Matewu 4:1 - BIBELE Mahungu Lamanene

¹ Endzhaku ka sweswo Yesu a yisiwa emananga hi Moya wa Xikwembu, a ya ringiwa hi Diyavulosi.

Testamente Leyimpsha Xichangana

¹ Hi loko Yesu ayisiwa mananga hi Moya wa Xikwembu, ayaringiwa hi Diyavulosi.

Xitsonga (Bibele)

¹ Kutani Yesu a yisiwa hi Moya emananga ku ya ringiwa hi Diyavulosi.

Matewu 4:1 Iomraidhean Croise

Genesa 3:15

Ndzi ta vanga rivengo exikarhi ka wena ni wansati, ni le xikarhi ka vatukulu va wena ni vatukulu va yena. Va ta ku faya nhloko, wena u ta va luma xirhendze.”

1 TIHOSI 18:12

Kasi loko hi ta va hi hambanile, Moya wa HOSI Xikwembu wu nga sala wu ku yisa endhawini leyi ndzi nga yi tiviki; kutaku loko ndzi ya fika eka Akabu, ndzi n'wi tivisa ta wena, kutani yena a nga ku kumi, hakunene ú ta ndzi dlaya, hambileswi mina nandza wa wena ndzi chaveke HOSI Xikwembu ku sukela evuhlangini bya mina.

2 TIHOSI 2:16

va ku ka yena: “Languta, hina malandza ya wena, hi ni vavanuna va 50 va matimba; wa nga va pfumelela ku ya lava n'wini wa wena. Kumbexana, moya wa HOSI Xikwembu wu nga va wu n'wi tlakurile, wu ya n'wi hoxa entshaveni yin'wana, kumbe enkoveni wun'wana.” Kambe Elixa a ala, a ku: “Mi nga tshuki mi rhuma munhu.”

Ezekiele 11:1

Kutani Moya wu ndzi tlakula, wu ndzi yisa enyangweni ya Tempele leyi languteke evuxeni. Kusuhi ni nyangwa leyi, a ku ri ni vavanuna va 25, kutani exikarhi ka vona, ndzi vona vakulukumba vambirhi va tiko, va nga Yaazaniya n'wana Azuri na Pelatiya n'wana Benaya.

Ezekiele 11:24

Kutani Xikwembu lexi tikombeke ka mina hi xivono, xi ndzi tlakula hi Moya wa xona loko ndza ha ri exivonweni, xi ndzi tlherisela etikweni ra Vakalediya exikarhi ka lava nga vukhumbini. Hiloko xivono lexi ndzi kombiweke xona xi nyamalala.

Ezekiele 3:12

Kavaloko Moya wu ndzi tlakula, kutani ndzi twa rito lerikulu leri tsekatsekisaka misava, ri twakala endzhaku ka mina ri ku: “A ku nkhensiwe ku dzuneka ka HOSI Xikwembu, laha xi tikombaka kona.”

Ezekiele 3:14

Loko Moya wu ndzi tlakurile wu famba na mina, ndzi khomiwa hi gome ni ku vaviseka lokukulu, hikuva HOSI Xikwembu a xi ndzi khomile hi ntamu wa xona.

Ezekiele 40:2

xi ndzi fikisa etikweni ra Israele hi xivono, xi ndzi yimisa entshaveni leyo leha ngopfu. Hi tlhelo ra le dzongeni ra ntshava leyi, a ku vonaka leswi fanaka ni tindlu ta muti.

Ezekiele 43:5

Kutani Moya wu ndzi tlakula, wu ndzi tisa exivandleni xa le ndzeni emahlweni ka Tempele, kutani ndzi vona Tempele hinkwayo yi tele hi ku dzuneka ka HOSI Xikwembu.

Ezekiele 8:3

Kutani a tshambuluta xilo lexi fanaka ni voko, a ndzi khoma hi misisi; kutani exivonweni lexi HOSI Xikwembu xi ndzi kombeke xona, ndzi tikuma ndzi tlakuriwile hi Moya wa xona, ndzi hahiseriwa empfhukeni, ndzi ya vekiwa eYerusalema, kusuhi ni nyangwa ya le n'walungwini, hi le ndzeni ka yona. Kutani endhawini leyi, a ku ri ni xifaniso xa xikwembu xa hava, xi nga xilo lexi hlundzukisaka HOSI Xikwembu.

Yohane 14:30

A ndzi nga ha vulavuri swo tala na n'wina, hikuva mufumi wa misava leyi wa ta; kambe a nga na matimba ehenhla ka mina.

Timhaka 8:39

Kuteloko va humile ematini, Moya wa Hosi wu susa Filipi. Ndhuna a ya ha vuyanga yi n'wi vona; hambiswiritano, yi yile emahlweni ni riendzo ra yona, yi tsakile swinene.

Varhoma 8:14

Vanhu hinkwavo lava fambisiwaka hi Moya wa Xikwembu i vana va Xikwembu.

Vaheveru 2:18

Hikuva leswi na yena a nga twa ku vaviseka ni ku ringiwa, wa swi kota ku pfuna lava ringiwaka.

Yakobo 1:14

Kambe munhu un'wana ni un'wana wa ringiwa loko a kokiwa ni ku phasiwa hi ku navela ka yena n'winyi.