Nehemiya 1:4 - BIBELE Mahungu Lamanene

⁴ Kuteloko ndzi twa marito lawa, ndzi tshama hansi ndzi rila. Ndzi hetile masiku yo tala ndza ha rila, ndzi titsona ni swakudya, ndzi khongela Xikwembu xa matilo,

Xitsonga (Bibele)

⁴ Kuteloko ndzi twile timhaka leti, ndzi tshama ehansi, ndzi rila, ndzi va enkosini hi masiku layo talanyana, kambe ndzi titsona swakudya, ndzi khongela emahlweni ka Xikwembu xa le matilweni,

Nehemiya 1:4 Iomraidhean Croise

2 SAMIELE 12:16

Kutani Davhida a khongela hi matimba eka HOSI Xikwembu leswaku xi tsetselela n'wana; a titsona swakudya, a ya nghena endlwini, a etlela ehansi vusiku hinkwabyo.

2 TIHOSI 22:19

kutani u tisorile hi mbilu. U titsongahatile emahlweni ka mina endzhaku ka loko u twile hilaha ndzi vulavuleke hakona ehenhla ka ndhawu leyi ni le henhla ka vaaki va yona, loko ndzi te: Laha, ku ta hundzuka marhumbi ni xivandla lexi rhukaniweke; kutani u handzulerile swiambalo swa wena, u rila mihloti emahlweni ka mina. Hikokwalaho, na mina HOSI ndzi ku twile.

2 TIKRONIKA 6:13

A a endlile xikhandziyo xa koporo lexi anameke 3,50 m, xi lehile 1,50 m ku ya henhla, kutani a xi veka exivaveni xa Tempele. Solomoni a rhanga a ya yima ehenhla ka xikhandziyo xexo, kutani a nkhinsama hi matsolo, ntshungu hinkwawo wa Vaisraele wu ri karhi wu n'wi vona, kutani a tlakusela mavoko ya yena ehenhla,

Ezra 1:2

“Mina Korexe hosi ya Vaperesi, ndzi vurisa sweswo ndzi ri: HOSI, Xikwembu xa le matilweni, xi ndzi vekile ku va hosi ya matiko hinkwawo laha misaveni, kutani xi ndzi lerisile ku xi akela yindlu le Yerusalema, etikweni ra Yuda.

Ezra 10:1

Loko Ezra a ri karhi a khongela kusuhi ni yindlu ya Xikwembu, a kombela leswaku xi va rivalela xidyoho lexi, a rila a titlatlatela ehansi, kutani Vaisraele lavo tala va ya va fika va n'wi rhendzela, va ri vavanuna, ni vavasati, ni vana, va ri karhi va rila hi xiviti lexikulu.

Ezra 9:3

Kuteloko ndzi twile leswi, ndzi handzulela swiambalo swa mina hinkwaswo, ndzi tihluva ni misisi ni malebvu, kutani ndzi tshama ehansi, ndzi ku gòò!

Ezra 9:5

Kutani hi nkarhi wa magandzelo ya madyambu, ndzi suka laha a ndzi rila ndzi ri kona, ndzi ambele swiambalo leswi swi handzukeke, ndzi nkhinsama ndzi khongela HOSI Xikwembu ndzi tlakusile mavoko,

Nehemiya 2:20

Mina ndzi va hlamurile ndzi ku: “Xikwembu xa matilo, xi ta endla leswaku hi humelela entirhweni wa hina. Hina, hi malandza ya xona, kutani ntirho wo aka, hi ta wu sungula. Loko mi ri n'wina, a mi na nchumu laha Yerusalema, naswona a mi na fanelo ya ku va laha, ni ndzhaka mi hava.”

Nehemiya 2:4

Kutani hosi yi ku: “Xana u lava leswaku ndzi ku endlela yini xana?” Hiloko ndzi khongela Xikwembu xa matilo.

Pisalema 102:15

Vanhu va matiko hinkwawo va ta chava vito ra HOSI, tihosi hinkwato ta misava ti ta xixima ku dzuneka ka yona,

Pisalema 136:26

Tlangelani Xikwembu xa matilo! — Rirhandzu ra xona hi leri nga heriki —

Pisalema 137:1

Etibuweni ta milambu ya le Babilona, a hi tshama hi ri karhi hi rila, loko hi tsundzuka muti wa Siyoni.

Daniele 10:2

“Eminkarhini yoleyo, mina Daniele a ndzi ri eku rileni; xirilo xa kona xi hetile mavhiki manharhu:

Daniele 2:18

A va byela ku khongela, va kombela Xikwembu leswaku xi va twela vusiwana, xi va boxela xihundla lexi, va ta ka va nga herisiwi kun'we ni tintlhari ta le Babilona.

Daniele 9:3

“Kutani ndzi hundzuluka ndzi languta eka Xikwembu N'wini wanga, ndzi huwelela eka xona ndzi rila ndzi ri karhi ndzi titsona swakudya, ndzi ambele leswo khwaxa, ndzi tichele ni nkuma enhlokweni.

Yonasi 1:9

“Mina ndzi Muheveru”, ku hlamula Yonasi. “HOSI Xikwembu xa matilo hi xona lexi ndzi xi chavaka, xona lexi vumbeke lwandle ni misava.”

Sofoniya 3:18

ku fana ni le sikwini ra nkhuvo.” HOSI Xikwembu xi ri: “Ndzi ta susa maxangu ya n'wina, leswaku mi nga ha xaniseki.

Varhoma 12:15

Tsakani ni lava tsakaka, mi rila ni lava rilaka.