Matewu 6:16 - BIBELE Mahungu Lamanene

¹⁶ “Loko mi titsona swakudya, mi nga khanyanisi mimombo ku fana ni vakanganyisi lava tionhaka tinghohe, va ku va ta voniwa hi vanhu leswaku va le ku titsoneni ka swakudya. Ndzi tiyisile ndzi ri ka n'wina: Hakelo ya vona va yi kumile.

Testamente Leyimpsha Xichangana

¹⁶ Loko mititsona svakuja, mingasiqeni kufana ni vakanganyisi, lavasiqaka vaku vatavoniwa hi vanhu lesvaku va le kutitsoneni ka svakuja. Nitiyisile nili ka n'wina: Hakelo ya vona vayikumile.

Xitsonga (Bibele)

¹⁶ “Kutani loko mi titsona swakudya, mi nga tshuki mi fana ni vamandzendze lava khwanyalaka mimombo; hikuva va tionha nghohe va ku va ta voniwa hi vanhu leswaku va titsonile swakudya. Kunene ndza mi byela leswaku va kumile hakelo ya vona.

Matewu 6:16 Iomraidhean Croise

2 SAMIELE 12:16

Kutani Davhida a khongela hi matimba eka HOSI Xikwembu leswaku xi tsetselela n'wana; a titsona swakudya, a ya nghena endlwini, a etlela ehansi vusiku hinkwabyo.

2 SAMIELE 12:21

Kutani malandza ya yena ma n'wi vutisa, ma ku: “Mhaka leyi u yi endlaka, a hi yi twisisi, hikuva loko n'wana a ha hanya, a wu nga dyi, a wu rila, hikwalaho ka ku vabya ka yena. Kambe sweswi, leswi n'wana a loveke, wa pfuka, u dya swakudya!”

1 TIHOSI 21:27

Loko Akabu a twa marito lawa, a handzulela swiambalo swa yena, a swi hluvula a ambala leswo khwaxa, a titsona swakudya, a etlela eswiambalweni sweswo, a famba-famba a tsanile.

Nehemiya 1:4

Kuteloko ndzi twa marito lawa, ndzi tshama hansi ndzi rila. Ndzi hetile masiku yo tala ndza ha rila, ndzi titsona ni swakudya, ndzi khongela Xikwembu xa matilo,

Estere 4:16

“Yana u ya hlengeleta Vayuda hinkwavo lava nga Xuxani, kutani mi titsona swakudya masiku manharhu mi ndzi khongelela, mi nga dyi nchumu mi nga nwi nchumu vusiku ni nhlekanhi. Mina ni malandza ya mina ya xisati, na hina hi ta titsona swakudya. Endzhaku ka sweswo ndzi ta ya eka hosi, hambileswi nawu wu alaka. Loko swi vula ku fa, ndzi ta fa.”

Pisalema 109:24

Ndzi ondzile ngopfu, matsolo ya mina ma gudlagudla, hikuva ndzi le ku titsoneni, a ndzi dyi nchumu.

Pisalema 35:13

Loko va vabya, mina a ndzi ambala leswo khwaxa, ndzi titsongahata hi ku titsona swakudya, ndzi va khongelela ndzi vuyelela.

Pisalema 69:10

Ndza rila ndzi titsona swakudya, kambe sweswo swi ndzi vangela ndzhukano ntsena.

Daniele 9:3

“Kutani ndzi hundzuluka ndzi languta eka Xikwembu N'wini wanga, ndzi huwelela eka xona ndzi rila ndzi ri karhi ndzi titsona swakudya, ndzi ambele leswo khwaxa, ndzi tichele ni nkuma enhlokweni.

Malakiya 3:14

Ma ndzi vavisa loko mi ku: ‘Ku tirhela Xikwembu, HOSI ya matimba hinkwawo, a swi pfuni nchumu. Hambiloko hi yingisa leswi yi hi byelaka swona, kumbe hi ya rila emahlweni ka yona, a hi nga vuyeriwi hi nchumu.

Matewu 6:1

“Tivoneleni leswaku mi nga endli tifanelo ta n'wina ta vukhongeri emahlweni ka vanhu ku endlela ku voniwa hi vona; loko mi endlisa sweswo, a mi nga yi kumi hakelo eka Tata wa n'wina la nge matilweni.

Matewu 6:2

“Hikokwalaho ke, loko u nyika swisiwana, u nga tidzunisi ha swona kukotisa leswi vakanganyisi va swi endlaka emasinagogeni ne tindleleni, leswaku va ta dzunisiwa hi vanhu. Ndzi tiyisile ndzi ri ka n'wina: Hakelo ya vona va yi kumile.

Matewu 6:5

“Naswona loko mi khongela, mi nga fani ni vakanganyisi; hikuva vona va rhandza ku khongela va yimile emasinagogeni ne mahlanganeni ya tindlela, leswaku va ta voniwa hi vanhu. Ndzi tiyisile ndzi ri ka n'wina: Hakelo ya vona va yi kumile.

Marka 2:18

Loko vadyondzisiwa va Yohane ni Vafarisi va ri karhi va titsona swakudya, ku ta vanhu van'wana va ta vutisa Yesu, va ku: “Xana vadyondzisiwa va Yohane ni vadyondzisiwa va Vafarisi va titsonela yini swakudya, leswi vadyondzisiwa va wena va nga titsoniki ke?”

Luka 18:12

Ndzi titsona swakudya kambirhi hi vhiki, ndzi humesa vukhume bya hinkwaswo leswi ndzi swi kumaka.’

Luka 2:37

kutani a feriwa hi nuna. A a ri ni malembe ya 84, a nga suki eTempeleni, kambe a tirhela Hosi hi ku titsona swakudya ni ku khongela vusiku ni nhlekanhi.

Timhaka 10:30

Hiloko Korneliyo a hlamula, a ku: “Sweswi ku hundzile masiku manharhu, a ndzi ri karhi ndzi khongela endlwini ya mina hi nkarhi wa 3 nindzhenga; kutani ndzi vona munhu a yimile emahlweni ka mina, a ambele leswo vangama,

Timhaka 14:23

Va va hlawulela vakulukumba ekerekeni yin'wana ni yin'wana; kutani, hi ku khongela ni ku titsona swakudya, va va veka emavokweni ya Hosi leyi a va pfumerile ka yona.

1 Vakorinto 7:5

Mi nga tshuki mi alelana, ehandle ka loko kumbexana mi nga alelana nkarhinyana, ku ri hi ku twanana, loko mi lava ku tinyiketa eku khongeleni kutani endzhaku mi tlhela mi vuyelelana. Sathana a nga tshuki a mi ringa hikwalaho ka ku tsandzeka ka n'wina ku tikhoma.

2 Vakorinto 11:27

ndzi tikarhatile ni ku tivavisa hi mintirho; hakanyingi ndzi pfumale vurhongo, ndzi twe ndlala ni torha, hakanyingi ndzi pfumarile swakudya, ndzi khomiwa hi xirhami, ndzi pfumala ni swiambalo.

2 Vakorinto 6:5

eku biweni, ni le makhotsweni, ni le madzolongeni; emintirhweni leyo tika, ni le ku pfumaleni ka vurhongo, ni le ku titsoneni ka swakudya.