Nehemiya 1:2 - BIBELE Mahungu Lamanene

² makwerhu Hanani ni vavanuna van'wana va tile eka mina va huma eYuda. Kutani ndzi vutisa timhaka hi tlhelo ra Vayuda lava sukeke evukhumbini va tlhelela emakaya, ndzi va vutisa ni swa muti wa Yerusalema.

Xitsonga (Bibele)

² ku fika Hanani, un'wana wa vamakwerhu, a ri ni vavanuna va Yada; ndzi va vutisa timhaka ta Vayuda lava poneke, lava seleke eku bohiweni, ni ta va Yerusalema;

Nehemiya 1:2 Iomraidhean Croise

Genesa 14:10

Nkova wa Sidimi a wu ri ni makhele-khele lama taleke hi ntinta, kutani tihosi tin'wana ta Sodoma na Gomora ti wela eka wona loko ti ri karhi ti tsutsuma; leti poneke tona ti tsutsumerile etintshaveni.

2 TIHOSI 24:14

Nebukadnetsara a yisa vaaki hinkwavo va Yerusalema evukhumbini, ni tindhuna hinkwato, ni vafumi hinkwavo; ntsengo wa vakhomiwa va kona a wu ringana 10 000, ehandle ka nhlayo ya vavatli ni vafuri va tinsimbhi. A nga siyanga ni munhu ni un'we etikweni, handle ka swisiwana.

2 TIHOSI 25:12

Kambe Nebuzaradani ndhuna ya vasirheleri a siya vanhu van'wana va swisiwana etikweni, leswaku va ta sala va hlayisa mirhi ya mihandzu, va byala ni mavele.

Ezra 9:14

Hikokwalaho, xana hi nga ha tlhela hi tlula swileriso swa wena, hi tekelana vasati ni vanhu lava va endlaka manyala lawa, xana? Loko ho endla tano, wena u ta hi hlundzukela, u hi herisa ku kondza ku nga ha sali munhu, naswona a ku nga vi na loyi a nga ta pona.

Nehemiya 7:2

Kutani ndzi veka makwerhu Hanani, na Hananiya loyi a a hlayisa khokholo leswaku va va vona valanguteri va muti wa Yerusalema. Hananiya a a ri munhu wo tshembeka, naswona a a chava Xikwembu ku tlula vanhu vo tala.

Yeremiya 44:14

Exikarhi ka masalela ya va ka Yuda lava teke ku ta tshama etikweni ra Egipta, a ku nga poni na un'we! Ku hava loyi a nga ta tlhelela etikweni ra Yuda a ya tshama eka rona, hambileswi va swi navelaka ngopfu. A va nga tlheleri eka rona, ku ta tlhelela ntsena vanhu va nga ri vangani.”

Ezekiele 6:9

kutani varikwenu lava, lava nga ta va va ponile ku dlawa, va ta ndzi anakanya loko va ri evukhumbini exikarhi ka vamatiko. Va ndzi vavisile ngopfu, hikuva timbilu ta vona ti ndzi tshikile ti ndzi fularhela; va langutile eka swikwembu swa vona swa hava, mina va nga ha ndzi tshembi. Kambe eku heteleleni va ta tisola ehenhla ka mintirho ya vona leyo homboloka ni manyala ya vona hinkwawo,

Ezekiele 7:16

Lava poneke ku fa, va ta tsutsuma va ya etintshaveni, va ri karhi va rila hinkwavo kukota matuva ya le minkoveni, hinkwavo va tisola hi leswi va dyoheke.