Matewu 26:24 - BIBELE Mahungu Lamanene

²⁴ Loko a ri N'wana-wa-Munhu, ú ta tifambela hilaha ku tsariweke hakona ehenhla ka yena, kambe ú ni khombo munhu loyi N'wana-wa-Munhu a xengiwaka ha yena! A swi ta antswa eka munhu loyi loko onge a nga velekiwanga.”

Testamente Leyimpsha Xichangana

²⁴ Loko ali N'wana-wa-Munhu, atatifambela hilaha svitsaliweke hakona mayelanu na yena, kambe a ni khombo munhu lweyi N'wana-wa-Munhu axengiwaka ha yena! Asvitayampsa ka munhu lweyi loko ongi angapsaliwanga.”

Xitsonga (Bibele)

²⁴ Loko a ri N'wana wa Munhu, u tifambela hilaha ku tsariweke ehenhla ka yena hakona, kambe u ni khombo munhu yeloyi N'wana wa Munhu a xengiwaka hi yena; ingi swi sasekile loko munhu loyi a nga velekiwanga.”

Matewu 26:24 Iomraidhean Croise

Genesa 3:15

Ndzi ta vanga rivengo exikarhi ka wena ni wansati, ni le xikarhi ka vatukulu va wena ni vatukulu va yena. Va ta ku faya nhloko, wena u ta va luma xirhendze.”

Pisalema 55:15

Rifu a ri va khubumete, a va rhelele va ya exivandleni xa vafi va ri karhi va hanya, hikuva leswo homboloka swi tele emitini ya vona ni le timbilwini ta vona.

Pisalema 55:23

We Xikwembu, u ta va hoxa ekheleni ra rifu; vanhu lava vo tsakela ku halata ngati ni ku kanganyisa, va ta hunguteriwa malembe ya vona ya ku hanya, kambe mina ndzi ta titshembela wena ntsena.

Daniele 9:26

Eku heleni ka nkarhi lowu wa malembe ya 7 lama hlayiwaka ka 62, muhlawuriwa wa Xikwembu ú ta dlayiwa, ku ri hava la n'wi yimelelaka. Kutani ku ta humelela mufumi un'wana la nga ta herisa muti ni Tempele hi mavuthu ya yena. Ku hela ka swona ku ta fana ni ndhambi: Ku ta va ni tinyimpi ni maxangu ku fikela makumu, hilaha swi bohiweke hakona.

Zakariya 12:10

Kutani ndzi ta chela moya wa vukhongeri ni wa tintswalo eka vatukulu va Davhida ni ka vaaki va Yerusalema. Va ta languta eka mina hikwalaho ka loyi va n'wi tlhaveke, kutani va ta n'wi rila ku fana ni loko munhu a tlhaveka a rila n'wana wa yena loyi a a ri yexe, kumbe n'wana wa yena wa mativula.

Zakariya 13:7

HOSI ya matimba hinkwawo yi ri: “We fumu, pfuka u lwa ni murisi wa mina, lwana na yena yaloyi a nga yima kusuhi na mina. Bana murisi leswaku tinyimpfu ti ta hangalaka; lavatsongo hi mina ndzi nga ta va ba!

Matewu 18:7

Yi ni khombo misava hikwalaho ka ku khunguvanyisa; loko ku ri ku khunguvanyisa, kunene ku fanele ku va kona, kambe ú ni khombo munhu loyi ku khunguvanyeka ku humelelaka hikwalaho ka yena.

Matewu 26:31

Kutani Yesu a ku ka vona: “Vusiku byebyi, mi ta khunguvanyeka hinkwenu hikwalaho ka mina, hikuva ku tsariwile leswaku: “ ‘Ndzi ta ba murisi, kutani tinyimpfu ta ntlhambi ti ta hangalaka.’

Matewu 26:54

Kambe loko swi nga va tano, Matsalwa ma ta endlekisa ku yini, leswi ma vulaka leswaku swi fanekele ku famba hi ndlela yoleyo ke?”

Matewu 26:56

Hambiswiritano, swilo leswi hinkwaswo swi humelerile leswaku ku hetiseka leswi tsariweke hi vaprofeta.” Hiloko vadyondzisiwa hinkwavo va n'wi siya, va tsutsuma.

Marka 14:21

Loko a ri N'wana-wa-Munhu, ú ta tifambela hilaha ku tsariweke hakona ehenhla ka yena; kambe ú ni khombo munhu loyi N'wana-wa-Munhu a xengiwaka ha yena! A swi ta antswa eka munhu loyi loko onge a nga velekiwanga.”

Marka 9:12

A va hlamula a ku: “Eliya ú fanele ku rhanga a ta hakunene, a tlhela a pfuxeta hinkwaswo; kambe hikwalaho ka yini ku tsariwile leswaku N'wana-wa-Munhu ú ta fanela ku twisiwa ku vaviseka lokukulu, a va a soriwa ke?

Luka 22:22

Loko a ri N'wana-wa-Munhu, ú ta tifambela hilaha swi bohiweke hakona; kambe, ú ni khombo munhu loyi a n'wi xengaka.”

Luka 24:46

Kutani a ku ka vona: “Matsalwa ma vurisile ma te: ‘Mesiya ú ta twisiwa ku vaviseka, a tlhela a pfuka eku feni hi siku ra vunharhu.

Yohane 17:12

Loko ndza ha ri na vona, a ndzi va hlayisa hi matimba ya vito ra wena leri u ndzi nyikeke rona; ndzi va biyelerile, kutani a ku vanga na un'we wa vona la loveke, loko a nga ri munhu wa ku lova, leswaku Matsalwa ma hetiseka.

Yohane 19:24

Kutani va byelana, va ku: “Hi nga wu handzuleni, kambe a hi hoxeni vuhlolotwana, hi ta tiva leswaku wu ta va wa mani.” Leswi a ku ri ku hetisa Tsalwa leri nge: “Va avelene tinguvu ta mina, va kumile xiambalo xa mina hi ku hoxa vuhlolotwana.” Hi swo leswi masocha ma nga endla swona.

Yohane 19:28

Yesu, hi ku tiva leswaku swilo hinkwaswo swi hetisekile, a ku: “Ndzi ni torha”, ku ri ku hetisa Matsalwa.

Timhaka 2:23

hi yena loyi a nga nyiketiwa, hi makungu lama tiyeke ya Xikwembu ni ku tiva ka xona ka khale; kutani mi n'wi dlayile hi mavoko ya vanhu lavo homboloka lava nga n'wi vamba exihambanweni.

Timhaka 28:23

Va n'wi vekela siku, kutani va ta ka yena va telenyana, endlwini leyi a a tshama ka yona. Pawulo a va hlamusela ta Mfumo wa Xikwembu, a ti tiyisa hi vumbhoni bya yena; a ringeta ni ku va kombisa ta Yesu, hi ku hlaya eNawini wa Muxe, ni ka vaprofeta, a vulavula ku sukela nimixo ku ya fika nimadyambu.

Timhaka 4:28

va hlangene ku endla hinkwaswo leswi u swi boheke khale, hi ntamu wa wena ni makungu ya wena, leswaku swi ta humelela.

1 Vakorinto 15:3

Ndzi mi hundzisele leswi na mina ndzi swi amukeleke, swi nga leswikulu eka hinkwaswo: Hileswaku Yesu ú fele swidyoho swa hina, hilaha Matsalwa ma vulaka hakona;