Matewu 5:19 - BIBELE Mahungu Lamanene

¹⁹ Hikwalaho loyi a nga ta tlula wun'wanyana wa milawu leyitsongo leyi, kutani a dyondzisa vanhu ku endlisa sweswo, ú ta vuriwa lontsongo eMfun'weni wa matilo. Kambe loyi a nga ta yi hlayisa ni ku yi dyondzisa, ú ta vuriwa lonkulu eMfun'weni wa matilo.

Testamente Leyimpsha Xichangana

¹⁹ Hikolaho, lweyi angatatlula wun'we wa milawu leyitsongo leyi, kutani ajondzisa vanhu kuyendlisa svosvo, atavuliwa lwentsongo Mfun'wini wa matilo. Kambe lweyi angatayihlayisa ni kuyijondzisa, atavuliwa lwenkulu Mfun'wini wa matilo.

Xitsonga (Bibele)

¹⁹ Hikwalaho la tlulaka wun'wanyana wa milawu leyitsongo leyi, kutani a dyondzisa vanhu ku endlisa sweswo, u ta vuriwa lontsongo eku fumeni ka matilo. Kambe la hlayiseke nawu kutani a wu dyondzisa, u ta vuriwa lonkulu eku fumeni ka matilo.

Matewu 5:19 Iomraidhean Croise

Pisalema 119:128

Hikokwalaho, swiletelo swa wena hinkwaswo hi swona swi ndzi kombaka ndlela leyinene; a ndzi twanani ni mikhuva ya vakanganyisi.

Pisalema 119:6

Loko ndzi landzelela swileriso swa wena, a ndzi nga khomiwi hi tingana.

Daniele 12:3

Varhangeri lava tlhariheke va ta saseka, va vangama ku fana ni tilo; lava kombeke mintshungu ndlela ya leswo lulama, va ta vangama kukota tinyeleti minkarhi hinkwayo.

Matewu 11:11

“Ndzi tiyisile ndzi ri ka n'wina: Exikarhi ka vanhu lava tswariweke hi vavasati, a ku humelelanga loyi a tlulaka Yohane Mukhuvuri; kasi la nga lontsongo eka hinkwavo eMfun'weni wa matilo i nkulukumba eka yena.

Matewu 19:28

Yesu a ku ka vona: “Ndzi tiyisile ndzi ri ka n'wina, loko swilo hinkwaswo swi ta va swi vuyeteriwile, ni loko N'wana-wa-Munhu a tshamisile exiluvelweni xa yena lexo kwetsima, n'wina lava mi ndzi landzeke, na n'wina mi ta tshama eswiluvelweni swa 12, mi avanyisa tinyimba ta Israele leta 12.

Matewu 20:26

swi nga tshuki swi va tano exikarhi ka n'wina, kambe un'wana ni un'wana la navelaka ku va lonkulu exikarhi ka n'wina, a a ve tanihi mutirheli wa n'wina;

Matewu 28:20

mi va dyondzisa ku hlayisa hinkwaswo leswi ndzi mi leriseke swona; kutani vonani, ndzi na n'wina masiku hinkwawo, ku ko ku hela misava.”

Luka 1:15

hikuva ú ta va nkulukumba emahlweni ka Hosi; a nga ka a nga nwi vhinyo ni byalwa, kambe ú ta tala Moya lowo Kwetsima a nga si velekiwa.

Luka 11:42

“Mi ni khombo n'wina Vafarisi, hikuva mi humesa vukhume bya ximbowa-mbowani, ni bya mbowa, ni bya matsavu hinkwawo, kasi a mi na mhaka ni ku lulama na rirhandzu ra Xikwembu! A mi fanerile ku endla swilo leswi, loko mi ri karhi mi endla ni leswiya swin'wana.

Luka 9:48

“Un'wana ni un'wana la amukelaka n'wana loyi hi vito ra mina, wa ndzi amukela, kutani un'wana ni un'wana la ndzi amukelaka, ú amukela ni loyi a ndzi rhumeke. Hikuva la nga lontsongo exikarhi ka n'wina hinkwenu, hi yena loyi a nga lonkulu.”

Timhaka 1:1

Eka Teyofilo! Ebukwini ya mina leyo rhanga, ndzi tsarile hi ta swilo hinkwaswo leswi Yesu a nga sungula ku swi endla ni ku swi dyondzisa,

Varhoma 3:8

Naswona hikwalaho ka yini hi nga endli leswo biha, leswaku ku ta humelela leswo saseka xana? Van'wana va hi lumbeta hi mukhuva lowu, va ku hi leswi hina hi vulaka swona. Ku avanyisiwa ka vanhu lavo tano, ka va fanela!

Varhoma 6:1

Loko swi ri tano, xana hi ta ku yini? Xana hi ta ya emahlweni hi dyoha leswaku tintswalo ti andza xana?

Varhoma 6:15

Kutani ke? Xana hi ta dyoha, hileswi hi nga riki ehansi ka Nawu, kambe hi ri ehansi ka tintswalo xana? Niswitsanana!

Duteronoma 12:32

“Hinkwaswo leswi ndzi mi lerisaka swona, mi fanele ku tikarhatela ku hanya hi swona; mi nga engeteleli nchumu kumbe ku hunguta nchumu eka swona.

Duteronoma 27:26

“ ‘A a rhukaniwe, munhu loyi a nga riki na mhaka ni leswi tsariweke eka Nawu lowu, la nga hanyiki ha swona.’ Kutani Vaisraele hinkwavo va ta hlamula va ku: ‘Amen!’

1 Timotiya 6:11

Kambe loko a ri wena, munhu wa Xikwembu, fambela kule ni swilo leswi hinkwaswo. Kongoma ku lulama, ni vukhongeri, ni ku pfumela, ni rirhandzu, ni ku tiyisela, ni musa.

Tito 3:8

Mhaka leyi yi tiyile. Kutani ndzi lava leswaku u tiyisa timhaka leti swinene, leswaku lava pfumeleke eka Xikwembu, va lava tindlela ta ku tinyiketa, va tirha mintirho leyinene. Hi swona leswi nga swinene, leswi pfunaka vanhu.

1 Petro 5:4

Kutani siku murisi lonkulu a nga ta humelela, mi ta kuma harhi leyo kwetsima, leyi nga riki na ku onhaka.

1 Yohane 3:4

Un'wana ni un'wana loyi a dyohaka, ú ni nandzu wa ku hanya ehandle ka Nawu. Ku dyoha i ku hanya ehandle ka Nawu.

Nhlavutelo 2:20

Kambe ku ni lexi u ndzi vilerisaka ha xona: Hileswaku u tshika Yezabele wansati loyi a tivulaka muprofeta a ya emahlweni ni mintirho ya yena, kasi ú kucetela ni ku hambukisa malandza ya mina ku endla vuoswi ni ku dya swakudya leswi humeseriweke swikwembu swa hava.

1 SAMIELE 2:30

Hikokwalaho, HOSI Xikwembu xa Israele xi vurisa sweswo xi ri: ‘A ndzi hlambanyile ndzi ku, va ndyangu wa wena ni va rixaka ra wena va ta va vaprista, va ndzi tirhela hilaha ku nga heriki; kambe ku sukela sweswi, mina HOSI ndzi ri: Swi nga ka swi nga ha endleki, hikuva lava va ndzi xiximaka, ndza va xixima, kambe lava va ndzi nyenyaka, a va nga ha vi nchumu eka mina.