Matewu 3:6 - BIBELE Mahungu Lamanene

⁶ kutani a a va khuvula enambyeni wa Yordani, va ri karhi va tivula swidyoho swa vona.

Testamente Leyimpsha Xichangana

⁶ kutani aavakhuvula nambzeni wa Yordani, na vali karhi vativula svijoho sva vona.

Xitsonga (Bibele)

⁶ kutani a va khuvuriwa hi yena eYordani, va ri karhi va tivula swidyoho swa vona.

Matewu 3:6 Iomraidhean Croise

Ezra 10:1

Loko Ezra a ri karhi a khongela kusuhi ni yindlu ya Xikwembu, a kombela leswaku xi va rivalela xidyoho lexi, a rila a titlatlatela ehansi, kutani Vaisraele lavo tala va ya va fika va n'wi rhendzela, va ri vavanuna, ni vavasati, ni vana, va ri karhi va rila hi xiviti lexikulu.

Pisalema 32:5

Kutani ndzi boxile ku dyoha ka mina, a ndzi ku fihlelanga ku homboloka ka mina. Ndzi vurile ndzi ku: “Ndzi ta tisola eka HOSI, ndzi vula nandzu wa mina.” Kutani we HOSI, u ndzi rhurile ndzhwalo wa swidyoho swa mina.

Swivuriso 28:13

Loyi a fihlaka swidyoho swa yena, a nge humeleli, kasi loyi a swi vulaka, kutani a hambana na swona, ú ta kuma tintswalo.

Ezekiele 36:25

Ndzi ta mi xuva hi mati layo tenga, kutani thyaka leri mi nga tivangela rona hi ku gandzela swikwembu swa n'wina swa hava, ndzi ta ri susa hinkwaro.

Daniele 9:4

Eku khongeleni ka mina, ndzi vula swidyoho swa hina hinkwerhu eka Xikwembu xanga, ndzi ku: We N'wini wa hina, wena Xikwembu lexikulu xo chavisa, hi rirhandzu ra wena lero tshembeka, u hlayisa ntwanano wa wena ni lava va ku rhandzaka, lava nga rivaliki milawu ya wena.

Levhitika 16:21

ú ta tlhandleka mavoko enhlokweni ya xiphongho xexo, a ri karhi a longoloxa mintirho hinkwayo leyo biha ya Vaisraele, ni ku tiarisa ka vona, ni swidyoho swa vona hinkwaswo; loko a swi vekile enhlokweni ya xiphongho, ú ta xi rhumela emananga, xi khayimiwa hi wanuna loyi a tilunghiseleke ntirho lowu.

Levhitika 26:40

“Hambiswiritano, vanhu lava va nga tshuka va tisola eka leswi va ndzi onheleke swona vona ni vatata wa vona, loko va vile ni tihanyi va nga endli leswi mina ndzi lavaka swona,

Tinhlayo 5:7

Hikokwalaho, ú fanele ku nkhensa nandzu wa yena, a riha hinkwaswo hi ku tlherisela loyi a n'wi dyoheleke swilo leswi onhakeke, a tlhela a tlhandlekela xiphemu xa ⅕ xa nxavo va swilo swa kona.

Matewu 3:11

Loko ndzi ri mina, ndzi mi khuvula hi mati hi ku ya hi ku hundzuka ka n'wina, kambe loyi a taka endzhaku ka mina, wa ndzi tlula hi matimba; a swi ndzi fanelanga ku n'wi hluvula tintanghu; hi yena la nga ta mi khuvula hi Moya lowo Kwetsima ni ndzilo.

Marka 1:5

Kutani vanhu hinkwavo va tiko ra Yudiya ni vaaki hinkwavo va Yerusalema, a va ya va ya khuvuriwa hi yena enambyeni wa Yordani, va ri karhi va tivula swidyoho swa vona.

Luka 1:16

Ú ta endla leswaku lavo tala xikarhi ka Vaisraele va hundzukela eka Hosi Xikwembu xa vona;

Luka 3:16

Yohane a va hlamula hinkwavo, a ku: “Loko ndzi ri mina, ndzi mi khuvula hi mati, kambe wa ta un'wana loyi a ndzi tlulaka hi matimba, loyi swi nga ndzi faneriki ku ntshunxa ngoti ya tintanghu ta yena; yena ú ta mi khuvula hi Moya lowo Kwetsima ni ndzilo.

Timhaka 1:5

hikuva Yohane ú khuvurile hi mati, kambe n'wina mi ta khuvuriwa hi Moya lowo Kwetsima, endzhaku ka masiku ma nga ri mangani.”

Timhaka 11:16

Kutani ndzi anakanya rito ra Hosi leri nge: ‘Yohane ú khuvurile hi mati, kambe n'wina mi ta khuvuriwa hi Moya lowo Kwetsima.’

Timhaka 19:18

Lavo tala lava nga hundzuka vapfumeri, va ta, va tivula ni ku paluxa leswi a va swi endla khale.

Timhaka 22:16

Sweswi ke, u hlwelela yini? Suka u yima, u khuvuriwa leswaku u basisiwa eswidyohweni swa wena, hi ku khongela vito ra Hosi.’

1 Vakorinto 10:2

Epapeni ni le lwandle va khuvuriwile hinkwavo exinakulobyeni xa Muxe,

Vakolosa 2:12

Hi ku khuvuriwa, mi lahliwile esirheni swin'we na yena, mi tlhela mi pfuxiwa eku feni swin'we na yena, hi ku pfumela leswaku i matimba ya Xikwembu lama nga n'wi pfuxa exikarhi ka vafi.

Vaheveru 6:2

ni dyondzo ehenhla ka ta ku tibasisa, ni ta ku tlhandleka vanhu emavoko, ni ta ku pfuka ka vafi, ni ta siku ra ku avanyisiwa ka makumu.

Vaheveru 9:10

kambe swo tirha eka swakudya, ni swakunwa, ni mikhuva leyo tala ya ku tibasisa, ni milawu ya swa miri leyi vekiweke, ku ko ku fika nkarhi wa ku ololoxa hinkwaswo.

Yakobo 5:16

Hikokwalaho, byelanani ku dyoha ka n'wina, mi khongelelana leswaku mi ta hanya. Xikhongelo xa munhu wo lulama xi ni matimba ngopfu, xa tirha.

Yoxuwa 7:19

Kutani Yoxuwa a ku ka Akani: “N'wananga, dzunisa HOSI Xikwembu xa Israele, u twarisa vito ra xona: Sweswi, ndzi byele leswi u swi endleke; u nga tshuki u ndzi fihlela nchumu.”

1 Petro 3:21

Nkhuvulo wu yelana ni mhaka leyi; sweswi wa mi ponisa, ku nga ri hi ku susa thyaka emirini, kambe hi ku endla leswaku mi kombela ripfalo leri tengeke eka Xikwembu. Nkhuvulo wa mi ponisa hi mhaka ya ku pfuka ka Yesu Kriste eku feni,

1 Yohane 1:9

Kambe loko hi tivula swidyoho swa hina, Xikwembu xa tshembeka, xi avanyisa hi ku lulama, kutani xi ta hi rivalela swidyoho swa hina, xi hi hlantswa xi susa ku homboloka ka hina hinkwako.