Nehemiya 3:1 - BIBELE Mahungu Lamanene

¹ Eliyaxibi, Muprista Lonkulu, ni vaprista-kulobye va sungula ntirho wa ku aka, va aka nyangwa leyi vuriwaka Nyangwa-ya-Tinyimpfu, va tlhela va yi hlawulekisa, va vekela ni timbanti. Va ya emahlweni va aka rirhangu va tlhela va ri hlawulekisa ku kondza va ya fika eka Xihondzo-xa-Dzana ni ka Xihondzo-xa-Hananele.

Xitsonga (Bibele)

¹ Kutani Eliyaxibi, muprista lonkulu ni vaprista vamakwavo va suka va aka nyangwa ya Tinyimpfu, va yi hlawulela Yehovha, va nghenisa timbanti ta kona, kambe va aka va hlawulela Yehovha rirhangu ku fika ekhokholweni ra Mea, ni ku fika ekhokholweni ra Hananele.

Nehemiya 3:1 Iomraidhean Croise

Nehemiya 12:10

Yexuwa ú veleke Yoyakimi, kutani Yoyakimi a veleka Eliyaxibi, Eliyaxibi a veleka Yoyada,

Nehemiya 12:30

Kutani vaprista ni Valevhi va tibasisa, va basisa ni ntshungu ni tinyangwa ta rirhangu.

Nehemiya 12:39

Kutani hi ya hundza hi le ka nyangwa leyi vuriwaka Nyangwa-ya-Efrayimi ni le ka leyi vuriwaka Nyangwa-ya-Khale ni le ka leyi vuriwaka Nyangwa-ya-Tinhlampfi ni le ka Xihondzo xa Hananele ni lexi vuriwaka Xihondzo-xa-Dzana, hi ya fika ni le ka nyangwa leyi vuriwaka Nyangwa-ya-Tinyimpfu. Kutani lava a va ri ku nkhenseni va fika va yima eka nyangwa leyi vuriwaka Nyangwa-ya-Varindzi.

Nehemiya 13:28

Eliyaxibi, Muprista Lonkulu, a a ri ni n'wana loyi a va ku i Yoyada; kutani un'wana wa vana va Yoyada a ya a ya teka n'wana Muhoroni loyi a va ku i Sanibalati; hikokwalaho ka leswi, ndzi hlongola n'wana loyi wa Yoyada a suka eYerusalema.

Nehemiya 13:4

Loko leswi swi nga si humelela, muprista Eliyaxibi a a vekiwile ku va mulanguteri wa yindlu ya Xikwembu. Eliyaxibi a a ri munghana wa Tobiya,

Nehemiya 3:20

Ekusuhi na Ezere a ku tirha Baruku n'wana Zabayi, yena a a aka xiphemu lexi sukelaka eyinhleni ya rirhangu ku ya fika enyangweni ya yindlu ya Eliyaxibi Muprista Lonkulu.

Nehemiya 3:21

Ekusuhi na Baruku a ku tirha Meremoto n'wana Uriya wa Hakosi; yena a a aka xiphemu xo sukela enyangweni ya yindlu ya Eliyaxibi ku ya fika laha yindlu yi helelaka kona.

Nehemiya 3:32

Xiphemu xo suka eka yindlu ya le henhla leyi nga laha rirhangu ri jikaka kona, xi ya fika eka nyangwa leyi vuriwaka Nyangwa-ya-Tinyimpfu, xona a xi akiwa hi vafuri va nsuku ni vaxavisi.

Nehemiya 6:1

Sanibalati na Tobiya na Gexeme lowa Muarabu ni valala va mina hinkwavo, va swi twile leswaku ndzi hetile ku aka rirhangu, ni leswaku a ka ha salanga ndhawu leyi nga akiwangiki, kambe enkarhini wolowo timbanti a ndzi nga si ti vekela.

Nehemiya 7:1

Loko ntirho wo aka rirhangu ni ku vekela timbanti wu herile, ndzi vekile varindzi va le tinyangweni, ni vayimbeleri, ndzi veka ni Valevhi entirhweni.

Pisalema 30:1

Ndzi ta ku twarisa we HOSI, hikuva u ndzi tsavurile exidziveni, a wu pfumelanga leswaku valala va mina va tsaka loko ndzi ri ekhombyeni.

Pisalema 48:12

Famba-fambani, mi rhendzeleka ni muti wa Siyoni, mi hlaya ni swihondzo swa wona;

Swivuriso 3:6

Eka hinkwaswo leswi u swi endlaka, tsundzuka HOSI Xikwembu, xi ta ku basisela tindlela.

Swivuriso 3:9

Nkhensa HOSI Xikwembu hi leswi u nga na swona, u xi humesela ni leswi u nga ta rhanga u swi tshovela emasin'wini hinkwawo ya wena,

Yeremiya 31:38

HOSI Xikwembu xi ri: “Nkarhi wa ta lowu muti wa Yerusalema wu nga ta akiwa hi vuntshwa wu akeriwa mina, ku sukela eka ‘Xihondzo-xa-Hananele’ ku ya fika eka ‘Nyangwa-ya-Yinhla’.

Daniele 9:25

Tiva mhaka leyi u yi twisisa: Ku ta rhanga ku hundza nkarhi wa malembe ya 7 lama hlayiwaka ka 7, ku sukela loko ku humile xileriso xa ku aka muti wa Yerusalema hi vuntshwa, ku fikela loko mufambisi lontshwa a ta vekiwa hi ku cheriwa mafurha enhlokweni. Endzhaku ka sweswo, magondzo ya muti ni rirhangu ra wona swi ta va eku pfuxiweni nkarhi wa malembe ya 7 lama hlayiwaka ka 62. Minkarhi ya kona yi ta va leyo tika swinene.

Zakariya 14:10

Tiko hinkwaro ri ta hundzuka rivala, ku sukela eGeba ku ya fika eRimoni, hi tlhelo ra dzonga ku langutana na Yerusalema. Kambe muti wa Yerusalema wona wu ta sala endhawini ya wona leyi tlakukeke, ku sukela eka Nyangwa ya Benjamini ku ya fika eka Nyangwa ya Khale, ni ka Nyangwa ya Yinhla; muti wu ta tlhela wu sukela eka Xihondzo xa Hananiele, wu ya fika laha ku pyanyeriwaka kona mihandzu ya vhinya ya tihosi.

Yohane 5:2

Le Yerusalema, hi tlhelo ra Nyangwa-ya-Tinyimpfu, ku ni vuhlambelo lebyi hi Xiheveru va nge i Betesda, byi rhendzeriwe hi tinxaxa ta ntlhanu ta timhandze letikulu.

Duteronoma 20:5

Kutani tindhuna ti ta vulavula ni ntshungu, ti ku: ‘Loko exikarhi ka n'wina ku ri ni loyi a akeke yindlu, kambe a nga si yi khangula, a a tlhele a ya yi khangula, hikuva swi nga endleka leswaku a ya fela enyimpini, kutani yindlu ya yena yi sala yi khangula hi un'wana.