Nehemiya 1:6 - BIBELE Mahungu Lamanene

⁶ ndzi langute, u rhiya ndleve u yingisa xikhongelo xa mina nandza wa wena, lexi ndzi xi khongelaka emahlweni ka wena vusiku ni nhlekanhi, ndzi khongelela Vaisraele malandza ya wena. Ndzi vula ku tisola ka hina Vaisraele eka leswi hi ku dyoheleke swona. Kunene, mina ni va ka hina hi ku dyoherile!

Xitsonga (Bibele)

⁶ Oho! Ndleve ya wena a yi rhiyete, ni mahlo ya wena a ma hanyanye, u ta yingisa mikhongelo ya nandza wa wena, leyi ndzi nga karhi ndzi tlhandlukiselaka eka wena enkarhini wa sweswi, nhlekanhi ni vusiku, ndzi khongelela malandza ya wena, vana va Israele, ndzi karhi ndzi vula swidyoho swa vana va Israele, leswi hi ku dyoheleke ha swona, hikuva mina ni yindlu ya tatana hi dyohile.

Nehemiya 1:6 Iomraidhean Croise

1 TIHOSI 8:30

Yingisa xikombelo xa mina nandza wa wena, ni xa Vaisraele vanhu va wena, loko va khongela va ri karhi va languta xivandla lexi. Hi yingise u ri evutshan'wini bya wena ematilweni, hi yingise u hi rivalela!

1 TIHOSI 8:47

Kumbexana va ta tikamba etikweni leri va yisiweke eka rona va ri mahlonga, kutani va hundzuka, va khongela hi matimba eka wena va ri evukhumbini, va tivula va ku: ‘Hi dyohile, hi onhile, hi endlile leswo biha!’

2 TIKRONIKA 28:10

Sweswi, mi ni makungu ya ku xanisa va ka Yuda lava ni va le Yerusalema, mi va endla mahlonga ya n'wina ya xinuna ni ya xisati; xana leswi mi swi endlaka, a swi nga mi vangeli nandzu emahlweni ka HOSI, Xikwembu xa n'wina xana?

2 TIKRONIKA 29:6

Hakunene, vatata wa hina a va nga tshembeki: Va endlile leswo homboloka emahlweni ka HOSI Xikwembu xa hina, va xi tshika, va nga ha tsakeli vutshamo bya xona lebyi, va byi fularhela.

2 TIKRONIKA 6:40

“Kutani wena Xikwembu xa hina, hi langute u yingisa swikhongelo leswi hi swi endlaka exivandleni xexi.

Ezra 10:1

Loko Ezra a ri karhi a khongela kusuhi ni yindlu ya Xikwembu, a kombela leswaku xi va rivalela xidyoho lexi, a rila a titlatlatela ehansi, kutani Vaisraele lavo tala va ya va fika va n'wi rhendzela, va ri vavanuna, ni vavasati, ni vana, va ri karhi va rila hi xiviti lexikulu.

Ezra 10:11

Hikokwalaho, tisoleni eka Xikwembu xa vatata wa n'wina, mi endla leswi xi rhandzaka swona; hambanani ni vanhu va tiko leri, mi tshika ni vavasati lava mi va tekeke eka vona.”

Nehemiya 1:11

We HOSI, ndzi kombela leswaku u rhiya ndleve u yingisa xikhongelo xa mina nandza wa wena, u yingisa ni xikhongelo xa malandza ya wena lawa ma tinyungubyisaka hi vito ra wena lero chaviseka. Ndzi kombela leswaku u ndzi katekisa mina nandza wa wena, u endla leswaku namuntlha hosi ya tiko yi ndzi komba tintswalo.” Enkarhini lowu, a ndzi ri mucheri wa vhinyo ya hosi.

Pisalema 102:17

yi ta yingisa xikhongelo xa lava tshikeleriwaka, ku khongela ka vona a yi nga ku hunisi.

Pisalema 106:6

Hi dyohile kukota vatata wa hina, hi onhile, hi endlile leswo biha.

Pisalema 130:2

Rhiya ndleve u amukela xirilo xa mina, loko ndzi kombela ku pfuniwa!

Pisalema 32:5

Kutani ndzi boxile ku dyoha ka mina, a ndzi ku fihlelanga ku homboloka ka mina. Ndzi vurile ndzi ku: “Ndzi ta tisola eka HOSI, ndzi vula nandzu wa mina.” Kutani we HOSI, u ndzi rhurile ndzhwalo wa swidyoho swa mina.

Pisalema 34:15

hikuva HOSI Xikwembu xi hlayisa lavo lulama; loko va ya rila eka xona, xa va yingisa,

Pisalema 55:17

Vusiku ni nhlekanhi ndzi le ku vileleni, ndza rila, kutani xona xi ta ndzi yingisa;

Pisalema 88:1

We HOSI, Xikwembu xanga ni muponisi wanga, vusiku ni nhlekanhi ndzi huwelela ka wena ndzi kombela ku pfuniwa.

Esaya 6:5

Kutani ndzi ku: “Yo, ndzi lovile, mina munhu wa milomo ya thyaka la tshamaka ni vanhu va milomo ya thyaka, hikuva ndzi vonile Hosi, xona Xikwembu xa matimba hinkwawo!”

Swirilo 5:7

Vatata wa hina va dyohile, kambe sweswi a va ha ri kona, kutani hina hi rhwexiwa nandzu wa swidyoho swa vona.

Daniele 9:15

“We N'wini wa hina ni Xikwembu xa hina, hi wena u hi humeseke etikweni ra Egipta, hi matimba ya wena lamakulu, u titwarisa ha swona ku ta fika ni namuntlha. Kambe hina hi ku dyoherile, hi endla leswo biha.

Daniele 9:20

“Ndzi yile emahlweni ndzi khongerisa sweswo, ndzi tivula swidyoho swa mina ni swa tiko ra hina ra Israele, ndzi tisa ni xirilo xa mina eka HOSI Xikwembu xa mina, hi tlhelo ra ntshava ya xona leyo hlawuleka;

Daniele 9:4

Eku khongeleni ka mina, ndzi vula swidyoho swa hina hinkwerhu eka Xikwembu xanga, ndzi ku: We N'wini wa hina, wena Xikwembu lexikulu xo chavisa, hi rirhandzu ra wena lero tshembeka, u hlayisa ntwanano wa wena ni lava va ku rhandzaka, lava nga rivaliki milawu ya wena.

Daniele 9:5

Kambe hina hi ku dyoherile, hi endlile leswo biha, hi tivangele nandzu hi ku ku fularhela hi tlula milawu ya wena.

Daniele 9:8

We HOSI Xikwembu xa hina, hina ni tihosi ta ka hina ni tindhuna ta tona ni vatata wa hina, hi ni tingana letikulu, hikuva hi ku dyoherile.

Luka 18:7

Kutani, xana Xikwembu a xi nga avanyiseri vahlawuriwa va xona, ni ku va lehisela mbilu, vona lava huwelelaka eka xona vusiku ni nhlekanhi, xana?

Luka 2:37

kutani a feriwa hi nuna. A a ri ni malembe ya 84, a nga suki eTempeleni, kambe a tirhela Hosi hi ku titsona swakudya ni ku khongela vusiku ni nhlekanhi.

Vaefesa 2:3

Na hina hinkwerhu khale a hi fana na vona, hi hanya hi ku navela ka ntumbuluko wa hina wa laha misaveni, hi endla hinkwaswo leswi tsakisaka miri ni miehleketo ya hina; kutani na hina, hi ku tumbuluka, a hi faneriwile hi vukari bya Xikwembu, ku fana ni vanhu van'wana.

1 Timotiya 5:5

Wansati wa noni loyi a nga wa xiviri, loko a sele a ri yexe, ú vekile ku tshemba ka yena eka Xikwembu, kutani ú tshama a ri karhi a kombela eka xona ni ku khongela vusiku ni nhlekanhi.

2 Timotiya 1:3

Ndzi nkhensa Xikwembu, xona lexi ndzi xi tirhelaka hi ripfalo leri tengeke ku fana ni vatatana, ndzi nga tshiki ku ku khongelela vusiku ni nhlekanhi.

1 Yohane 1:9

Kambe loko hi tivula swidyoho swa hina, Xikwembu xa tshembeka, xi avanyisa hi ku lulama, kutani xi ta hi rivalela swidyoho swa hina, xi hi hlantswa xi susa ku homboloka ka hina hinkwako.

1 SAMIELE 15:11

“Ndza tilaya loko ndzi vekile Sawulo a va hosi, hikuva ú tshikile ku ndzi landza, a nga endlanga ku lerisa ka mina.” Samiele a tlhaveka ngopfu, a rila emahlweni ka HOSI Xikwembu vusiku hinkwabyo.