Nehemiya 7:6 - BIBELE Mahungu Lamanene

⁶ Vanhu lava Nebukadnetsara hosi ya Babilona a va khomeke a va yisa evukhumbini, va sukile exifundzheni lexi a va tshama eka xona va tlhelela eYerusalema, un'wana na un'wana a kongoma emutini wa yena.

Xitsonga (Bibele)

⁶ Hi lava vanhu va tiko lava tlheleke eku bohiweni, a va yisiwile eku bohiweni hi Nebukadnetsara, hosi ya Babilona, va tlherile Yerusalema le Yuda, un'wana ni un'wana emutini wa yena.

Nehemiya 7:6 Iomraidhean Croise

2 TIHOSI 25:11

Kutani Nebuzaradani ndhuna ya vasirheleri a teka vanhu lava a va sele emutini, ni lava a va tinyiketile eka hosi ya le Babilona, swin'we ni masalela ya lava akeke etikweni, a va yisa evukhumbini hinkwavo.

Ezra 5:8

We hosi, hi ku tivisa leswaku hi yile exifundzheni xa Yuda, laha ku nga ni yindlu ya Xikwembu lexikulu; yindlu leyi yi le ku akiweni hi maribye lamakulu ni timhandze leti veketeriwaka exikarhi ka maribye lawa. Lava tirhaka va chivirika swinene, ntirho wa vona wu ya emahlweni.

Ezra 6:2

Kutani le Ekibatana wu nga wona ntsindza wa xifundzha xa Vameda, va kuma buku leyi tsariweke marito lawa: “Xitsundzuxo:

Nehemiya 1:3

Kutani va ku ka mina: “Lava va nga xifundzheni lexiya, lava vuyeke hi le vukhumbini, va le khombyeni lerikulu; leswi va endliwaka swona swi khomisa tingana; rirhangu ra muti wa Yerusalema ri mbundzumuxiwile, ni tinyangwa ti herisiwile hi ndzilo.”

Nehemiya 7:7

Varhangeri va vona a va ri lava: Zerubabele, na Yexuwa, na Nehemiya, na Azariya, na Ramiya, na Nahamani, na Mordekayi, na Bilixani, na Misperete, na Bigivhayi, na Nehumi, na Baana. Mintsengo ya Vaisraele lava vuyeke hi leyi: