Matewu 26:74 - BIBELE Mahungu Lamanene

⁷⁴ Hiloko a sungula ku hlambanya hi matimba a ku: “Ndzi tiyisile leswaku munhu loyi, mina a ndzi n'wi tivi!” Hi nomu lo, nkuku wu ringa.

Testamente Leyimpsha Xichangana

⁷⁴ Hi loko asungula kurhuketela ni kuhlambanya hi matimba aku: “Nitiyisile lesvaku munhu lweyi, mina animutivi!” Hi nomo-lo, nkuku wuyimba.

Xitsonga (Bibele)

⁷⁴ Kutani a sungula ku hlambanya, a tiyisa, a ku: “Munhu yeloyi a ndzi n'wi tivi.” Hi nomu lowu, nkuku wu ringa.

Matewu 26:74 Iomraidhean Croise

Matewu 10:28

“Mi nga tshuki mi chava lava dlayaka miri, va ri hava matimba yo dlaya moya; kambe chavani loyi a nga ni matimba yo lovisa moya ni miri wa munhu eTiheleni.

Matewu 26:34

Yesu a ku ka yena: “Ndzi tiyisile ndzi ri ka wena, vusiku byebyi, nkuku wu nga si ringa, u ta va u ndzi landzurile kanharhu.”

Matewu 26:73

Endzhakunyana, lava a va ri kwalaho va tshinela, va ku ka Petro: “Hakunene, na wena, u un'wana wa vona, hikuva u tikomba hi mavulavulele ya wena.”

Matewu 26:75

Kutani Petro a tsundzuka rito leri vuriweke hi Yesu, loko a te: “Nkuku wu nga si ringa, u ta va u ndzi landzurile kanharhu.” Kavaloko a humela ehandle, a ya rila hi xiviti.

Matewu 27:25

Tiko hinkwaro ri hlamula, ri ku: “Rifu ra yena a ri ve ehenhla ka hina ni le henhla ka vana va hina.”

Marka 14:30

Yesu a ku ka yena: “Ndzi tiyisile ndzi ri ka wena, namuntlha, vusiku byebyi, nkuku wu nga si ringa kambirhi, u ta va u ndzi landzurile kanharhu.”

Marka 14:68

Kambe Petro a kaneta, a ku: “Leswi u swi vulaka, a ndzi swi tivi; ni ku swi twisisa a ndzi swi twisisi.” Kutani a huma, a ya yima ehandle kusuhi ni nyangwa. [Kavaloko nkuku wu ringa.]

Luka 22:60

Kambe Petro a ku: “Munhu ndziwena, a ndzi tivi leswi u swi vulaka!” A ku a ha vulavula, nkuku wu ringa.

Yohane 18:27

Petro a engeta a kaneta; hi nomu lo, nkuku wu ringa.

Varhoma 9:3

Hikuva a ndzi ta navela, mina hi xiviri xa mina, ku va loyi a cukumetiwaka, ndzi hambanisiwa na Kriste hikwalaho ka vona lava va nga va rixaka ra ka hina hi ku velekiwa.

1 Vakorinto 16:22

Loko munhu a nga rhandzi Hosi, a a ve eku rhukaniweni! “Maranatha! Tana, Hosi!”

Nhlavutelo 3:19

Ndzi tshinya ni ku laya lava ndzi va rhandzaka; hikokwalaho, tikarhate u hundzuka!

Vaavanyisi 17:2

Kutani a ku ka mana wa yena: “Siku rin'wana ndzi ku twile u rhuketela munhu loyi a nga vaka a yivile mali ya wena ya tisilivhere ta 1 100; mali leyi, yi tekiwile hi mina, ndzi na yona.” Kutani mana wa yena a ku: “HOSI Xikwembu a xi ku katekise, n'wananga!”

Vaavanyisi 21:18

Kambe hi nga ka hi nga va nyiki vana va hina leswaku va va vasati va vona.” (Vaisraele a va hlambanyile va ku: “Munhu loyi a pfumelaka leswaku n'wana wa yena a tekiwa hi va ka Benjamini, a a rhukaniwe.”)