Nehemiya 1:10 - BIBELE Mahungu Lamanene

¹⁰ Lawa i malandza ya wena; hi vona vanhu va wena lava u va ntshunxeke hi ntamu wa wena lowukulu, ni mintirho ya wena ya matimba.

Xitsonga (Bibele)

¹⁰ Kutani valavo, malandza ya wena, i tiko ra wena leri u ri kutsuleke hi matimba ya wena lamakulu, ni voko ra wena ra matimba.

Nehemiya 1:10 Iomraidhean Croise

Pisalema 136:12

a va kutsula hi ntamu lowukulu ni mintirho ya matimba. — Rirhandzu ra yena hi leri nga heriki —

Pisalema 74:2

Anakanya vanhu va wena lava u nga tihlawulela vona ku sukela khale, va nga lava u va kutsuleke leswaku va va ndzhaka ya wena. Tsundzuka ni ntshava ya Siyoni leyi khale a wu tshama eka yona.

Pisalema 89:14

Masungulo ya vuhosi bya wena i nawu ni ku lulama, rirhandzu ni ku tshembeka i malandza ya wena.

Eksoda 13:14

Kutani eka minkarhi leyi taka, loko vana va n'wina va mi vutisa va ku: ‘Xana leswi swi vula yini xana?’ mi ta va hlamula mi ku: ‘HOSI Xikwembu xi hi humesile hi matimba ya xona lamakulu etikweni ra Egipta, laha a hi ri mahlonga kona.

Eksoda 13:16

Leswi swi ta va xitsundzuxo eka n'wina, ku fana ni loko mi bohile xanchumu evokweni kumbe emombyeni, hikuva HOSI Xikwembu xi hi humesile etikweni ra Egipta hi matimba ya xona lamakulu.”

Eksoda 13:3

Kutani Muxe a byela vanhu, a ku: “Siku leri, mi nga tshuki mi ri rivala, hikuva hi rona siku leri HOSI Xikwembu xi mi humeseke hi matimba ya xona etikweni ra Egipta, laha a mi ri mahlonga kona. Hi siku leri, mi nga tshuki mi dya xinkwa lexi nga ni comela.

Eksoda 13:9

Nkhuvo lowu wu ta va xitsundzuxo eka n'wina, ku fana ni loko mi bohile xanchumu evokweni kumbe emombyeni, leswaku mi ta kala mi nga rivali ku twarisa ni ku dyondzisa nawu wa HOSI Xikwembu, hikuva xi mi humesile etikweni ra Egipta hi matimba ya xona lamakulu.

Eksoda 15:13

“Hi rirhandzu ra wena lero tshembeka, u rhangerile vanhu lava u va kutsuleke; u va hleterile hi matimba ya wena, va kondza va fika evutshan'wini bya wena lebyo hlawuleka.

Eksoda 32:11

Kambe Muxe a kombela HOSI Xikwembu hi matimba, a ku: “We HOSI, hikwalaho ka yini vukari bya wena byi pfurhela vanhu va wena lava u va humeseke etikweni ra Egipta hi matimba lamakulu ni voko leri tiyeke, xana?

Eksoda 6:1

Kutani HOSI Xikwembu xi ku ka Muxe: “Sweswi u ta vona leswi ndzi nga ta swi endla eka Faro: Ndzi ta tirhisa matimba ya mina leswaku Faro a tshika vanhu va Israele va famba. Ina, hi ku sindzisiwa hi mina, ú ta va hlongola kunene, va huma etikweni ra yena.”

Eksoda 6:6

Hikokwalaho tivisa Vaisraele leswaku ndzi ri ka vona: ‘Hi mina HOSI Xikwembu, kutani ndzi ta mi humesa emintirhweni yo tika ya le Egipta, ndzi mi ponisa evuhlongeni bya kona, ndzi mi kutsula hi mintirho ya mina ya matimba ni ku avanyisa loku hlamarisaka.

Eksoda 6:7

Naswona ndzi ta mi endla vanhu va mina, mina ndzi va Xikwembu xa n'wina; kutani mi ta swi tiva leswaku hi mina HOSI Xikwembu xa n'wina, lexi nga ta mi humesa emintirhweni yo tika ya le Egipta.

Esaya 64:9

We HOSI, u nga hi kariheli ku tlula mpimo, u nga tsundzuki ku homboloka ka hina hilaha ku nga heriki; hi kombela leswaku u tsundzuka leswi: Hina hinkwerhu, hi vanhu va wena.

Duteronoma 15:15

Tsundzuka leswaku a wu ri hlonga etikweni ra Egipta, kambe HOSI Xikwembu xa wena xi ku kutsurile; kutani hi swona leswi endlaka leswaku ndzi ku lerisa leswi namuntlha.

Duteronoma 9:29

Vaisraele i vanhu va wena, naswona hi vona ndzhaka ya wena. U va humesile etikweni ra Egipta hi ntamu wa wena lowukulu, ni mintirho ya wena ya matimba.’