Nehemiya 4:10 - BIBELE Mahungu Lamanene

¹⁰ Vavanuna va ka Yuda a va ku: “Vatirhi a va ha ri na matimba, kasi marhumbi ma ha tele ngopfu. Hi nga ka hi nga koti ku yisa emahlweni ntirho wo aka rirhangu.”

Xitsonga (Bibele)

¹⁰ Kambe Vayuda va ku: “Matimba ya varhwari ma tsana, kasi ntshuri wu tele, wu ta hi tsandza ku heta rirhangu.”

Nehemiya 4:10 Iomraidhean Croise

2 TIKRONIKA 2:18

Van'wana va vona vo ringana 70 000, a va rhwexa ntirho wa ku hlengeleta nhundzu; van'wana va 80 000 va rhwexiwa ntirho wo cela maribye emagangeni; kasi van'wana va 3 600 va vekiwa ku va valanguteri va mintirho yoleyo.

2 TIKRONIKA 34:13

a va seketela lava rhwalaka leswo tika, va rhangela hinkwavo lava tirhaka eTempeleni; Valevhi lavan'wana a va ri vamatsalani, ni tindhuna, ni varindzi va le tinyangweni.

Nehemiya 4:11

Valala va hina vona a va ku: “Vanhu lava, va nge tivi nchumu, ni ku hi vona va nge hi voni ku kondza hi ya nghena exikarhi ka vona hi va dlayetela, kutani hi ndlela leyi hi ta yimisa ntirho wo aka.”

Nehemiya 4:2

a vulavula ni vamakwavo ni mavuthu ya le Samariya a ku: “Xana vambuyangwana lava va Vayuda va endla yini xana? Xana va lava ku tlhela va pfuxa muti lowu xana? Xana leswi va humesaka magandzelo, va ri va nga heta ntirho hi siku rin'we xana? Xana va ri ku nga huma maribye yo aka ha wona etinhulwini leti ta thyaka ra leswi tshweke xana?”

Nehemiya 4:9

Kutani hi khongela Xikwembu xa hina, hi veka vanhu va rindza vusiku ni nhlekanhi leswaku valala va hina va nga hi hlaseli.

Ezekiele 29:18

“Wena Ezekiele, wa swi tiva leswaku loko Nebukadnetsara a ri karhi a tilunghisela ku hlasela muti wa Tiri, ú sindzisile vanhu va yena ku rhwala mindzhwalo leyo tika, leyi yi nga va guvula misisi, yi va tshwomola ni makatla; kambe Nebukadnetsara ni vanhu va yena va tikarhatele mahala, a va vuyanga na nchumu eku hlaseleni ka muti wa Tiri.

Hagayi 1:2

leri humeke eka HOSI ya matimba hinkwawo, hi leri nge: “Vanhu lava va vula leswaku a hi wona nkarhi wo ta va ta pfuxa yindlu ya mina.

Tinhlayo 13:31

Kambe vavanuna lava Kalebe a a fambile na vona va ku: “Hi nga ka hi nga swi koti ku ya lwa ni vanhu lavaya, hikuva va tiyile ku tlula hina.”

Tinhlayo 32:9

Loko va famba va valanga tiko, va lo ya fika enkoveni wa Exikolo ntsena, kutani va vuya va ta nyamisa timbilu ta Vaisraele, va va sivela ku ya nghena etikweni leri HOSI Xikwembu xi va nyikeke rona.