Matewu 26:27 - BIBELE Mahungu Lamanene

²⁷ Kutani a teka xinwelo, a nkhensa, a va nyika xona a ku: “Nwelani ka xona hinkwenu;

Testamente Leyimpsha Xichangana

²⁷ Kutani ateka ndzheko, awukatekisa, avanyika wona aku: “Nwelani ka wona hinkwenu;

Xitsonga (Bibele)

²⁷ A teka ni xinwelo, kutani a khensa, a va nyika xona, a ku: “Nwelani eka xona hinkwenu;

Matewu 26:27 Iomraidhean Croise

Pisalema 116:13

Ndzi ta khongela HOSI Xikwembu lexi xi ndzi poniseke, ndzi ri karhi ndzi xi humesela magandzelo ya swakunwa.

Risimu ra Tinsimu 5:1

Ndzi ta entangeni wa mina, murhandziwa, we nhwana wanga, ndzi ta hlengeleta mafurha ya mirha ni swinun'hweriso swa mina, ndzi dya swihlenge swa mina ni vulombe bya swona, ndzi nwa vhinyo ya mina ni ntswamba wa mina. N'wina vanakulorhi, dyanani mi nwa, nwanani mi kolwa, n'we vanghana.

Risimu ra Tinsimu 7:9

Onge ku ntswontswa ka wena ku nga fana ni vhinyo leyo tsokombela leyi rhelelaka khwatsi emilon'weni ni le menweni.

Esaya 25:6

Entshaveni ya Siyoni, HOSI ya matimba hinkwawo yi ta endla nkhuvo lowu nga ta dyiwa hi vanhu hinkwavo. Ku ta dyiwa nyama leyo nona leyi nga ni mongo, ku nwiwa ni vhinyo yo saseka leyi hlayisiweke swinene.

Esaya 55:1

HOSI Xikwembu xi ri: “N'wina hinkwenu mi nga ni torha, tanani mi ta nwa mati, na n'wina mi nga riki na mali, tanani mi ta teka swakudya mi dya! Hambi mi nga ri na mali, tanani mi ta kuma vhinyo ni ntswamba, a mi nga hakeli nchumu.

Matewu 15:36

Kutani a teka swinkwa swa 7 ni tinhlampfi, a nkhensa, a phema, a nyika vadyondzisiwa, vona va avela ntshungu.

Matewu 26:26

Loko va ha ri eku dyeni, Yesu a teka xinkwa, kutani loko a nkhensile, a xi phema, a nyika vadyondzisiwa, a ku: “Tekani mi dya, leswi i miri wa mina.”

Matewu 26:28

hikuva leswi i ngati ya mina, ngati ya ntwanano leyi halateriwaka lavo tala leswaku va rivaleriwa swidyoho.

Luka 22:20

Hi mukhuva wolowo, a teka xinwelo loko va lalerile, a ku: “Xinwelo lexi i ntwanano lowuntshwa engatini ya mina, leyi halatiwaka hikwalaho ka n'wina.]

1 Vakorinto 10:16

Xinwelo xa minkateko lexi hi xi nkhensaka, xana a xi vuli leswaku hi ni ku hlangana swin'we ni ngati ya Kriste xana? Ni xinkwa lexi hi xi phemaka, xana a xi vuli leswaku hi ni ku hlangana swin'we ni miri wa Kriste xana?

1 Vakorinto 11:28

Munhu ú fanele ku rhanga hi ku tikamba, ku va kona a nga ta dya xinkwa lexi ni ku nwela exinwelweni lexi;