Matewu 6:6 - BIBELE Mahungu Lamanene

⁶ Kambe wena loko u khongela, nghena endlwini ya wena; kutaku loko u pfarile nyangwa, khongela Tata wena la nge xihundleni, kutani Tata wa wena la vonaka exihundleni ú ta ku hakela.

Testamente Leyimpsha Xichangana

⁶ Kambe wena loko ukhongela, nghena ndlwini ya wena; kutaku loko upfalile xipfalu, khongela Tatana wa wena lweyi anga xihundleni, kutani Tatana wa wena lweyi avonaka xihundleni atakuhakela.

Xitsonga (Bibele)

⁶ Kambe wena, loko u khongela, nghena endlwini ya wena, kutakuloko u pfarile nyangwa, khongela Tata wa wena la nga exihundleni, kutani Tata wa wena la vonaka exihundleni u ta ku tlherisela erivaleni.

Matewu 6:6 Iomraidhean Croise

2 TIHOSI 4:33

Kavaloko a nghena endlwini, a tipfalela ekamarini swin'we ni n'wana, a khongela HOSI Xikwembu.

Pisalema 34:15

hikuva HOSI Xikwembu xi hlayisa lavo lulama; loko va ya rila eka xona, xa va yingisa,

Swivuriso 25:22

hikuva loko u endla sweswo, u ta n'wi khomisa tingana letikulu, kutani HOSI Xikwembu xi ta ku hakela.

Esaya 26:20

N'we vanhu va ka hina, nghenani tindlwini, mi tipfalela kona, mi tumbela kona nkarhinyana, ku kondza vukari bya HOSI Xikwembu byi rhelela.

Esaya 65:24

Loko va khongela, ndzi ta va hlamula va nga si heta, ndzi ta va twa va ha vulavula.

Matewu 14:23

Kuteloko a tlherisile mintshungu leyi, a tlhandlukela entshaveni ku ya khongela hi tlhelo; kutani a peleriwa hi dyambu a ha ri kwalaho a ri yexe.

Matewu 6:18

u ta ka u nga vonaki eka vanhu leswaku u le ku titsoneni ka swakudya, kambe u ta voniwa hi Tata wa wena la nga kona, exihundleni; kutani Tata wa wena la vonaka exihundleni, ú ta ku hakela.

Matewu 6:4

leswaku ku nyika ka wena ku endleriwa exihundleni; kutani Tata wa wena la vonaka exihundleni, hi yena la nga ta ku hakela.

Yohane 1:48

Nataniele a ku ka yena: “U ndzi tivisa ku yini?” Yesu a n'wi hlamula, a ku: “Filipi a nga si ku vitana, ndzi ku vonile u ri ehansi ka nkuwa.”

Yohane 20:17

Yesu a ku ka yena: “U nga ndzi khumbi, hikuva a ndzi si tlhandlukela eka Tatana; kambe yana eka vamakwerhu, u ya va tivisa leswaku ndzi tlhandlukela eka Tata wa mina, a nga Tata wa n'wina, eka Xikwembu xa mina, xi nga Xikwembu xa n'wina.”

Timhaka 10:30

Hiloko Korneliyo a hlamula, a ku: “Sweswi ku hundzile masiku manharhu, a ndzi ri karhi ndzi khongela endlwini ya mina hi nkarhi wa 3 nindzhenga; kutani ndzi vona munhu a yimile emahlweni ka mina, a ambele leswo vangama,

Timhaka 10:9

Siku leri tlhandlamaka, loko va ha ri ndleleni, va ri karhi va tshinelela muti wa Yopa, Petro a khandziya ehenhla ka lwangu hi nkarhi wa nhlekanhi, a ya khongela.

Timhaka 9:40

Kambe Petro a va humesela handle hinkwavo; a nkhinsama hi matsolo, a khongela; kutani a hundzulukela ka ntsumbu, a ku: “Tabita, pfuka!” Kavaloko Tabita a pfula mahlo, kutani loko a vona Petro, a pfuka a tshama.

Varhoma 8:5

Hikuva lava hanyaka hi ku yingisa ntumbuluko wa laha misaveni, va ni mianakanyo leyi fumiwaka hi swa ntumbuluko lowu; kambe lava hanyaka hi ku yingisa Moya, va ni mianakanyo leyi fumiwaka hi swa Moya.

Vaefesa 3:14

Hikwalaho ka sweswo, ndzi nkhinsama hi matsolo emahlweni ka Tatana,