Matewu 7:28 - BIBELE Mahungu Lamanene

²⁸ Kuteloko Yesu a hetile ku vula marito lawa, mintshungu a yi hlamele hi ku dyondzisa ka yena;

Testamente Leyimpsha Xichangana

²⁸ Kuteloko Yesu ahetile kuvula marito lawa, xitshungu xihlamala hi kujondzisa ka yena;

Xitsonga (Bibele)

²⁸ Kuteloko Yesu a hetile ku vulavula loku, mitshungu yi hlamala ku dyondzisa ka yena;

Matewu 7:28 Iomraidhean Croise

Pisalema 45:2

Exikarhi ka majaha, ku hava loyi a ku tlulaka hi ku saseka, loko u vulavula, tintswalo to khuluka kunene; hakunene Xikwembu xa ku katekisa minkarhi hinkwayo.

Matewu 11:1

Kuteloko Yesu a hetile ku lerisa vadyondzisiwa va yena lava va khume na vambirhi, a suka kwalaho, a ya dyondzisa ni ku twarisa Evhangeli emitini ya vona.

Matewu 19:1

Kuteloko Yesu a hetile ku vulavula timhaka leti, a suka eGaleliya, a ya etikweni ra Yudiya, entsungeni wa Yordani.

Matewu 22:33

Loko mintshungu yi twa sweswo, yi hlamala ngopfu hi ku dyondzisa ka yena.

Matewu 26:1

Kuteloko Yesu a hetile ku vulavula timhaka teto hinkwato, a ku ka vadyondzisiwa va yena:

Matewu 7:27

Mpfula yi na, maboboma ma ta, timheho ti hunga, swi ba yindlu yoleyo, kutani yi wa, ku wa ka yona ku va lokukulu.”

Matewu 7:29

hikuva a a va dyondzisa tanihi loyi a nga ni vuhosi, ku nga ri kukota vatsari va vona.

Marka 1:22

A va hlamala dyondzo ya yena, hikuva a a va dyondzisa kukotisa la nga ni vuhosi, ku nga ri kukota vatsari.

Marka 11:18

Vaprista lavakulu ni vatsari va swi twa, kutani va lava hilaha va nga ta n'wi dlaya hakona; hikuva a va n'wi chava, hileswi ntshungu hinkwawo a wu hlamala dyondzo ya yena.

Marka 6:2

Hi siku ra Savata a sungula ku dyondzisa esinagogeni, kutani lavo tala lava va n'wi yingisaka, va hlamala va ku: “Timhaka leti, ú ti kume kwihi ke? I vutlhari byihi lebyi a nyikiweke byona, leswi ni mahlori a kotaka ku ma endla hi mavoko ya yena xana?

Luka 19:48

Ntsena a va nga tivi lexi va nga ta xi endla, hikuva vanhu a va n'wi yingisa, va tsakela ngopfu marito ya yena.

Luka 2:47

kutani hinkwavo lava n'wi twaka va hlamala ku tlhariha ka yena ni ku hlamula ka yena.

Luka 4:22

Kutani hinkwavo va vula vumbhoni byo saseka ehenhla ka yena, va ri karhi va hlamala marito layo saseka lama humaka enon'wini wa yena, va ku: “Xana munhu loyi a hi yena n'wana Yosefa xana?”

Luka 4:32

kutani vona a va hlamala ku dyondzisa ka yena, hikuva rito ra yena a ri ri ra loyi a nga ni vuhosi.

Luka 7:1

Loko Yesu a hetile ku dyondzisa vanhu swilo leswi hinkwaswo, a nghena eKapernawume.

Yohane 7:15

Vayuda va hlamala, va ku: “Xana munhu loyi ú byi kuma kwihi vutivi, kasi a nga dyondzanga?”

Yohane 7:46

Malandza ma hlamula, ma ku: “A ku si va na munhu ni siku ni rin'we la vulavulaka ku fana ni munhu loyi.”