Matewu 5:8 - BIBELE Mahungu Lamanene

⁸ Ku katekile lava nga ni timbilu leti tengeke, hikuva va ta vona Xikwembu.

Testamente Leyimpsha Xichangana

⁸ Kukatekile lavanga ni timbilu letibaseke, hikuva vatavona Xikwembu.

Xitsonga (Bibele)

⁸ Ku katekile lava nga ni timbilu leti tengeke, hikuva va ta vona Xikwembu.

Matewu 5:8 Iomraidhean Croise

Genesa 32:30

Hikokwalaho, Yakobo a thya ndhawu leyi vito ra Penuwele (hileswaku: “Mombo-wa-Xikwembu”), hikuva a a ku: “Ndzi vonile mombo wa Xikwembu, kambe ndza ha hanya.”

2 SAMIELE 22:27

U komba ku tenga ka wena eka loyi a tengeke; kambe u komba ku tlhariha ka wena eka loyi a endlaka leswo homboloka.

Pisalema 15:2

I munhu wa mahanyelo layo tenga loyi a endlaka leswi lulameke, la vulaka leswi tiyeke hilaha swi nga hakona embilwini ya yena.

Pisalema 18:26

U komba ku tenga ka wena eka loyi a tengeke; kambe u komba ku tlhariha ka wena eka loyi a endlaka leswo homboloka.

Pisalema 24:4

Hi lava nga ni timbilu to basa ni mavoko lama tengeke, lava nga naveliki swilo swa hava, lava nga hlambanyiki hi ku xisa.

Pisalema 51:10

We Xikwembu, vumba endzeni ka mina mbilu leyo tenga, u tlhela u pfuxa moya wo lulama endzeni ka mina.

Pisalema 51:6

Wena u tsakelaka munhu la nga ni ntiyiso embilwini ya yena, ndzi dyondzise vutlhari exihundleni xa mina.

Pisalema 73:1

Xikwembu xi komba Vaisraele vunene bya xona lebyikulu, xi komba ni hinkwavo va timbilu leto tenga.

Swivuriso 22:11

Loyi a tsakelaka ku va ni miehleketo leyinene, ni ku titsongahata loko a vulavula, ú ta va munghana wa hosi ya tiko.

Timhaka 15:9

exikarhi ka hina na vona, a xi hlawulanga: Xi basisile timbilu ta vona, hikuva va pfumerile.

1 Vakorinto 13:12

Sweswi hi vona hi riphume exivonini; kambe enkarhini wolowo, hi ta langutana hi mahlo; sweswi vutivi bya mina a byi hetisekanga, kambe enkarhini wolowo ndzi ta tiva hi ku hetiseka, tanihi leswi Xikwembu na xona xi ndzi tiveke hi ku hetiseka.

2 Vakorinto 7:1

Vanakulorhi, switshembiso leswi swi nyikiwile hina. Hikokwalaho, hi fanele ku tibasisa, hi susa thyaka hinkwaro ra miri ni ra moya, hi ringeta ku hanya vutomi lebyo hlawuleka swinene, hi ri karhi hi chava Xikwembu.

Tito 1:15

Swilo hinkwaswo swi tengile eka lava tengeke; kambe a ku na lexi tengeke eka lava nyameke, ni ka lava nga pfumeriki, hikuva miehleketo ya vona ni mapfalo ya vona swi nyamisiwile.

Vaheveru 10:22

a hi tshineleleni Xikwembu hi mbilu leyi namarhelaka ntiyiso ni ku pfumela loku hetisekeke; timbilu ta hina leti xuviweke, a ti base ti hambana ni ripfalo lero biha, ni miri wa hina wu va lowu hlantswiweke hi mati layo tenga.

Vaheveru 12:14

Ringetani hi matimba ku hanya hi ku rhula ni vanhu hinkwavo, mi ringeta ni ku hlawuleka, hikuva ehandle ka ku hlawuleka a ku na munhu na un'we la nga ta vona Hosi.

Vaheveru 9:14

ngati ya Kriste yona yi ta va leyi tlurisaka ngopfu hi matimba; hikuva Kriste ú tinyiketile hi yexe, hi moya lowu nga heriki, a nga ri na xivati emahlweni ka Xikwembu, kutani ngati ya yena yi basisa mapfalo ya hina emintirhweni leyi nga pfuniki nchumu, leswaku hi tirhela Xikwembu lexi hanyaka.

Yakobo 3:17

Kambe vutlhari byo ta hi le henhla, byi ni ku rhula, ni ku olova, ni ku yingisela, byi tele musa ni mihandzu leyinene; kambe ngopfu-ngopfu byi tengile; a byi yi hi nghohe, kumbe ku kanganyisa.

Yakobo 4:8

Tshinelani kusuhi ni Xikwembu kutani xi ta tshinela kusuhi na n'wina. Hlambani mandla ya n'wina, n'wina vadyohi, mi basisa timbilu ta n'wina, n'wina vanhu va miehleketo mimbirhi.

1 Petro 1:22

Leswi mi basiseke mimoya ya n'wina hi ku yingisa ntiyiso ni ku rhandza vamakwenu hi rirhandzu ra xiviri, rhandzanani swinene hi timbilu ta n'wina hinkwato.

Nhlavutelo 22:4

Va ta vona nghohe ya xona, ni vito ra xona ri ta va emimombyeni ya vona.