Nehemiya 7:3 - BIBELE Mahungu Lamanene

³ Kutani ndzi byela Hanani na Hananiya ndzi ku: “Vonani leswaku tinyangwa ta muti wa Yerusalema ti nga pfuriwi ku kondza dyambu ri va henhla, naswona loko vanhu va nga si ya eku etleleni, timbanti ti fanele ku pfariwa. Hlawulani varindzi exikarhi ka vaaki va muti wa Yerusalema; van'wana va fanele ku rindza etinyangweni, van'wana kusuhi na tindlu ta vona.”

Xitsonga (Bibele)

³ Ndzi ku eka vona: “Tinyangwa ta Yerusalema, ti nga pfuriwi loko dyambu ri nga si tlhava; mi ri karhi ma ha yimile kona, ku ta pfariwa tinyangwa, mi ti tiyisa; lava akeke eYerusalema, va ta va valanguteri, un'wana ni un'wana entlaweni wa yena, van'wana va ta langutela ku lavana ni tindlu ta vona.”

Nehemiya 7:3 Iomraidhean Croise

Nehemiya 13:19

Hikokwalaho, ndzi lerisa leswaku loko Savata yi nga si sungula, enkarhini lowu dyambu ri yaka eku peleni, tinyangwa ta muti wa Yerusalema ti fanele ku pfariwa, ti tshamisa sweswo ku kondza Savata yi hundza. Kutani ndzi veka malandza ya mina ya rindza etinyangweni leswaku ku nga vi na nhundzu leyi nghenisiwaka emutini wa Yerusalema hi siku ra Savata.

Nehemiya 3:23

Ekusuhi ni vaprista lava a ku tirha Benjamini na Haxubu; vona a va aka xiphemu lexi langutaneke ni yindlu ya ka vona. Ekusuhi na vona a ku tirha Azariya n'wana Maaseya wa Ananiya; yena a a aka xiphemu lexi nga kusuhi ni yindlu ya yena.

Nehemiya 7:2

Kutani ndzi veka makwerhu Hanani, na Hananiya loyi a a hlayisa khokholo leswaku va va vona valanguteri va muti wa Yerusalema. Hananiya a a ri munhu wo tshembeka, naswona a a chava Xikwembu ku tlula vanhu vo tala.

Nehemiya 7:4

Muti wa Yerusalema a wu ri wukulu swinene, kambe vanhu lava a va tshama kona a va nga talanga, naswona a va nga si aka tindlu to tala.

Pisalema 127:1

Loko yindlu yi nga akiwi hi HOSI, ntirho wa vaaki a wu pfuni nchumu. Loko muti wu nga rindziwi hi HOSI, valanguteri va rindzela mahala.

Pisalema 147:13

Hi xona lexi tiyisaka rirhangu ra wena, xi biyelela lava akeke ka wena.

Matewu 10:16

“Vonani, ndzi mi rhuma mi fana ni tinyimpfu exikarhi ka timhisi; hikwalaho ke tlharihani kukota tinyoka, mi va lavo rhula kukota matuva.