Nehemiya 3:7 - BIBELE Mahungu Lamanene

⁷ Ekusuhi na vona a ku aka Melatiya wa le Gibeyoni, na Yadoni lowa Mumeronoti, ni va le Gibeyoni, ni va le Mispa lava fumiwaka hi ndhunankulu ya xifundzha xa le vupeladyambu bya nambu wa Yufrata.

Xitsonga (Bibele)

⁷ Ekusuhi na vona ku lunghisa Melatiya, wa Gibiyoni, na Yadoni, wa Meronoti, ni vanhu va Gibiyoni, ni va Mispa, va le kufumeni ka hosi ya hase ka nambu.

Nehemiya 3:7 Iomraidhean Croise

2 SAMIELE 21:2

Hiloko Davhida a vitana va le Gibiyoni, a vulavula na vona. (Va le Gibiyoni lava a va nga ri va rixaka ra Israele, kambe a va ri masalela ya Vaamori; Vaisraele a va tibohile hi ku hlambanya leswaku va ta va tsetselela, kambe Sawulo a a ringetile ku va herisa, hikuva a a hisekela vanhu va Israele na Yuda.)

1 TIKRONIKA 27:30

Obili wa ka Iximaele a a hlayisa tikamela; timbhongolo tona a ti languteriwa hi Yehedeya wa le Meronoti.

2 TIKRONIKA 16:6

Hiloko hosi Asa a rhamba vanhu hinkwavo va Yuda, va ya tleketla maribye ya le Rhama, ni timhandze ta kona, swi nga leswi Baaxa a a pfuxa muti ha swona, kutani Asa a swi tirhisa ku aka hi vuntshwa miti ya Geba na Mispa.

Ezra 4:11

Papila ra kona a ri ku: “Eka wena hosi Ataserkisi, hina malandza ya wena lama tshamaka evupeladyambu bya nambu wa Yufrata, hi ri: Xewani!

Nehemiya 3:19

Ekusuhi na Bavhayi a ku tirha Ezere n'wana Yexuwa ndhuna ya le Mispa. Ezere a a aka xiphemu lexi langutaneke na ndhawu leyi tlhandlukelaka laha ku hlayiseriwaka kona matlhari, kusuhi ni yinhla ya rirhangu.