsonga (Bibele)

³ Swifuwo swa yena a ti ri tinyimpfu ta 7 000, ni tikamela ta 3 000, ni tihomu leti ringanaka majoko ya 500, ni timbhongolo ta matswele ta 500, ni malandza layo tala; munhu yeloyi a a tlula vavanuna hinkwavo va le vuxeni hi vukulu.

Ntirho 1:3 Iomraidhean Croise

Genesa 12:16

Kutani hikwalaho ka Sarayi Faro a tsakela Abrama, a n'wi nyika ni tinyimpfu, ni tihomu, ni timbhongolo ta xinuna ni ta mantswele, ni malandza ya xinuna ni ya xisati, ni tikamela.

Genesa 12:5

Kutani Abrama a teka Sarayi nsati wa yena, na Lota n'wana wa makwavo, ni swilo swa vona hinkwaswo, a teka ni malandza lawa va ma kumeke eHarani, va khoma ndlela va kongoma etikweni ra Kanana.

Genesa 13:6

kutani ndhawu leyi a va ri eka yona, a yi nga ta kota ku va nyika swakudya swo ringana loko va tshama eka yona va ri vambirhi, naswona a va ri ni swilo swo tala, hikokwalaho a va nga ta tshama endhawini yin'we.

Genesa 24:35

HOSI yi katekisile n'wini wanga, kutani ú fumile swinene. HOSI yi n'wi nyikile mintlhambi ya swifuwo leswikulu ni leswitsongo, ni silivhere, ni nsuku, ni malandza ya xinuna ni ya xisati, ni tikamela, ni timbhongolo.

Genesa 25:6

Vana va vasati va yena lavatsongo, Abrahama ú va nyikile tinyiko ntsena, kutani loko a ha hanya, a va hambanyisa ni n'wana wa yena Isaka, a va yisa etikweni rin'wana ra le vuxeni.

Genesa 29:1

Kutani Yakobo a ya emahlweni ni riendzo ra yena ku kondza a ya fika etikweni ra vanhu va le vuxeni.

Genesa 32:14

Ú pamburile leswi: Timbuti ta mathokazi ta 200, ni swiphongho swa 20, ni tinyimpfu ta mathokazi ta 200, ni makhuna ya 20,

Genesa 34:23

A hi pfumeleni leswi va swi vulaka leswaku va ta tshama swin'we na hina, kutani swifuwo swa vona ni swilo swa vona hinkwaswo swi ta va swa hina.”

2 SAMIELE 12:2

Lowa xifumi a a ri ni tihomu ni tinyimpfu leto tala ngopfu.

1 TIHOSI 4:30

Hikokwalaho, vutlhari bya Solomoni a byi tlula bya vanhu hinkwavo va le vuxeni, ni bya hinkwavo va le Egipta.

2 TIHOSI 15:20

Mali yo luva hosi ya Asiriya ha yona, Menahema ú yi kumile eka Vaisraele hi ku sindzisa swifumi ku humesa tisilivhere ta 50 hi munhu. Kavaloko Tiglata-Pilezere a tlhela, a nga tshamanga nkarhi wo leha etikweni ra Israele.

2 TIHOSI 3:4

Hosi Mexa wa le Mowabu a a fuwile tinyimpfu. Lembe rin'wana ni rin'wana, a a fanele ku yisa swinyimpfana swa 100 000 eka hosi ya Israele, a yisa ni voya bya tinyimpfu ta 100 000.

1 TIKRONIKA 27:30

Obili wa ka Iximaele a a hlayisa tikamela; timbhongolo tona a ti languteriwa hi Yehedeya wa le Meronoti.

2 TIKRONIKA 26:10

Uziya a aka swihondzo ni le handle ka Yerusalema, a kovotla emaribyeni makhele layo tala yo hlayisela mati, hikuva a a ri ni swifuwo leswo tala etimbaleni ni le minkoveni. Naswona a a ri ni vanhu lava hlayisaka masimu ya yena ya vhinya, va n'wi byalela ni mavele emagangeni ni le mitangeni, hikuva a a tsakela ngopfu swa vurimi.

2 TIKRONIKA 32:29

Yena n'winyi, a a tiakele miti, a tilavela ni mintlhambi ya tihomu ni ya tinyimpfu leto tala, Xikwembu xi ri karhi xi andzisa rifuwo ra yena.

Ntirho 1:10

hikuva wa n'wi sirhelela matlhelo hinkwawo, yena ni muti wa yena ni swilo swa yena hinkwaswo. U n'wi katekisile emintirhweni ya yena, kutani rifuwo ra yena ri andzile ngopfu etikweni.

Ntirho 1:4

Vana va Yobo va xinuna a va tolovele ku rhambana, va endla minkhuvo hi masiku yo hambana-hambana, va rhamba ni vamakwavo lavanharhu va xisati leswaku va ta va na vona eku dyeni ni le ku nweni.

Ntirho 21:28

hikuva mi ri: ‘Yi kwihi yindlu ya nganakana, ntsonga wa lowo homboloka wu kwihi xana?’

Ntirho 29:25

A ndzi ri murhangeri wa vona, ndzi va komba tindlela, ndzi fana ni hosi exikarhi ka vanhu va yona, kumbe muchaveleri wa lava rilaka.”

Ntirho 31:25

Xana ndzi lo tikurisa hi rifuwo ra mina, ndzi tsakela hinkwaswo leswi ndzi nga tikumela swona xana?

Ntirho 31:37

Ndzi ta tihlamulela emahlweni ka Xikwembu ehenhla ka mintirho ya mina yo lulama, ndzi yima emahlweni ka xona onge ndzi hosi.

Ntirho 42:10

Loko Yobo a hetile ku khongelela vanghana va yena, HOSI Xikwembu xi n'wi tlherisela rifuwo ra yena, ri tlula kambirhi leswi a a ri na swona eku sunguleni.

Ntirho 42:12

Kutani HOSI Xikwembu xi katekisa Yobo ku tlula eku sunguleni, a va ni tinyimpfu ta 14 000, ni tikamela ta 6 000, ni swipano swa 1 000 swa tihavi, ni timbhongolo ta mantswele ta 1 000,

Swivuriso 10:22

Minkateko ya HOSI Xikwembu yi fumisa vanhu, ku tikarhata ka munhu ku nga ka ku nga yi engeteli.

Yeremiya 49:28

Lawa i mahungu hi tlhelo ra va le Kedari ni tindhawu leti nga hansi ka muti wa Hasoro, laha Nebukadnetsara hosi ya le Babilona a nga hlasela kona. Hosi Xikwembu xi ri: “Sukani mi ya lwa ni va le Kedari, mi teka swilo swa vanhu va le vuxeni.

Tinhlayo 23:7

Kutani Balaama a sungula ku tlhokovetsela, a ku: “Balaka ú ndzi vitanile etikweni ra Siriya, yena hosi ya Mowabu ú ndzi rhumele rito etintshaveni ta le vuxeni, a ku: ‘Tana u ta ndzi rhuketelela va rixaka ra Yakobo, ndzi ri, tana u ta sandza Vaisraele!’

Vaavanyisi 6:3

Minkarhi hinkwayo loko Vaisraele va rimile masimu, Vamidiyani ni Vaamaleke ni va le vuxeni a va ta va ta va hlasela,

Vaavanyisi 6:5

Vanhu lava a va ta ni swifuwo swa vona ni swo dzima ha swona mintsonga, va tele ku fana ni tinjiya; vona ni tikamela ta vona, a va ri ntsandza-vahlayi, kutani loko va nghenile ensin'wini, a ku nga ha sali nchumu.

Vaavanyisi 7:12

Vamidiyani ni Vaamaleke ni va le vuxeni a va tate rivala, va tele kukota tinjiya, na tona tikamela ta vona a ti ri ntsandza-vahlayi, ti tele ku fana ni sava eribuweni ra lwandle.

Vaavanyisi 8:10

Enkarhini lowu, Zeba na Salmuna a va ri eKarikoro swin'we ni masocha ya vona ya kwalomu ka 15 000, ma nga lawa a ma sele eka mavuthu hinkwawo ya vanhu va le vuxeni, endzhaku ka loko ku dlayiwile masocha ya 120 000.

1 SAMIELE 25:2

Le Mawoni, a ku ri ni wanuna un'wana loyi a a fuwile swinene; a a ri ni tinyimpfu ta 3 000 ni timbuti ta 1 000, leti a a ti hlayisa kusuhi ni muti wa Karmele; hikokwalaho hi nkarhi lowu voya bya tinyimpfu ta yena byi tsemetiwaka ha wona, a a tshama kwale Karmele.

1 SAMIELE 27:9

Davhida a hlasela tiko leri hinkwaro, a nga tsetseleli, a dlaya hambi wanuna kumbe wansati, naswona a phangha tinyimpfu, ni tihomu, ni timbhongolo, ni tikamela, ni swiambalo, a vuya na swona eka Akixi.