Matewu 24:29 - BIBELE Mahungu Lamanene

²⁹ “Kan'we-kan'we loko nhlomulo wa minkarhi yoleyo wu ta va wu herile, “ ‘dyambu ri ta hundzuka ntima, ni n'weti a wu nga ha voningi; tinyeleti ti ta wa hi le tilweni, ni leswa matimba swa le matilweni swi ta dzinginisiwa.’

Testamente Leyimpsha Xichangana

²⁹ Hi nomo-lo loko nhlomulu wa masiku wolawo wutava wuhelile, “‘jambu ritahundzuka ra ntima, ni n'weti awungahavoningi; tinyeleti titawa hi le tilweni, ni matimba ya le matilweni matatsekatsekisiwa.’”

Xitsonga (Bibele)

²⁹ “Kutakuloko mahlomulo ya mikarhi yoleyo ma herile, dyambu ri ta endla ntima, ni n'weti wu nga ha humesi ku vonakala ka wona, ni tinyeleti ti ta wa hi le henhla, kutani matimba ya le tilweni ma ta tsekatseka.

Matewu 24:29 Iomraidhean Croise

Eklesiasta 12:2

Anakanya Muvumbi wa wena dyambu ri nga si pela, ku vonakala ni n'weti ni tinyeleti swi nga si nyamalala, ni mapapa ma nga si tlhela ma ta endzhaku ka loko mpfula yi nile.

Esaya 13:10

Mahlahle ni tinyeleti letin'wana swi ta timeka, dyambu ri ta huma ri ri ra ntima, ni n'weti a wu nga ha voningi.

Esaya 24:23

N'weti wu ta hlangana nhloko, dyambu ri ta nyuma, hikuva HOSI ya matimba hinkwawo, hi yona leyi nga ta fuma entshaveni ya Siyoni ni le mutini wa Yerusalema. Yi ta komba ku dzuneka ka yona emahlweni ka vakulukumba.

Esaya 34:4

Dyambu ni tinyeleti hinkwato swi ta phemeleleka, matilo ma ta songiwa kukota dzovo; tinyeleti hinkwato ti ta dzudzeka kukota matluka ya vhinya kumbe ya nkuwa.

Yuwele 2:10

Loko va fika, misava ya tsekatseka, matilo wona ma rhurhumela. Dyambu ni n'weti swi hundzuka munyama, tinyeleti ta timeka.

Yuwele 3:15

Dyambu ni n'weti swi hundzuka munyama, tinyeleti ta timeka.

Amosi 5:20

Siku ra HOSI ri tisa munyama hakunene, ku nga ri ku vonakala, ri ta va ri lo khwìxìì, ri pfumala ni ku vangama.

Amosi 8:9

HOSI N'wini wa hinkwaswo ú vula sweswo ú ri: “Siku ra ta, leri ndzi nga ta perisa dyambu ninhlekanhi, ndzi hundzula ku vonakala ka siku ku va xinyami emisaveni.

Matewu 24:21

hikuva nhlomulo wu ta va lowukulu enkarhini wolowo; nhlomulo lowo tano a wu si va kona hi mpfhuka misava yi tumbulukile ku fikela namuntlha, naswona a wu nga ha vi kona ni siku ni rin'we.

Matewu 24:8

Swilo leswi hinkwaswo i ku sungula ka mahlomulo.

2 Petro 3:10

Kambe siku ra Hosi ri ta ta tanihi khamba, kutani matilo ma ta hundza hi huwa leyikulu; hinkwaswo swa ntumbuluko swi ta tshwa hi ndzilo swi hela, kutani misava ni mintirho leyi nga ka yona swi ta hisiwa.

Nhlavutelo 8:12

Ntsumi ya vumune yi chaya nanga ya yona, kutani xiphemu xin'we xa nharhu xa dyambu xi timeka, ni xa nharhu xa n'weti, ni xa nharhu xa tinyeleti, leswaku xiphemu xin'we xa nharhu xa ku vonakala ka swona xi hundzuka ntima. Xiphemu xin'we xa nharhu xa nhlekanhi xi nga ha vonaki, swi va tano ni xa nharhu xa vusiku.