Mikiya 4:3 - BIBELE Mahungu Lamanene

³ HOSI Xikwembu xi ta avanyisa timhaka ta vanhu lavo tala, hi xona xi nga ta tsema milandzu ya matiko layo tiya ya le kule; kutani vaaki va wona va ta fula matlhari ya vona va endla swikomu, va endla ha wona mikwana yo khutulela ha yona; tiko rin'wana ri nga ka ri nga ha pfuki rin'wana, ni vanhu a va nga ha dyondzisiwi ku lwa nyimpi.

Xitsonga (Bibele)

³ Yehovha u ta avanyisa matiko layo tala, a tshinya tinxaka leta matimba ta le kule. Hi mabanga ya vona va ta fula swikomu, hi mafumu ya vona va fula tihwevo, tiko rin'wana a ri nga ha pfukeli rin'wana hi tlhari, a va nga ha dyondzi nyimpi.

Mikiya 4:3 Iomraidhean Croise

Pisalema 46:10

Xikwembu xi ri: “Tshikani matlhari! Swi tiveni leswaku hi mina Xikwembu. Ndzi le henhla ka vanhu hinkwavo, misava hinkwayo yi fuma hi mina.”

Pisalema 46:9

Xi siverile tinyimpi ku ya fika evugimamusi, vurha xi tshovile, xi bvinyile ni matlhari; makalichi ya nyimpi xi ma hisile!

Pisalema 72:3

Tintshava ni switsunga a swi humesele vanhu endzalo, hikuva ku ni ku lulama etikweni.

Pisalema 72:7

A ku ve ni ku lulama enkarhini wa ku fuma ka yena, ku rhula ku va kona ku kondza n'weti wu nga ha vonaki.

Pisalema 82:8

We Xikwembu, tana u ta avanyisa misava, hikuva matiko hinkwawo ma le hansi ka wena.

Pisalema 96:13

hikuva HOSI Xikwembu xa ta ku ta fuma misava; xi ta yi avanyisa hi ku lulama, xi fambisa vamatiko entiyisweni wa xona.

Pisalema 98:9

loko HOSI Xikwembu xi ta ku ta fuma misava. Xi ta yi avanyisa hi ku lulama, vamatiko xi ta va fambisa hi nawu.

Esaya 2:4

HOSI Xikwembu xi ta avanyisa timhaka ta matiko, hi xona xi nga ta tsema milandzu ya vanhu lavo tala; kutani va ta fula matlhari ya vona va endla swikomu, va endla ni mikwana yo khutulela ha yona; tiko rin'wana ri nga ka ri nga ha pfuki rin'wana, ni vanhu a va nga ha dyondzisiwi ku lwa nyimpi.

Esaya 25:3

Hikokwalaho vanhu va matimba va ta ku dzunisa, miti ya matiko ya tihanyi yi ta ku chava.

Esaya 51:5

Ku nga ri khale, ndzi ta tikomba leswaku ndzi mulweri, nkarhi wa mina wa ku ponisa wu le kusuhi, ndzi ta fuma matiko hi ndzexe. Vanhu va matiko ya le kule va le ku languteleni, va tshemba matimba ya mina.

Esaya 60:12

Vanhu va matiko lama alaka ku ku tirhela, va ta herisiwa; matiko walawo ma ta hlaseriwa, ma sala ma ri marhumbi.

Esaya 65:25

Hlolwa ni xinyimpfana swi ta dya swin'we, nghala yi ta dya byanyi ku fana ni homu, swakudya swa nyoka ku ta va ritshuri. Hinkwako entshaveni ya mina leyo hlawuleka, a ku nga vi na ku vavisana kumbe ku dlayana. Ndzi vula sweswo, mina HOSI.”

Esaya 9:7

Ku ndlandlamuka ka mfumo wa yena, ni ku rhula loku nga ta va kona etikweni, a swi nga vi na makumu; ú ta tshama exiluvelweni xa Davhida, a fuma tiko ra yena, a ri hlayisa ni ku ri lwela, a avanyisa timhaka hi ku lulama; ú ta sungula sweswi, a fuma hilaha ku nga heriki. Hinkwaswo leswi, HOSI Xikwembu xi tiyimiserile ku swi endla.

Daniele 2:44

“Eminkarhini ya tihosi leti, Xikwembu xa le matilweni xi ta simeka mfumo lowu wu nga ta ka wu nga wisi hi munhu, naswona vuhosi bya wona a byi nga nyikiwi vanhu van'wana. Mfumo lowu wu ta wisetela mimfumo leyin'wana hinkwayo, wu yi herisela makumu; kutani wona wu ta va kona hilaha ku nga heriki.

Hosiya 2:18

Hi siku rero, ndzi ta endla ntwanano exikarhi ka wena ni swiharhi swa nhova, ni tinyanyana, ni swikokovi; ndzi ta herisa tinyimpi etikweni hi ku tekela tinhenha evurha ni fumu, kutani u ta etlela u nga ha chavi nchumu!

Hosiya 2:20

Ndzi ta ku teka u va nsati wa mina hi vutshembeki, kutani u ta swi tiva leswaku hi mina HOSI.

Yuwele 3:2

ndzi ta hlengeleta vanhu va matiko hinkwawo, ndzi va yisa eka Nkova wa Yoxafati; kwale, ndzi ta boxa nandzu wa vona, hi mhaka ya leswi va swi endleke eka Vaisraele, vanhu va mina ni ndzhaka ya mina, hikuva va va hangalasile ematikweni, va avelanile ni tiko ra mina.

Mikiya 5:15

Vanhu va matiko lama aleke ku ndzi yingisa, ndzi ta va hlundzukela ndzi va karihela, ndzi tirihisela eka vona.”

Zakariya 14:3

Kutani HOSI Xikwembu xi ta huma xi ya hlasela vamatiko lava, ku fana ni loko ku lwiwa nyimpi.

Zakariya 8:20

HOSI ya matimba hinkwawo yi vurisa sweswo yi ri: “Vanhu lavo tala va ha ta ta eYerusalema, hambi va ri lava akeke emitini leyikulu.

Zakariya 9:10

Xikwembu xi ri: “Ndzi ta hangalasa makalichi ya nyimpi ma suka etikweni ra Efrayimi, ni tihanci ta nyimpi ndzi ta ti susa eYerusalema; mavurha ya masocha ma ta tshoviwa, hikuva loyi a taka, ú ta twarisa ku rhula ematikweni. Mfumo wa yena wu ta nava ku suka eka lwandle rin'wana, ku ya fika eka lerin'wana; wu ta sukela enambyeni wa Yufrata, wu ya fika endzilekaneni wa tiko ra Egipta.”

Timhaka 17:31

Hikuva xi vekile siku leri xi nga ta avanyisa misava eku lulameni, hi wanuna loyi xi n'wi hlawuleke; kutani xi kombisile vanhu hinkwavo ku tiya ka mhaka leyi hi ku pfuxa munhu loyi exikarhi ka vafi.”

Nhlavutelo 19:11

Endzhaku ka swona, ndzi vona tilo ri pfuriwile, kutani, hi nomu lo, ku vonaka hanci yo basa. Loyi a gadeke yona, mavito ya yena va ri i “Mutshembeki”, ni “Ntiyiso”. Ú avanyisa ni ku lwa hi ku lulama.

1 SAMIELE 2:10

“Valala va HOSI va ta rhurhumela, HOSI yi ta va balesa hi rihati yi ri etilweni. HOSI yi ta avanyisa matlhelo hinkwawo ya misava: yi ta nyika ntamu eka mufumi wa tiko ra yona; yi tiyisa matimba ya Muhlawuriwa wa yona.”