Nehemiya 4:2 - BIBELE Mahungu Lamanene

² a vulavula ni vamakwavo ni mavuthu ya le Samariya a ku: “Xana vambuyangwana lava va Vayuda va endla yini xana? Xana va lava ku tlhela va pfuxa muti lowu xana? Xana leswi va humesaka magandzelo, va ri va nga heta ntirho hi siku rin'we xana? Xana va ri ku nga huma maribye yo aka ha wona etinhulwini leti ta thyaka ra leswi tshweke xana?”

Xitsonga (Bibele)

² Kutani a vulavula emahlweni ka vamakwavo ni le mahlweni ka tinhenha ta Samariya, a ku: “Vayuda lava va swisiwana, va endla yini? Xana va titshemba swonghasi-ke? Xana va ta tlhava magandzelo-ke? Va ta heta sweswi xana? Xana va ta hanyisa maribye lama tshweke ehansi ka tinhulu leti ta ntshuri xana?”

Nehemiya 4:2 Iomraidhean Croise

Ezra 4:4

Hiloko vanhu lava va heta va ka Yuda matimba, va va chavisa ku aka,

Nehemiya 12:27

Enkarhini wa ku khanguriwa ka rirhangu ra muti wa Yerusalema, Valevhi va vitaniwile va huma etindhawini ta vona hinkwato, va ta emutini wa Yerusalema ku ta dya nkhuvo wo khangula rirhangu; kutani ku tsakiwa, ku nkhensiwa Xikwembu hi ku yimbelela, va chaya swiphambati swa nsimbhi, ni tiharipa ni switende.

Nehemiya 12:43

Kutani siku rero vanhu va humesa magandzelo layo tala, va tsaka swinene hikuva Xikwembu a xi va nyikile ntsako lowukulu. Vavasati ni vana, na vona a va tsakile swinene. Huwa ya ntsako lowu a wu ri kona eYerusalema a yi fika ekule swinene.

Nehemiya 4:10

Vavanuna va ka Yuda a va ku: “Vatirhi a va ha ri na matimba, kasi marhumbi ma ha tele ngopfu. Hi nga ka hi nga koti ku yisa emahlweni ntirho wo aka rirhangu.”

Nehemiya 6:15

Ntirho wo aka rirhangu wu tekile masiku ya 52; wu hele hi siku ra 25 ra n'hweti ya Elulu.

Pisalema 83:4

Va ri: “A hi yeni hi ya herisa tiko ra Vaisraele, vito ra vona ri ta ka ri nga ha tsundzukiwi hi munhu!”

Yeremiya 26:18

“Loko hosi Hezekiya a ha fuma etikweni leri ra Yuda, a ku ri ni muprofeta Mikiya wa le Morexeta; hina hinkwerhu va ka Yuda hi n'wi twile loko a hi tivisa marito ya HOSI ya matimba hinkwawo, lawa ya nge: “ ‘Muti wa Siyoni wu ta rimiwa kukota nsimu, Yerusalema ú ta hundzuka rhumbi; exintshabyanini xa Tempele, ku ta va swihlahla ntsena.’

Yeremiya 33:24

“U swi twile leswaku ku ni vanhu lava va ndzi sandzaka va ku: ‘HOSI Xikwembu xi tshikile va ka Yuda ni va ka Levhi, va nga vanhu lava a xi va hlawurile!’ Vasandzi lava va hlekula vanhu va mina, va va langutela hansi.

Daniele 9:25

Tiva mhaka leyi u yi twisisa: Ku ta rhanga ku hundza nkarhi wa malembe ya 7 lama hlayiwaka ka 7, ku sukela loko ku humile xileriso xa ku aka muti wa Yerusalema hi vuntshwa, ku fikela loko mufambisi lontshwa a ta vekiwa hi ku cheriwa mafurha enhlokweni. Endzhaku ka sweswo, magondzo ya muti ni rirhangu ra wona swi ta va eku pfuxiweni nkarhi wa malembe ya 7 lama hlayiwaka ka 62. Minkarhi ya kona yi ta va leyo tika swinene.

Habakuku 3:2

HOSI, mahungu ya ntirho wa wena ndzi ma twile, kutani wa ndzi chavisa, we HOSI. Pfuxa mintirho ya wena eminkarhini ya sweswi! Tikombe ni manguva lawa! Kambe, eku kariheni ka wena, u nga rivali ku tsetselela.

Zakariya 12:8

Enkarhini wolowo, HOSI Xikwembu xi ta sirhelela vaaki va Yerusalema, leswaku lava tsaneke exikarhi ka vona va ta tiya ku fana na Davhida. Loko va ri vatukulu va Davhida, vona va ta rhangela tiko ku fana ni ntsumi ya Xikwembu, kumbe ku fana ni Xikwembu hi xiviri.

Zakariya 4:10

Xana i vamani lava soleke ntirhonyana lowutsongo wa masungulo xana? A va tsake sweswi, loko va vona Zerubabele a khomile ribye lero hlawuleka ngopfu. Ntsumi yi tlhela yi ku: “Timboni ta 7 i mahlo ya HOSI Xikwembu, lama valangaka misava hinkwayo.”

1 Vakorinto 1:27

kambe Xikwembu xi hlawurile leswi misava yi swi vonaka swi ri “swa vuhunguki”, ku khomisa tintlhari etingana. Xikwembu xi hlawurile leswi misava yi swi vonaka swi ri ni ku tsana, ku khomisa leswi nga ni matimba etingana.