Matewu 24:7 - BIBELE Mahungu Lamanene

⁷ Tiko rin'wana ri ta pfukela tiko rin'wanyana, mfumo wun'wana wu ta lwa ni mfumo wun'wanyana; ku ta va ni tindlala, ni ku tsekatseka ka misava ematlhelweni layo tala.

Testamente Leyimpsha Xichangana

⁷ Tiko rin'wana ritapfukela tiko rin'wanyana, mfumu wun'wanyana wutalwa ni mfumu wun'wanyana; kutava ni tindlala, ni kutsekatseka ka misava matlhelweni lawa yotala.

Xitsonga (Bibele)

⁷ Hikuva tiko rin'wana ri ta pfukela tiko rin'wana matimba, ni ku fuma kun'wana ku ta lwa ni ku fuma kun'wana; tindlala ti ta va kona ni ku tsekatseka ka misava hi matlhelo layo tala.

Matewu 24:7 Iomraidhean Croise

2 TIKRONIKA 15:6

A va hlaselana, tiko rin'wana ri lwa ni rin'wana, na muti wun'wana wu lwa ni wun'wana. A va xanisana, hikuva Xikwembu a xi va vangerile maxangu layo tala, ma va hlanganisa tinhloko.

Esaya 19:2

HOSI Xikwembu xi ri: “Ndzi ta endla leswaku Vaegipta va lwa, va dlayana hi xivona, hambi vaakelani va ta tshamela ku lwa, muti wun'wana wu ta ya hlasela wun'wana, hosi yin'wana yi ta lwa ni hosi yin'wana.

Esaya 29:6

HOSI ya matimba hinkwawo yi ta ta yi ta mi lwela; tilo ri ta baleka, misava yi ninginika, ku va ni huwa leyikulu, ni xidzedze, ni xihuhuri, ni ndzilo lowu pfurhaka.

Ezekiele 14:21

HOSI N'wini wa hinkwaswo ú vurisa sweswo ú ri: “Hakunene ndzi ta ba muti wa Yerusalema hi swilo swa mune, ku nga matlhari ni tindlala ni swiharhi ni mintungu; swilo leswi swi ta dlaya vanhu ni swifuwo.

Ezekiele 21:27

Muti wa Yerusalema ndzi ta wu endla rhumbi hakunene, wu ta hundzuka rhumbi lerikulu. Kambe leswi swi ta humelela ntsena loko loyi ndzi n'wi hlawuleke ku ta ba muti lowu a ta va a fikile, kutani ndzi ta n'wi nyiketa wona.

Zakariya 14:13

HOSI Xikwembu xi ta vangela valala mpfilumpfilu lowukulu, va ta dlidlimbetana, va banana hi xivona.

Luka 21:11

ku ta va ni ku tsekatseka ka misava; mintungu ni tindlala swi ta va kona ematlhelweni layo tala; ku ta humelela ni swilo leswi chavisaka ngopfu, ni masingita lamakulu lama humaka etilweni.

Timhaka 11:28

Un'wana wa vona, loyi a va ku i Agabo, a suka a yima, a tivisa hi matimba ya Moya leswaku ndlala leyikulu yi ta wa emisaveni hinkwayo (kunene yi humelele enkarhini wa hosi Klawudiyo).

Timhaka 2:19

Ndzi ta endla swihlamariso ehenhla tilweni, ni mahlori ehansi misaveni: Ngati, ni ndzilo, ni papa ra musi.

Vaheveru 12:27

Marito lawa ya nge: “Ndza ha to tsekatsekisa ...” ma vula leswaku swilo leswi vumbiweke, swi ta tsekatsekisiwa ni ku susiwa, leswaku leswi nga tsekatsekiki swi ta sala.

Nhlavutelo 6:12

Kutani ndzi languta loko Xinyimpfana xi lemula xilemo xa vu-6. Ku va ni ku tsekatseka lokukulu ka misava; dyambu ri endla ntima, ri fana ni nguvu yo khwaxa ya ntima. N'weti hinkwawo wu hundzuka lowo tshwuka ku fana ni ngati.

Nhlavutelo 6:5

Loko Xinyimpfana xi lemurile xilemo xa vunharhu, ndzi twa xivumbiwa lexi hanyaka xa vunharhu xi ku: “Tana!” Ndzi languta, kutani ndzi vona hanci ya ntima. Mugadi wa yona a a tamele xikalu xa ku pima evokweni ra yena.

Nhlavutelo 6:6

Kutani ndzi twa swo fana ni rito leri humaka eka swivumbiwa leswi hanyaka swa mune, ri ku: “Hakelo ya siku hinkwaro yi ta xava xirhundzunyana ntsena xa mavele, kumbe swinharhu ntsena swa maxalana. Kambe u nga onhi mafurha ni vhinyo.”

Nhlavutelo 6:8

Ndzi languta, kutani ndzi vona hanci yo kwalala. Mugadi wa yona a a vuriwa “Rifu”, ni loyi va nge i “Tihele” a a n'wi landzelela. A va nyikiwile matimba ehenhla ka swa xiphemu xin'we xa mune xa misava, ku swi dlaya hi tlhari ni dyandza ni ntungu ni swiharhi swa nhova.