Matewu 5:7 - BIBELE Mahungu Lamanene

⁷ Ku katekile lava nga ni tintswalo, hikuva va ta kombiwa tintswalo.

Testamente Leyimpsha Xichangana

⁷ Kukatekile lavanga ni timpsalu, hikuva vatakombiwa timpsalu.

Xitsonga (Bibele)

⁷ Ku katekile vona va tintswalo, hikuva va ta tweriwa vusiwana.

Matewu 5:7 Iomraidhean Croise

2 SAMIELE 17:28

va n'wi yisela masangu, ni minkambana, ni swibya swin'wana swa vumba, ni koroni, ni maxalana, ni mapa, ni tindzhoho leti oxiweke, ni tindluwa, ni timbaweni,

2 SAMIELE 22:26

“We HOSI, u tshembekile eka loyi a tshembekaka; a wu veki nandzu eka munhu loyi a nga riki na nandzu.

Pisalema 112:4

Eminkarhini ya makhombo, munhu loyi ú famba eku vonakaleni, ú ni tintswalo, ú twela vusiwana, a hi ku lulama ka yena!

Pisalema 112:9

A nga karhali ku humesa swilo swa yena, a pfuna vapfumari ha swona; a nga tshiki ku hanana; hikokwalaho matimba ya yena ma ta ya ma kula, a xiximiwa hi vanhu.

Pisalema 18:25

We HOSI, u tshembekile eka loyi a tshembekaka; a wu veki nandzu eka munhu loyi a nga riki na nandzu.

Pisalema 37:26

Minkarhi hinkwayo ú twela van'wana vusiwana, a va lomba swa yena, ni vana va yena va kateka.

Swivuriso 11:17

Munhu wa mafundza wa vuyeriwa, kambe lowa nsele ú tivangela ku vaviseka.

Swivuriso 11:25

Munhu wo hanana ú ta dya a xurha, ni loyi a nyikaka van'wana mati, na yena ú ta nyikiwa.

Swivuriso 14:21

Ku sandza munhu-kuloni, i xidyoho, kasi loyi a nga ni tintswalo eka swisiwana wa kateka.

Swivuriso 19:17

Ku nyika xisiwana, i ku lomba HOSI Xikwembu, kutani HOSI Xikwembu xi ta ku tlherisela hinkwaswo.

Esaya 57:1

Vanhu lavo lulama va fa, kambe ku hava loyi a anakanyaka ta rifu ra kona; lavo tshembeka va susiwa emisaveni, kambe a ku na munhu loyi a twisisaka leswaku loko lavo lulama va susiwa, va sirheleriwa eka khombo leri taka,

Daniele 4:27

Kutani we hosi, amukela switsundzuxo swa mina: Tshika swidyoho swa wena, u endla leswo lulama; herisa ni ku homboloka ka wena, u komba tintswalo eka lava xanisiwaka; kumbexana, u nga engeteleriwa malembe ya ku tsaka.”

Hosiya 1:6

Gomere a engeta a tika, a veleka n'wana wa nhwanyana. Kutani HOSI Xikwembu xi ku ka Hosiya: “N'wi thye vito ra Lo-Ruhama” (hileswaku: “La nga tsetseleriwangiki”), “hikuva ku sukela sweswi, vanhu va tiko ra Israele a ndzi nga ha va tsetseleri, ni ku va rivalela a ndzi nga ha va rivaleri.

Hosiya 2:1

Hikokwalaho, loko mi vula vamakwenu va xinuna, mi ta ku: “Ami” (hileswaku: “Mi vanhu va Xikwembu”), kasi vamakwenu va xisati mi ta ku ka vona: “Ruhama” (hileswaku: “Xikwembu xi mi tsetselerile”).

Hosiya 2:23

Ndzi ta tisimekela vanhu va mina etikweni; ndzi ta tsetselela Lo-Ruhama, kutani eka Lo-Ami, ndzi ta ku: ‘Mi vanhu va mina’, vona va ta hlamula va ku: ‘Hi wena Xikwembu xa hina!’ ”

Mikiya 6:8

Mikiya a hlamula a ku: “N'wina vanhu, mi byeriwile leswinene leswi HOSI Xikwembu xi lavaka leswaku mi endla swona: I ku endla leswi lulameke, mi tshembeka minkarhi hinkwayo, mi hanya hi ku titsongahata emahlweni ka Xikwembu xa n'wina!”

Marka 11:25

Loko mi yima mi khongela, rivalelani loyi mi nga va ni mhaka na yena, leswaku na yena Tata wa n'wina la nge matilweni, a mi rivalela swidyoho swa n'wina.” [

Luka 6:35

Kambe n'wina, rhandzani valala va n'wina, mi endlela vanhu leswinene; lombani mi nga languteli ku tlheriseriwa, kutani hakelo ya n'wina yi ta va leyikulu; mi ta va vana va Loyi-a-nge-henhla-henhla, hikuva yena ú ni tintswalo eka lava nga tiviki ku nkhensa ni ka lavo biha.

Varhoma 11:30

Na n'wina vamatiko, a mi nga yingisi Xikwembu khale, kambe sweswi, hikwalaho ka Vaisraele lava nga yingisangiki, mi tsetseleriwile.

1 Vakorinto 7:25

Hi tlhelo ra lava nga si tekaka kumbe ku tekiwa, a ndzi na xileriso xo huma eka Hosi, kambe ndzi vula ntsena miehleketo ya mina, ndzi ri munhu loyi Hosi yi n'wi endleke ku va wo tshembeka, hi tintswalo ta yona.

2 Vakorinto 4:1

Hikokwalaho leswi Xikwembu, hi tintswalo ta xona, xi nga hi rhuma ku tirha ntirho wolowo, a hi heli mbilu.

Vaefesa 4:32

Ematshan'wini ya swona, twelanani vusiwana, mi tsetselelana, mi rivalelana, tanihi leswi Xikwembu na xona xi mi rivaleleke eka Kriste.

Vakolosa 3:12

Hikokwalaho, leswi mi nga vitaniwa hi Xikwembu ku va vahlawuriwa va xona lava rhandziwaka, ambalani moya wa tintswalo, ni vunene, ni ku titsongahata, ni ku rhula, ni ku leha mbilu.

1 Timotiya 1:13

hambileswi khale ndzi tshamaka ndzi n'wi sandza, ni ku n'wi xanisa, ni ku n'wi pfukela. Kambe ndzi tsetseleriwile, hikuva a ndzi endla hi ku kohleka, ndzi nga ri na ku pfumela.

1 Timotiya 1:16

Kambe ndzi tsetseleriwile, ku endlela leswaku eka mina loyi a nga mudyohi wo rhanga hi ku biha, Kriste Yesu a ta swi kota ku komba ku leha loku hetisekeke ka mbilu ya yena, kutani xi va xikombiso eka lava nga ta pfumela eka yena, va kuma vutomi lebyi nga heriki.

Vaheveru 4:16

Hikokwalaho, a hi tshineleni kusuhi ni xiluvelo xa tintswalo, hi ri ni ku tshemba leswaku hi ta tsetseleriwa ni ku kuma tintswalo leti nga ta hi pfuna eminkarhini ya ku pfumala.

Vaheveru 6:10

Hikuva Xikwembu a xi na mona, xi nga ka xi nga rivali ntirho wa n'wina ni rirhandzu leri mi ri kombeke hi vito ra xona, hi ku tirhela vahlawuriwa va xona, hilaha mi swi endlaka hakona nisweswi.

Yakobo 2:13

Hakunene muavanyisi a nga ka a nga tsetseleri munhu loyi a nga tsetselelangiki van'wana; kasi loyi a tsetselelaka van'wana wa khana esikwini ra ku avanyisa.

Yakobo 3:17

Kambe vutlhari byo ta hi le henhla, byi ni ku rhula, ni ku olova, ni ku yingisela, byi tele musa ni mihandzu leyinene; kambe ngopfu-ngopfu byi tengile; a byi yi hi nghohe, kumbe ku kanganyisa.

1 Petro 2:10

Khale a mi nga ri vanhu, kambe sweswi mi vanhu va Xikwembu; khale a mi nga tsetseleriwi, kambe sweswi mi kumile ku tsetseleriwa.