Nehemiya 13:2 - BIBELE Mahungu Lamanene

² hikuva a va nga yanga va ya hlanganisa Vaisraele va va yisela swakudya ni mati, kambe va va xavele Balaama leswaku a va rhuketela; ndzhukano wa kona Xikwembu xa hina xi wu hundzurile nkateko.

Xitsonga (Bibele)

² hikuva a va yanga va ya hlangana ni vana va Israele hi vuswa ni mati kambe va hakela Balaama leswaku a va rhukana, ntsena Xikwembu xa hina hi xona lexi nga n'wi hlamula ku rhukana hi ku katekisa.

Nehemiya 13:2 Iomraidhean Croise

Pisalema 109:28

Hambi loko va ndzi rhukana, wena wa ndzi katekisa, loko va lwa na mina, va ta khomiwa hi tingana, kutani mina nandza wa wena ndzi ta tsaka.

Mikiya 6:5

N'wina vanhu va mina, ehleketani makungu lawa Balaka hosi ya Mowabu a a ma bohile, mi tsundzuka ni ndlela leyi Balaama n'wana Beyori a hlamuleke Balaka ha yona; mi nga rivali na leswi humeleleke ku sukela eXitimi ku ya fika eGiligala, mi ta tiva ndlela leyi mina HOSI ndzi mi poniseke ha yona.”

Tinhlayo 23:18

Kutani Balaama a sungula ku tlhokovetsela, a ku: “We Balaka, tana u ta titwela; ndzi lombe tindleve, wena n'wana Siporo:

Matewu 25:40

Hosi yi ta va hlamula, yi ku: ‘Ndzi tiyisile ndzi ri ka n'wina, loko mi tshame mi endla swilo leswi eka un'wana wa vamakwerhu lavatsongo lava, mi swi endlele mina.’

Duteronoma 23:3

“Vaamoni ni Vamowabu a va fanelanga ku nghena laha vanhu va HOSI Xikwembu va hlengeletaneke kona, hambi va ri vatukulu va vona ku ya fika erixakeni ra vukhume a va nga pfumeleriwi. A va nga pfuki va nghenile ni siku ni rin'we,

Duteronoma 23:4

hikuva loko mi ta mi huma hi le Egipta, a va tanga va ta mi hlanganisa endleleni va mi tisela swakudya ni mati, kambe va mi xavele Balaama n'wana Beyori loyi a a tshama ePetoro le Mesopotamiya, leswaku a ta a ta mi rhuketela.

Duteronoma 23:5

Hambiswiritano HOSI Xikwembu xa n'wina a xi n'wi yingisanga Balaama; ndzhukano wa kona xi wu hundzurile nkateko eka n'wina, hikuva a xi mi rhandza.

2 Petro 2:15

Va tshikile ndlela leyinene, va landza ntila wa Balaama n'wana Beyori, loyi a rhandzeke bindzu hi ku endla leswo homboloka.