Matewu 26:3 - BIBELE Mahungu Lamanene

³ Enkarhini wolowo vaprista lavakulu, ni vakulukumba, va hlengeletana ehubyeni ya Muprista lonkulu loyi a va ku i Kayafasi,

Testamente Leyimpsha Xichangana

³ Nkarhini wolowo Vaprista lavakulu, ni Vatsali ni vakulukumba, vahlengeletana hubzeni ya Muprista lwenkulu lweyi avaku i Kayafasi,

Xitsonga (Bibele)

³ Enkarhini wolowo, vaprista lavakulu ni vatsari, ni vakulukumba va tiko, va hlengeletana ehubyeni ya muprista lonkulu la vuriwaka Kayafasi,

Matewu 26:3 Iomraidhean Croise

Pisalema 56:6

Va ndzi tumbelela, va ndzi sala ndzhaku, va xiyaxiya leswi ndzi swi endlaka, hikuva makungu ya vona i ku ndzi dlaya.

Yeremiya 11:19

Khale a ndzi fana ni xinyimpfana lexi yisiwaka eku tlhaviweni xi nga tivi nchumu; a ndzi nga swi tivi leswaku ku ni lava va ndzi tshamaka xikungu va lava ku ndzi dlaya. A va ku: “Hi ta lovisa murhi lowu ni mihandzu ya wona, hi ta wu tsema wu suka emisaveni ya lava hanyaka, vito ra wona ri nga ha tsundzukiwi hi munhu!”

Yeremiya 17:27

Kambe loko mi ala ku ndzi yingisa, mi nga pfumeli ku hlayisa siku ra Savata leswaku ri tshama ri hlawulekile, ni loko mi rhwala swilo mi swi nghenisa etinyangweni ta Yerusalema hi siku rero, vukari bya mina byi ta pfurha byi nga timeki, byi hisa tindlu leto saseka ta Yerusalema.’ ”

Matewu 26:69

Petro a a tshamile ehandle exivaveni; kutani nandza un'wana wa wansati a ta ka yena, a ku: “Na wena, a wu ri na Yesu wa Galeliya.”

Matewu 27:27

Masocha ya hosi ma yisa Yesu endlwini ya vuhosi, kutani ma hlengeleta ntlawa hinkwawo wa masocha, wu n'wi rhendzela.

Marka 14:54

Petro na yena a n'wi landza hi le kule, a nghena exivaveni xa Muprista lonkulu, a tshamisa ni malandza, a orha ndzilo.

Marka 14:66

Enkarhini wolowo Petro a a ri le hansi exivaveni; kutani ku ta un'wana wa malandza ya xisati ya Muprista lonkulu;

Marka 15:16

Masocha ma famba na Yesu, ma n'wi yisa exivaveni xa yindlu ya vuhosi; kutani ma vitanana ma ya kona hinkwawo.

Luka 22:55

Loko va tshiverile ndzilo exivaveni, va orha, Petro na yena a tshama exikarhi ka vona.

Luka 3:2

Anasi na Kayafasi a va ri vaprista lavakulu; enkarhini wolowo, rito ra Xikwembu ri fika eka Yohane n'wana Zakariya, emananga.

Yohane 11:57

Vaprista lavakulu ni Vafarisi a va lerisile leswaku, loko un'wana a tiva laha a nga kona, a a va tivise, leswaku va ta kota ku n'wi khoma.

Yohane 18:24

Kutani Anasi a n'wi rhumela a bohiwile eka Kayafasi, Muprista lonkulu loyi un'wana.

Yohane 18:28

Kutani va suka na Yesu eka Kayafasi, va n'wi yisa endlwini ya vuhosi. A wa ha ri mpundzu swinene; vona hi voxe a va nghenanga ndlwini ya vuhosi, ku endlela leswaku va nga tinyamisi, va ta kota ku dya nkhuvo wa Paseka.