Matewu 5:6 - BIBELE Mahungu Lamanene

⁶ Ku katekile lava nga ni ndlala ni torha ra leswo lulama, hikuva va ta xurha.

Testamente Leyimpsha Xichangana

⁶ Kukatekile lavanga ni ndlala ni torha ra svolulama, hikuva vataxurhisiwa.

Xitsonga (Bibele)

⁶ Ku katekile lava nga ni ndlala ni torha ra leswo lulama, hikuva va ta xurha.

Matewu 5:6 Iomraidhean Croise

Pisalema 107:9

hikuva xi timurile torha ra lava karheleke, lava nga ni ndlala, xi va phamerile va dya va xurha.

Pisalema 145:19

Lava va xi chavaka, xi va endlela hi ku navela ka vona, loko va rila eka xona, xa va twa kutani xi va ponisa.

Pisalema 17:15

Loko a ri mina, ndzi ta vona mombo wa wena ndzi ri loyi a pembeleke; loko ndzi pfuka, ndzi ta kolwa hi ku ku vona, wena hi xiviri xa wena!

Pisalema 63:5

Ndzi titwa ndzi tsakile, onge ndzi lo dya nyama yo nona, kutani ndzi ba nkulungwana ndzi ku dzunisa.

Pisalema 65:4

Ku katekile munhu loyi u n'wi hlawuleke ku tshama exivaveni xa muti wa wena, loyi u n'wi tshinetaka kusuhi na wena. Na hina hi tsakisiwa hi leswo saseka endlwini ya wena, swi nga leswo hlawuleka swa Tempele ya wena.

Pisalema 84:2

ndzi navela hi mbilu ya mina hinkwayo ku fika exivaveni xa yindlu ya wena. Hi miri ni moya, ndzi huwelela hi ku tsaka eka wena Xikwembu lexi hanyaka.

Swivuriso 10:24

Lowo biha ú teriwa hi swilo leswi a swi chavaka ngopfu, kambe lavo lulama va nyikiwa leswi va swi navelaka.

Swivuriso 21:21

Munhu wa tintswalo la tikarhatelaka leswo lulama, ú ta kuma vutomi, ni ku dzuneka, a endleriwa leswo lulama.

Risimu ra Tinsimu 5:1

Ndzi ta entangeni wa mina, murhandziwa, we nhwana wanga, ndzi ta hlengeleta mafurha ya mirha ni swinun'hweriso swa mina, ndzi dya swihlenge swa mina ni vulombe bya swona, ndzi nwa vhinyo ya mina ni ntswamba wa mina. N'wina vanakulorhi, dyanani mi nwa, nwanani mi kolwa, n'we vanghana.

Esaya 25:6

Entshaveni ya Siyoni, HOSI ya matimba hinkwawo yi ta endla nkhuvo lowu nga ta dyiwa hi vanhu hinkwavo. Ku ta dyiwa nyama leyo nona leyi nga ni mongo, ku nwiwa ni vhinyo yo saseka leyi hlayisiweke swinene.

Esaya 41:17

“Loko swisiwana ni vapfumari va omelwa hi mhaka ya torha, kutani va famba va lava mati va ma pfumala, mina HOSI Xikwembu ndzi ta hlamula swikhongelo swa vona, ndzi nga ka ndzi nga va tshiki, mina Xikwembu xa Israele.

Esaya 44:3

Ndzi ta chululela mati etikweni leri nga ni torha, swinambyana swi ta hobomulana emisaveni leyi omeke; ndzi ta chululela Moya wa mina ehenhla ka vatukulu va n'wina, vana va n'wina, ndzi ta va katekisa.

Esaya 65:13

Hikokwalaho, HOSI N'wini wa hinkwaswo ú vurisa sweswo ú ri: “Vonani, malandza ya mina ma ta dya ma xurha, kambe n'wina mi ta fa hi ndlala; malandza ya mina ma ta kuma ni swo nwa, kambe n'wina mi ta fa hi torha; malandza ya mina ma ta tsaka, kambe n'wina mi ta khomiwa hi tingana.

Esaya 66:11

Mi kumile manana loyi a nga ta mi mbuwetela a mi mamisa mi kolwa; ú ni mafi layo tala lawa mi nga ta mama mi tiphina ha wona.”

Yeremiya 31:25

Lava karheleke ndzi ta va nyika matimba, ndzi tiyisa lava tsaneke.

Luka 1:53

Lava nga ni ndlala, ú va phamerile leswo nandziha, va dya va xurha, kambe lavo fuma ú va tlherisile va nga ri na nchumu.

Luka 6:21

Mi katekile n'wina mi twaka ndlala sweswi, hikuva mi ta dya mi xurha. Mi katekile n'wina mi rilaka sweswi, hikuva mi ta hlekelela.

Luka 6:25

Mi ni khombo n'wina mi dyaka mi xurha sweswi, hikuva mi ta twa ndlala. Mi ni khombo n'wina mi hlekaka sweswi, hikuva mi ta rila mi kolola.

Yohane 4:14

Kambe un'wana ni un'wana la nwaka mati lawa ndzi nga ta n'wi nyika wona, a nga ka a nga ha tlheli a twa torha ni siku ni rin'we; kambe mati lawa ndzi nga ta n'wi nyika wona, ma ta va eka yena xihlovo xa mati lama pfelelaka, ku yisa evutomini lebyi nga heriki.”

Yohane 6:27

Mi nga tirheleni swakudya leswi bolaka, kambe tirhelani swakudya leswi nga boriki, swi nga leswi nyikaka vutomi lebyi nga heriki. Swakudya leswi, mi ta nyikiwa hi N'wana-wa-Munhu, hikuva hi yena loyi Xikwembu Tatana xi n'wi fungheke hi mfungho wa xona.”

Yohane 7:37

Hi siku ro hetelela ra nkhuvo, ri nga lerikulu, Yesu a suka a yima, kutani a tlakusa rito a ku: “Loko munhu a ri ni torha, a a te ka mina a ta nwa.

Nhlavutelo 7:16

A va nga ha twi ndlala kumbe torha, a va nga ha hisiwi hi dyambu kumbe ku tshwa kunene,