Mikiya 1:3 - BIBELE Mahungu Lamanene

³ Vonani hi loyi, ú huma laha a tshamaka kona, a rhelela, a famba hi le tinhlohlorhini ta tintshava.

Xitsonga (Bibele)

³ Hikuva, vonani, Yehovha u ta huma endlwini ya yena, u ta rhelela, a famba eswivandleni leswi tlakukeke swa misava.

Mikiya 1:3 Iomraidhean Croise

Ntirho 40:12

Xiyaxiya lava titshembaka, u va yisa hansi, u kandziyela lavo homboloka lomu va nga kona.

Pisalema 115:3

Xikwembu xa hina xi le matilweni, xi tirha hi ku rhandza;

Esaya 25:10

HOSI Xikwembu xi ta sirhelela ntshava ya Siyoni, kambe Vamowabu, xi ta va kandziyela ehansi etikweni ra vona, ku fana ni tinhlanga leti kandziyeriwaka ekheleni ra thyaka.

Esaya 26:21

Vonani, HOSI Xikwembu xa ta, xi suka lomu xi tshamaka kona; xi tela ku ta ba vanhu va matiko hinkwawo hikwalaho ka swidyoho swa vona. Misava yi ta paluxa ngati leyi halateriweke eka yona, vanhu hinkwavo lava dlayiweke, yi ta va humesela erivaleni.

Ezekiele 3:12

Kavaloko Moya wu ndzi tlakula, kutani ndzi twa rito lerikulu leri tsekatsekisaka misava, ri twakala endzhaku ka mina ri ku: “A ku nkhensiwe ku dzuneka ka HOSI Xikwembu, laha xi tikombaka kona.”

Amosi 4:13

Tivani leswi: Loyi a vumbeke tintshava, a tumbuluxeke ni mheho, loyi a tivisaka makungu ya yena eka vanhu, loyi a hundzulaka nhlekanhi wu va vusiku, loyi a famba-fambaka eswivandleni leswi tlakukeke swa misava, vito ra yena i HOSI, Xikwembu xa matimba hinkwawo.

Amosi 9:5

HOSI ya matimba hinkwawo, N'wini wa hinkwaswo, ú khumba misava, kutani yi n'oka, hinkwavo lava tshamaka eka yona va kalakala; yi ndlandlamuka hinkwayo ku fana ni nambu wa Nilo, yi tlhela yi vohla kukota nambu wa Nilo le Egipta.

Habakuku 3:19

HOSI Xikwembu i N'wini wanga ni matimba yanga, ú tiyisa milenge ya mina wonge i ya mhunti, a ndzi famba-fambisa eswivandleni leswi tlakukeke. (Leri i risimu ra Muyimbelerisi, ro hlaveleriwa hi swichaya-chayani.)

Zakariya 14:4

Hi siku rolero HOSI Xikwembu xi ta yima ehenhla ka Ntshava ya Mitlhwari, yona leyi langutaneke na Yerusalema hi tlhelo ra vuxa, kutani ntshava leyi yi ta pandziwa hi le xikarhi, ku huma nkova lowukulu, wu sukela evuxeni wu ya fika evupeladyambu. Hafu ya ntshava yoleyo yi ta ntlhentlhela en'walungwini, hafu leyin'wana yi ta ntlhentlhela edzongeni.

Duteronoma 32:13

Xi va tshamisisile emagangeni ya tiko, va dya leswi milaka emasin'wini; xi va nyikile vulombe, va byi hakula emakocokocweni, va humesa ni mafurha emaribyeni layo nonon'hwa.

Duteronoma 33:29

Mi katekile n'wina Vaisraele! I mani la fanaka na n'wina xana? Mi vanhu lava va lamuleriwaka hi HOSI Xikwembu, xona xitlhangu lexi xi mi sirhelelaka, ni fumu leri mi hlulaka ha rona. Valala va n'wina va ta ta eka n'wina va ri karhi va tilondla; switsunga swa vona swa vugandzeri bya hava, mi ta swi kandziyela ehansi.”