Matewu 26:29 - BIBELE Mahungu Lamanene

²⁹ Kambe ndzi ri ka n'wina: Ku sukela sweswi, a ndzi nga ha nwi kambe swa mihandzu ya vhinya, ku ko ku fika siku leri ndzi nga ta swi nwa na n'wina swi ri leswintshwa, eMfun'weni wa Tata wa mina.”

Testamente Leyimpsha Xichangana

²⁹ Kambe nili ka n'wina: Kusukela svosvi, aningahanwi kambe sva mihandzu ya mvhinya, kukondza kufika siku leri ningatasvinwa na n'wina hi ximpsha, Mfun'wini wa Tatana wa mina.”

Xitsonga (Bibele)

²⁹ Kambe ndzi ri eka n'wina: Ku sungula sweswi, a ndzi nga ha nwi lexi velekiwaka hi vhinya, ku ko ku fika siku leri ndzi nga ta xi nwa na n'wina xi ri xintshwa, eku fumeni ka Tatana.”

Matewu 26:29 Iomraidhean Croise

Pisalema 104:15

yi nga vhinyo leyi tsakisaka timbilu ta vona, ni mafurha ya ku tola exikandzeni, ni vuswa lebyi tiyisaka miri wa vona.

Pisalema 4:7

Kambe wena u engeterile ntsako embilwini yanga, wu tlula lowu va nga na wona loko va pfunile mavele ni vhinyo.

Pisalema 40:3

Enon'weni wa mina xi nghenisile risimu lerintshwa leri dzunisaka xona Xikwembu xa hina; vanhu lavo tala va ta swi vona, kutani va ta chava, va sungula ku tshemba HOSI Xikwembu.

Risimu ra Tinsimu 5:1

Ndzi ta entangeni wa mina, murhandziwa, we nhwana wanga, ndzi ta hlengeleta mafurha ya mirha ni swinun'hweriso swa mina, ndzi dya swihlenge swa mina ni vulombe bya swona, ndzi nwa vhinyo ya mina ni ntswamba wa mina. N'wina vanakulorhi, dyanani mi nwa, nwanani mi kolwa, n'we vanghana.

Esaya 25:6

Entshaveni ya Siyoni, HOSI ya matimba hinkwawo yi ta endla nkhuvo lowu nga ta dyiwa hi vanhu hinkwavo. Ku ta dyiwa nyama leyo nona leyi nga ni mongo, ku nwiwa ni vhinyo yo saseka leyi hlayisiweke swinene.

Esaya 53:11

Ú ta vona mihandzu ya maxangu ya yena layo chavisa, kutani a tsaka. HOSI Xikwembu xi ri: “Nandza wa mina ú tiva ku rhandza ka mina; leswi a nga riki na nandzu, ú ta ntshunxa lavo tala emilandzwini ya vona hikuva ú biwile ematshan'wini ya vona.

Sofoniya 3:17

HOSI Xikwembu xa wena, xi na wena, yona nhenha leyi yi ku hlurisaka valala; xi ta tlhela xi ku komba rirhandzu ra xona, xi ta tsaka swinene ha wena,

Zakariya 9:17

Hakunene tiko ri ta saseka, ri tsakisa! Majaha ni vanhwana va ta kula va tsakile, hikuva va ta phameriwa swakudya ni swakunwa leswinene.

Matewu 13:43

Enkarhini wolowo, lavo lulama va ta hatima kukotisa dyambu, eMfun'weni wa Tata wa vona. La nga ni tindleve, a a yingise!

Matewu 16:28

Ndzi tiyisile ndzi ri ka n'wina: Ku ni van'wana exikarhi ka lava nga kwala, lava nga ta ka va nga khumbiwi hi rifu va nga si vona N'wana-wa-Munhu a vuya eMfun'weni wa yena.”

Matewu 18:20

Hikuva laha vambirhi kumbe vanharhu va hlengeletaneke kona hi vito ra mina, na mina ndzi kona exikarhi ka vona.”

Matewu 25:34

“Hi laha Hosi yi nga ta byela lava nge vokweni ra yona ra xinene yi ku: ‘Tanani n'wina lava katekisiweke hi Tata wa mina, amukelani Mfumo lowu nga lunghiseriwa n'wina hi mpfhuka misava yi tumbuluka;

Matewu 26:28

hikuva leswi i ngati ya mina, ngati ya ntwanano leyi halateriwaka lavo tala leswaku va rivaleriwa swidyoho.

Matewu 26:30

Kuteloko va yimbelerile risimu, va ya eNtshaveni ya Mitlhwari.

Matewu 28:20

mi va dyondzisa ku hlayisa hinkwaswo leswi ndzi mi leriseke swona; kutani vonani, ndzi na n'wina masiku hinkwawo, ku ko ku hela misava.”

Marka 14:25

Ndzi tiyisile ndzi ri ka n'wina, a ndzi nga ha nwi kambe swa mihandzu ya vhinya, ku ko ku fika siku leri ndzi nga ta swi nwa swi ri leswintshwa eMfun'weni wa Xikwembu.”

Luka 12:32

“Mi nga chavi n'wina va ntlhambinyana, hikuva Tata wa n'wina ú tsakele ku mi nyika Mfumo.

Luka 15:32

kambe a hi fanele ku tsaka, hi ba minkulungwana, hikuva makwenu loyi a a file, kutani sweswi ú hanyile; a a lahlekile, kutani sweswi ú kumiwile.’ ”

Yohane 15:11

“Ndzi mi byerile timhaka leti, leswaku ku tsaka ka mina ku va eka n'wina, ni leswaku ku tsaka ka n'wina ku va loku hetisekeke.

Yohane 16:22

Swi tano na n'wina: Mi twa ku vaviseka sweswi, kambe ndzi ta tlhela ndzi mi vona, kutani timbilu ta n'wina ti ta tsaka, kutani a ku na munhu la nga ta mi tekela ku tsaka ka n'wina.

Yohane 17:13

Sweswi ndzi ta kwaleyo ka wena, kutani ndzi vula swilo leswi ndzi ri emisaveni, leswaku ku tsaka ka mina ku va loku hetisekeke eka vona.

Timhaka 10:41

ku nga ri ka tiko hinkwaro, kambe eka timbhoni leti xi ti hlawuleke ka ha ri ku sunguleni, hi nga hina lava hi nga dya na yena, hi nwa na yena, endzhaku ka loko a pfukile eku feni.

Vaheveru 12:2

A hi languteni eka Yesu, musunguri ni muhetisisi wa ku pfumela ka hina, loyi a nga chavangiki ku byarha xihambano, a nga vuli nchumu hi tingana ta kona, hikwalaho ka ku tsaka loku vekiweke emahlweni ka yena; kutani sweswi ú tshamile evokweni ra xinene exiluvelweni xa Xikwembu.

Nhlavutelo 14:3

Va yimbelela leswi fanaka ni risimu lerintshwa, va ri emahlweni ka xiluvelo ni le mahlweni ka swivumbiwa leswi hanyaka swa mune, ni le mahlweni ka vakulukumba. A ku ri hava ni un'we la kotaka ku dyondza risimu ra kona ehandle ka lava va 144 000, lava kutsuriweke emisaveni.

Nhlavutelo 7:17

hikuva Xinyimpfana lexi nge xiluvelweni xi ta va murisi wa vona; xi ta va yisa eswihlobyeni swa mati ya vutomi, kutani Xikwembu xi ta sula mihloti hinkwayo emahlweni ya vona.”