Nehemiya 7:4 - BIBELE Mahungu Lamanene

⁴ Muti wa Yerusalema a wu ri wukulu swinene, kambe vanhu lava a va tshama kona a va nga talanga, naswona a va nga si aka tindlu to tala.

Xitsonga (Bibele)

⁴ Hikuva muti a wu anamile, wu ri wukulu, kambe vanhu va wona a va nga talanga, na tona tindlu a ti nga si akiwa.

Nehemiya 7:4 Iomraidhean Croise

Nehemiya 11:1

Emutini wa Yerusalema a ku tshama varhangeri; kutani ntshungu wu hoxa vuhlolotwana leswaku exikarhi ka mindyangu yin'wana na yin'wana ya khume, ku hlawuriwa ndyangu wun'we wu ya tshama emutini lowo hlawuleka wa Yerusalema, kasi mindyangu leyi salaka ya 9 yona yi tshama emitini yin'wana.

Nehemiya 11:2

Kutani ntshungu wu dzunisa vanhu hinkwavo lava tinyiketeke ku ya tshama eYerusalema.

Nehemiya 7:3

Kutani ndzi byela Hanani na Hananiya ndzi ku: “Vonani leswaku tinyangwa ta muti wa Yerusalema ti nga pfuriwi ku kondza dyambu ri va henhla, naswona loko vanhu va nga si ya eku etleleni, timbanti ti fanele ku pfariwa. Hlawulani varindzi exikarhi ka vaaki va muti wa Yerusalema; van'wana va fanele ku rindza etinyangweni, van'wana kusuhi na tindlu ta vona.”

Nehemiya 7:5

Kutani Xikwembu xi ndzi nyika miehleketo ya leswaku ndzi hlengeleta varhangeri ni tindhuna ni vanhu hinkwavo va ta tsariwa hi ku ya hi swivongo swa vona. Kutani ndzi kuma buku leyi ku tsariweke eka yona mavito ya lava va rhangeke va vuya hi le vukhumbini. Eka yona a ku tsariwile leswi:

Esaya 58:12

Mi ta pfuxa miti leyi tshameke nkarhi wo leha yi ri marhumbi, mi yi aka hi vuntshwa laha a yi ri kona eminkarhini ya khale; mi ta vuriwa ‘lava pfuxeke makhumbi, va aka hi vuntshwa tindlu to tshama ka tona’.”

Matewu 6:33

Rhangani mi tilavela Mfumo wa yena ni ku lulama ka yena, kutani sweswo hinkwaswo mi ta engeteleriwa swona.