Nehemiya 2:1 - BIBELE Mahungu Lamanene

¹ Hi lembe ra vu-20 ra ku fuma ka hosi Ataserkisi, hi n'hweti ya Nisani, ndzi cherile vhinyo leyi a yi ri emahlweni ka hosi, ndzi yi nyika yi nwa. Hosi a yi nga si tshama yi ndzi vona ndzi khunguvanyekile,

Xitsonga (Bibele)

¹ En'hwetini ya Nisani, hi lembe ra makume mambirhi ra ku fuma ka Ataserkisi, kakuloko vhinyo yi ri emahlweni ka yena, ndzi teka vhinyo, ndzi nyika hosi; kambe a ndzi nga si vusangana mombo emahlweni ka yena.

Nehemiya 2:1 Iomraidhean Croise

Genesa 40:11

Evokweni a ndzi khomile xinwelo xa hosi Faro, kutani ndzi teka mihandzu ya vhinya ndzi kamela exinwelweni lexi, ndzi nyika hosi Faro.”

Genesa 40:21

Kutani hosi Faro a tlherisela ndhuna ya vacheri entirhweni wa yona wo chela vhinyo, leswaku yi hamba yi n'wi nyika xinwelo.

Ezra 4:7

Enkarhini wa Ataserkisi, Bixilama na Mitiredata na Tabele ni vanghana va vona va tsalela Ataserkisi hosi ya Vaperesi epapila hi ririmi ra Xiaramu, leswaku ri ta hlamuseleka.

Ezra 7:1

Endzhaku ka timhaka leti, enkarhini wa ku fuma ka Ataserkisi hosi ya Vaperesi, wanuna loyi a va ku i Ezra a suka eBabilona. Ezra loyi a a ri n'wana Seraya, wa Azariya, wa Hilkiya,

Ezra 7:7

Exikarhi ka lava tlheleleke eYerusalema, hi lembe ra vu-7 ra ku fuma ka hosi Ataserkisi, a ku ri ni Vaisraele van'wana, ni vaprista, ni Valevhi, ni vayimbeleri, ni varindzi va le nyangweni, ni malandza lama tirhaka eTempeleni.

Nehemiya 1:1

Lawa i marito ya Nehemiya n'wana Hakaliya: Hi n'hweti ya Kislevhu, hi lembe ra vu-20 ra ku fuma ka Ataserkisi, loko ndzi ri entsindza le Xuxani,

Nehemiya 1:11

We HOSI, ndzi kombela leswaku u rhiya ndleve u yingisa xikhongelo xa mina nandza wa wena, u yingisa ni xikhongelo xa malandza ya wena lawa ma tinyungubyisaka hi vito ra wena lero chaviseka. Ndzi kombela leswaku u ndzi katekisa mina nandza wa wena, u endla leswaku namuntlha hosi ya tiko yi ndzi komba tintswalo.” Enkarhini lowu, a ndzi ri mucheri wa vhinyo ya hosi.

Estere 3:7

Hi lembe ra vu-12 ra ku fuma ka hosi Ahasuwerusi, hi n'hweti yo sungula yi nga ya Nisani, Hamani a lerisa leswaku ku hoxiwa vuhlolotwana lebyi vuriwaka “Puru”; va hlahluva ha byona masiku ya tin'hweti hinkwato hi ku landzelelana ka wona, ku ko ku boxiwa siku ra vu-13 ra n'hweti ya vu-12 leyi vuriwaka Adara, ri va rona siku ra ku herisiwa ka rixaka ra Vayuda.

Daniele 9:25

Tiva mhaka leyi u yi twisisa: Ku ta rhanga ku hundza nkarhi wa malembe ya 7 lama hlayiwaka ka 7, ku sukela loko ku humile xileriso xa ku aka muti wa Yerusalema hi vuntshwa, ku fikela loko mufambisi lontshwa a ta vekiwa hi ku cheriwa mafurha enhlokweni. Endzhaku ka sweswo, magondzo ya muti ni rirhangu ra wona swi ta va eku pfuxiweni nkarhi wa malembe ya 7 lama hlayiwaka ka 62. Minkarhi ya kona yi ta va leyo tika swinene.