Matewu 9:23 - BIBELE Mahungu Lamanene

²³ Kutani loko Yesu a fika emutini wa murhangeri ni loko a vona lava chayaka switiringo ni ntshungu lowu pfilunganeke,

Testamente Leyimpsha Xichangana

²³ Kutani loko Yesu afika kaya ka murhangeli ni loko avona lavachayaka svitiringo ni xitshungu lexibaka huwa

Xitsonga (Bibele)

²³ Yesu, kuteloko a fikile endlwini ya hosanyana, a vona lava ririsaka tinanga, ni vanhu lavo tala va endlaka pongo lerikulu,

Matewu 9:23 Iomraidhean Croise

2 TIKRONIKA 35:25

Muprofeta Yeremiya na yena a suma risimu ra xirilo a rila Yosiyasi. Naswona vayimbeleri hinkwavo va xinuna ni va xisati va ha rila Yosiyasi ni namuntlha hi tinsimu ta vona, hikuva ti hundzukile ntolovelo exikarhi ka Vaisraele, ti tsariwile ni le ka “Buku ya Swirilo”.

Yeremiya 16:6

Etikweni rero, vanhu lavakulu ni lavatsongo va ta fa enkarhini wun'we; a va nga lahliwi kumbe ku riliwa. Vanhu a va nga byewuli tinhloko kumbe ku tixekelela, ku komba leswaku va le ku rileni.

Ezekiele 24:17

Hambi u twa ku vava, tikhome u miyela; u nga byewuli misisi kumbe ku hluvula tintanghu, u nga tifunengeti ni xikandza, naswona u nga dyi swa nkosi!”

Matewu 11:17

“ ‘Hi mi chayele nanga, kambe a mi cinanga; hi yimbelerile tinsimu ta mahlomulo, kambe a mi rilanga.’

Luka 7:32

Va fana ni swihlangi leswi huhaka entsendzeleni, swi huwelelana, swi ku: “ ‘Hi mi chayele nanga, kambe a mi cinanga; hi yimbelerile tinsimu ta mahlomulo, kambe a mi rilanga.’

Timhaka 20:10

Kambe Pawulo a xika, a korhama ehenhla ka rona, a ri khumbarheta, a ku: “Mi nga karhateki, hikuva ra ha hanya.”

Timhaka 9:39

Kutani Petro a suka, a famba na vona. Kuteloko a fikile, va n'wi yisa endlwini ya le henhla; tinoni hinkwato ti n'wi rhendzela, ti ri karhi ti rila, ti n'wi komba tinguvu ni swiambalo leswi Dorkasi a a swi rhunga loko a ha hanya.

Nhlavutelo 18:22

Mpfumawulo wa vachayi va tiharipa ni wa vayimbeleri, ni wa vachayi va switiringo ni va tinanga, a wu nga ha twali nakambe laha ka wena. Mutirhi wa swilo swihi ni swihi swa mavoko a nga ka a nga ha vi kona nakambe laha ka wena; ni mpfumawulo wa xigayo a wu nga ha twali nakambe laha ka wena.