Nehemiya 1:7 - BIBELE Mahungu Lamanene

⁷ Hi ku hoxele ngopfu hi ku hanya vutomi bya manyala, hi tshika swileriso, ni milawu, ni swiletelo leswi u hi leriseke swona hi nomo wa nandza wa wena Muxe.

Xitsonga (Bibele)

⁷ Kunene, hi ku dyohele ngopfu, a hi hlayisanga ku lerisa ni milawu ya ku avanyisa loku u ku leriseke Muxe, nandza wa wena.

Nehemiya 1:7 Iomraidhean Croise

1 TIHOSI 2:3

Hlayisa tifanelo ta wena emahlweni ka HOSI Xikwembu xa wena, u hanya hi tindlela ta xona. Hlayisa swiletelo swa xona, ni milawu ya xona, ni swiboho swa xona, ni switsundzuxo swa xona, hilaha Muxe a tsaleke hakona ebukwini ya milawu. Loko u endla sweswo, u ta humelela emintirhweni hinkwayo leyi u nga ta yi endla, ni hinkwako lomu makungu ya wena ma nga ta ku kongomisa kona.

2 TIKRONIKA 25:4

Kambe vana va malandza lawa a nga va dlayanga, a yingisa leswi Muxe a swi tsaleke ebukwini ya Nawu, laha HOSI Xikwembu xi leriseke xi ku: “Vatswari a va nga dlayeriwi swidyoho swa vana va vona, na vona vana a va nga dlayeriwi swidyoho swa vatswari va vona. Munhu un'wana ni un'wana ú ta fela swidyoho swa yena.”

2 TIKRONIKA 27:2

Yotamu a endla leswo lulama emahlweni ka HOSI Xikwembu. A landzelela mintila hinkwayo ya Uziya tata wa yena, kambe a nga nghenelelanga mintirho ya le Tempeleni. Loko va ri vanhu va yena, vona a va ha ya emahlweni ni swiendlo swa vona swa manyala.

Ezra 7:6

Ezra a a ri mutsari, a tiva swinene nawu lowu HOSI Xikwembu xa Vaisraele xi wu nyikeke Muxe. Hosi ya tiko yi nyikile Ezra swilo hinkwaswo leswi a swi kombeleke, hikuva HOSI Xikwembu xa yena a xi n'wi katekisile.

Pisalema 106:6

Hi dyohile kukota vatata wa hina, hi onhile, hi endlile leswo biha.

Pisalema 89:31

loko va tshika swileriso swa mina va nga endli ku rhandza ka mina,

Pisalema 89:32

ndzi ta va ba hi mintungu, ndzi va bela swidyoho swa vona ni milandzu ya vona.

Esaya 1:4

Yo, tiko ra vadyohi, vanhu lava nga lo pyì, hi vubihi, rixaka ra mikhuva leyo biha, leri hanyaka hi manyala ntsena! Va tshikile HOSI Xikwembu, va sandza Muhlawuleki wa Israele, va tlhela va n'wi fularhela.

Daniele 9:11

Hina hinkwerhu Vaisraele, hi tlurile nawu wa wena hi wu tshika, hi ala ku yingisa rito ra wena. Hikokwalaho leswi hi ku dyoheleke we Xikwembu, hi weriwile hi ndzhukano lowu Muxe nandza wa wena a wu tsaleke eNawini, lowu a wu tiyiseke hi ku hlambanya.

Daniele 9:13

Mahlomulo lawa hinkwawo, ma hi humelerile hilaha swi tsariweke hakona eka Nawu wa Muxe, kambe hambiswiritano we HOSI Xikwembu xa hina, a hi hundzukanga, a hi tshikanga swidyoho swa hina, naswona a hi kombelanga leswaku u hi twela vusiwana; marito ya wena ya ntiyiso, a hi ma yingisanga.

Hosiya 9:9

Vanhu lava va tionhile hi voxe, ku fana ni leswi va swi endleke eGibeya: HOSI Xikwembu a xi nga yi rivali milandzu ya vona, xi ta va bela swidyoho swa vona.

Levhitika 27:34

Leyi hi yona milawu leyi HOSI Xikwembu xi yi leriseke Muxe entshaveni ya Sinayi leswaku a ya yi byela Vaisraele.

Sofoniya 3:7

A ndzi anakanya leswaku mi ta ndzi chava, n'wina vanhu va mina, mi pfumela ku tshinyiwa, leswaku vutshamo bya n'wina byi nga herisiwi; kambe minkarhi hinkwayo loko ndzi tikombile ka n'wina, mi hisekerile ku endla mintirho ya n'wina hinkwayo leyo biha.

Malakiya 4:4

“Anakanyani leswi nandza wa mina Muxe a mi dyondziseke swona; entshaveni ya Horebe, ndzi n'wi nyikile milawu ni swiletelo, leswaku a mi tivisa swona n'wina Vaisraele hinkwenu.

Duteronoma 4:1

“N'wina Vaisraele, yingisani swinene milawu ni swiletelo leswi ndzi mi dyondzisaka swona, mi hanya ha swona, mi ta kuma vutomi, kutani mi ta nghena etikweni leri HOSI Xikwembu xa vatata wa n'wina xi mi nyikaka rona mi ri teka ri va ra n'wina.

Duteronoma 4:5

“Vonani, ndzi mi dyondzisile milawu ni swiletelo, hilaha HOSI Xikwembu xi ndzi leriseke hakona, leswaku loko mi nghena etikweni leri mi nga ta ri teka ri va ra n'wina, mi ta hanya ha swona.

Duteronoma 5:1

Kutani Muxe a hlengeleta Vaisraele hinkwavo, a vulavula na vona a ku: “N'wina Vaisraele, yingisani swinene milawu ni swiletelo leswi ndzi mi byelaka swona namuntlha; swi dyondzeni mi swi hlayisa, mi hanya ha swona.

Duteronoma 6:1

“Leswi i swileriso ni milawu ni swiletelo leswi HOSI Xikwembu xa n'wina xi ndzi byeleke ku ta mi dyondzisa swona; mi ta hanya ha swona loko mi ta va mi nghenile etikweni leriya mi yaka mi ya ri teka, leswaku ri va ra n'wina.

Nhlavutelo 19:2

hikuva ku avanyisa ka xona ka tshembeka, ku lulamile minkarhi hinkwayo. Xi avanyisile muoswi lonkulu loyi a boriseke misava hi vuoswi bya yena, kutani xi rihiserile ngati ya malandza ya xona ehenhla ka yena.”