Nehemiya 1:1 - BIBELE Mahungu Lamanene

¹ Lawa i marito ya Nehemiya n'wana Hakaliya: Hi n'hweti ya Kislevhu, hi lembe ra vu-20 ra ku fuma ka Ataserkisi, loko ndzi ri entsindza le Xuxani,

Xitsonga (Bibele)

¹ Timhaka ta Nehemiya, n'wana Hakaliya. Hi n'hweti ya Kislevhu ya lembe ra makume mambirhi, loko ndza ha ri Xuxani, emutini wa ntsindza,

Nehemiya 1:1 Iomraidhean Croise

Ezra 10:9

Kutani vavanuna hinkwavo va ka Yuda ni va ka Benjamini va hlengeletana eYerusalema masiku manharhu ma nga si hundza. Nhlengeletano yi vile hi siku ra 20 hi nhweti ya vu-9. Vanhu hinkwavo a va hlengeletanile erivaleni leri ri nga mahlweni ka Tempele, va ri karhi va rhurhumela hikwalaho ka mhaka leyi, ni hikwalaho ka mpfula leyi a yi ri karhi yi na swinene.

Ezra 7:7

Exikarhi ka lava tlheleleke eYerusalema, hi lembe ra vu-7 ra ku fuma ka hosi Ataserkisi, a ku ri ni Vaisraele van'wana, ni vaprista, ni Valevhi, ni vayimbeleri, ni varindzi va le nyangweni, ni malandza lama tirhaka eTempeleni.

Nehemiya 10:1

“Lava va wu tiyisaka hi ku fungha hi lava: Ndhunankulu, yena Nehemiya n'wana Hakaliya, na Sedekiya,

Nehemiya 2:1

Hi lembe ra vu-20 ra ku fuma ka hosi Ataserkisi, hi n'hweti ya Nisani, ndzi cherile vhinyo leyi a yi ri emahlweni ka hosi, ndzi yi nyika yi nwa. Hosi a yi nga si tshama yi ndzi vona ndzi khunguvanyekile,

Nehemiya 5:14

Ndzi vile ndhunankulu ya tiko ra Yuda ku sukela hi lembe ra vu-20 ra ku fuma ka hosi Ataserkisi ku ya fika lembe ra 32 ra ku fuma ka yena. Kambe eka malembe lawa ya 12 a ndzi dyanga swakudya leswi nyikiwaka ndhunankulu, hambi va ri vamakwerhu a va dyanga.

Estere 1:2

Enkarhini wolowo, hosi Ahasuwerusi a a fuma a ri emutini wa Xuxani, lowu a wu ri wona ntsindza.

Estere 3:15

Nawu wa kona wu humesiwile le ntsindza eXuxani, kutani hi ku lerisa ka hosi, varhumiwa lava kotaka ku tsutsuma va hatla va wu fambisa. Kutani hosi na Hamani va tshama hansi va nwa. Kasi emutini wa Xuxani a ku ri ni mpfilumpfilu.

Daniele 8:2

Loko ndzi ri karhi ndzi langutisisa xivono xa kona, ndzi tikuma ndzi ri le Xuxani, entsindza wa xifundzha xa Elamu. Eka xivono xexo, a ndzi yimile kusuhi ni nambu wa Ulayi.

Zakariya 7:1

Hi lembe ra vumune ra ku fuma ka hosi Dariyosi, hi siku ra vumune ra n'hweti ya vu-9 (yi nga leyi vuriwaka Kislevhu), HOSI Xikwembu xi ndzi rhwexile mahungu.