Matewu 8:26 - BIBELE Mahungu Lamanene

²⁶ A ku ka vona: “Hikwalaho ka yini mi ri ni vutoya ke, n'wina vanhu va ku pfumela lokutsongo?” Hiloko a yima, a tshinya mheho ni lwandle, kutani ku rhula lokukulu ku va kona.

Testamente Leyimpsha Xichangana

²⁶ Aku ka vona: “Hikolaho ka yini mili ni vutoya ke, n'wina vanhu vakupfumela lokutsongo?” Hi loko ayima, atshinya mheho ni tiva, kutani kurhula lokukulu kuva kona.

Xitsonga (Bibele)

²⁶ Kutani a ku eka vona: “Vanhu va ku pfumela lokutsongo, mi ni vutoya ha yini-ke?” Kutani a yima, a tshinya xihuhuri ni lwandle, ku rhula lokukulu ku va kona.

Matewu 8:26 Iomraidhean Croise

Pisalema 65:7

U miyeta huwa ya lwandle ni magandlati ya rona, u herisa na pongo ra vanhu va matiko.

Pisalema 89:9

Hi wena la fumaka lwandle loko ri vila, loko magandlati ya rona ma tlakuka, wa ma miyeta.

Esaya 63:12

Xikwembu lexi tiyiseke Muxe hi matimba ya xona, xi avanyisa ni mati ya lwandle hi le xikarhi emahlweni ka Vaisraele, leswaku vito ra xona ri ta ka ri nga rivariwi,

Nahume 1:4

Yi tshinya lwandle, kutani ri phya, yi omisa milambu hinkwayo; swimila swa Baxani ni swa Karmele swa vuna, swiluva swa Lebanoni swa dzudzeka.

Habakuku 3:8

Xana u hlundzukela milambu, we HOSI, u karihela yona xana? Xana ku hlundzuka ka wena ku kongomile lwandle ke, siku u gadaka mapapa wonge i tihanci ta wena, siku u ma khandziyaka wonge i makalichi ya wena yo hlula ha wona enyimpini, xana?

Matewu 16:8

Kuteloko Yesu a swi twile, a ku ka vona: “Vanhu va ku pfumela lokutsongo, hikwalaho ka yini mi kanetana hi leswi mi nga riki na swinkwa xana?

Matewu 17:20

A ku ka vona: “Hikwalaho ka ku tsana ka ku pfumela ka n'wina. Ndzi tiyisile ndzi ri ka n'wina: Loko mi ri ni ku pfumela loku ringanaka ni ndzhoho ya murhi wa sinapi, mi nga ku ka ntshava leyi: ‘Rhurhela lahaya!’ kutani yi ta rhurha, ku ri hava lexi xi mi tsandzaka. [

Matewu 6:30

Kutani leswi Xikwembu xi ambexaka hi ndlela leyi byanyi bya nhova lebyi nga kona namuntlha, kasi mundzuku byi ta hoxiwa endzilweni, xana a xi nga mi ambexi ku tlurisa sweswo, n'wina vanhu va ku pfumela lokutsongo ke?

Matewu 8:27

Vanhu va hlamala va ku: “Munhu loyi i munhu muni xana, leswi mheho ni lwandle swi n'wi yingisaka ke?”

Luka 4:35

Kambe Yesu a wu tshinya, a ku: “Miyela! Huma ka munhu yoloye!” Hiloko demona ri wisa munhu loyi exikarhi ka ntshungu, ri huma eka yena, kambe ri nga n'wi vavisanga.

Varhoma 4:20

A nga kanakananga hi tlhelo ra xitshembiso xa Xikwembu, ni ku pfumela ka yena a ku helanga; kambe ú kumile matimba hi mhaka ya ku pfumela, kutani a dzunisa Xikwembu.

Nhlavutelo 10:2

Evokweni ra yona a yi ri ni xibukwana lexi phendliweke. Kutani yi veka nenge wa yona wa xinene elwandle, lowa ximatsi yi wu veka laha ku omeke,