Matewu 6:30 - BIBELE Mahungu Lamanene

³⁰ Kutani leswi Xikwembu xi ambexaka hi ndlela leyi byanyi bya nhova lebyi nga kona namuntlha, kasi mundzuku byi ta hoxiwa endzilweni, xana a xi nga mi ambexi ku tlurisa sweswo, n'wina vanhu va ku pfumela lokutsongo ke?

Testamente Leyimpsha Xichangana

³⁰ Kutani lesvi Xikwembu xiyambexaka hi ndlela leyi abzanyi bza nhova lebzinga kona namuntlha, kambe mundzuku bzihoxiwa ndzilweni, xana axingemiyambexi kutlulisa svosvo, n'wina vanhu va kupfumela lokutsongo ke?

Xitsonga (Bibele)

³⁰ Loko Xikwembu xi funengeta sweswo byanyi bya nhova lebyi nga kona sweswi, kasi nimixo byi ta cukumetiwa exitikweni, xana xi nga ka xi nga mi funengeti ngopfu n'wina vanhu va ku pfumela lokutsongo?

Matewu 6:30 Iomraidhean Croise

Pisalema 92:7

Lavo homboloka va nga rhumbuka kukota byanyi, hinkwavo lava endlaka leswo biha va nga humelela, kambe eku heteleleni va ta herisiwa va nyamalala.

Matewu 14:31

Yesu a hatla a tshambuluta voko, a n'wi khoma, a ku ka yena: “Munhu wa ku pfumela lokutsongo, u kanakanile ha yini xana?”

Matewu 16:8

Kuteloko Yesu a swi twile, a ku ka vona: “Vanhu va ku pfumela lokutsongo, hikwalaho ka yini mi kanetana hi leswi mi nga riki na swinkwa xana?

Matewu 17:17

Yesu a hlamula, a ku: “Ha! Rixaka leri nga pfumeriki, lero homboloka, ndzi ta va na n'wina ku fikela rini ke? Ndzi ta mi lehisela mbilu ku fikela rini ke? N'wi tiseni haleno.”

Matewu 8:26

A ku ka vona: “Hikwalaho ka yini mi ri ni vutoya ke, n'wina vanhu va ku pfumela lokutsongo?” Hiloko a yima, a tshinya mheho ni lwandle, kutani ku rhula lokukulu ku va kona.

Marka 4:40

Kutani a ku ka vona: “Hikwalaho ka yini mi ri ni vutoya ke? A mi si va ni ku pfumela xana?”

Marka 9:19

Yesu a hlamula, a ku: “Ha! Rixaka leri nga pfumeriki, ndzi ta va na n'wina ku fikela rini? Ndzi ta mi lehisela mbilu ku fikela rini ke? N'wi tiseni haleno!”

Luka 12:28

Kutani leswi Xikwembu xi ambexaka hi ndlela leyi byanyi lebyi nga kona namuntlha enhoveni, kasi mundzuku byi ta hoxiwa endzilweni, xana a xi nga mi ambexi ku tlurisa sweswo, n'wina vanhu va ku pfumela lokutsongo ke?

Luka 9:41

Yesu a hlamula a ku: “Ha! Rixaka leri nga pfumeriki, lero homboloka, ndzi ta va na n'wina ni ku mi lehisela mbilu ku fikela rini ke? Tisa n'wana wa wena haleno!”

Yohane 20:27

Kutani a ku ka Tomasi: “Tisa ritiho ra wena la, u languta ni, swandla swa mina; tshambuluta xandla xa wena, u xi nghenisa etsheveni ra mina; u nga ha kanakani, kambe pfumela!”

Vaheveru 3:12

Vamakwerhu, tivoneleni leswaku ku nga vi na un'we exikarhi ka n'wina la nga ni mbilu yo biha, leyi nga riki na ku pfumela, kutani a hambukela kule ni Xikwembu lexi hanyaka.

1 Petro 1:24

Hikuva, “Vanhu hinkwavo va fana ni byanyi, ni ku saseka ka vona ku fana ni xiluva xa nhova. Byanyi bya vuna, ni xiluva xi wela hansi,