Matewu 25:29 - BIBELE Mahungu Lamanene

²⁹ Hikuva ku ta nyikiwa un'wana ni un'wana la nga ni xa nchumu, kutani a va ni leswo tala; kambe loyi a nga riki na nchumu, ú ta tekeriwa ni lexi a nga na xona.

Testamente Leyimpsha Xichangana

²⁹ Hikuva kutanyikiwa mani na mani lweyi anga ni xanchumu, kutani ava ni lesvotala; kambe lweyi angaliki na nchumu, atatekeliwa ni lexi anga na xona.

Xitsonga (Bibele)

²⁹ Hikuva un'wana ni un'wana la nga ni xilo, u ta nyikiwa, kutani u ta va ni swilo leswo tala; kambe la nga riki na nchumu u ta tekeriwa ni leswi a nga na swona.

Matewu 25:29 Iomraidhean Croise

Swirilo 2:6

Ú hahlurile Tempele ya yena, onge i dladla ra le ntangeni; ndhawu leyi a a gandzeleriwa eka yona, ú yi siyile yi fana ni rhumbi; HOSI Xikwembu xi endlile leswaku va le Siyoni va rivala minkhuvo ya xona ni masiku ya Savata; eku hlundzukeni ka xona lokukulu, xi dlidlimbetile tihosi ni vaprista.

Hosiya 2:9

Hikokwalaho hi nkarhi wa ntshovelo, ndzi ta teka mavele ya mina, ni vhinyo ya mina ndzi ta yi teka hi nguva ya yona; ndzi ta n'wi tekela ni swiambalo swa mina swa xixika ni ximumu, swi nga leswi a a fanele ku funengela swona.

Matewu 13:12

Loyi a nga ni xa nchumu, ú ta nyikiwa ni swin'wana, kutani ú ta va ni leswo tala; kambe loyi a nga riki na nchumu, ú ta tekeriwa ni lexi a nga na xona.

Matewu 21:41

Va hlamula Yesu va ku: “Ú ta lovisa vanhu lavo biha lava va hela; nsimu ya vhinya, ú ta yi veka emavokweni ya vatirhi van'wana lava nga ta n'wi nyika mihandzu hi nguva ya kona.”

Matewu 25:28

Sweswi ke, n'wi tekeleni talenta, mi nyika loyi a nga ni titalenta ta khume.

Marka 4:25

La nga ni xa nchumu, ú ta nyikiwa ni swin'wana, kasi loyi a nga riki na nchumu, ú ta tekeriwa ni lexi a nga na xona.”

Luka 10:42

kasi xilo lexi lavekaka ngopfu i xin'we ntsena, kutani Mariya ú tihlawulele ku averiwa lokunene, loku a nga ta ka a nga tekeriwi kona.”

Luka 8:18

Hikwalaho, tivoneleni, mi hlayisa leswi mi swi twaka. La nga ni xanchumu, ú ta nyikiwa swin'wana, kasi loyi a nga riki na nchumu, ú ta tekeriwa ni lexi a ehleketaka leswaku ú na xona.”

Yohane 11:48

Loko hi n'wi tshikisa sweswo, hinkwavo va ta pfumela ka yena, kutani Varhoma va ta ta va ta lovisa ndhawu leyi ya hina, ni ku hi heta hi rixaka.”

Yohane 15:2

Rhavi rin'wana ni rin'wana leri nge ka mina, leri nga vekiki mihandzu, wa ri susa; kambe rin'wana ni rin'wana leri vekaka, wa ri khutulela ri saseka, leswaku ri ta veka ku tlula ni khale.

Nhlavutelo 2:5

Hikokwalaho ke, anakanya laha u nga suka u ri kona loko u wa, kutani hundzuka u vuyela emintirhweni leyi a wu yi endla eku sunguleni. Loko swi nga ri tano, ndzi ta ta eka wena, ndzi ta susa xitlhoma-timboni xa wena laha xi nga kona, loko u nga hundzuki.