Matewu 23:4 - BIBELE Mahungu Lamanene

⁴ Va boha mindzhwalo leyo tika, va yi rhwexa emakatleni ya vanhu, kasi vona a va lavi ni ku yi ninginisa hi ritiho.

Testamente Leyimpsha Xichangana

⁴ Vaboha mindzhwalu leyotika, vayirhwexa makatleni ya vanhu, kasi vona avalavi ni kuyitsekatsekisa hi ritiho.

Xitsonga (Bibele)

⁴ Kambe va boha mirhwalo leyo tika leyi tikaka eku rhwaleni, va yi rhwexa vanhu emakatleni, kasi vona va ala ni ku yi tsekatsekisa hi ritiho.

Matewu 23:4 Iomraidhean Croise

Esaya 46:1

Bele na Nebo, swikwembu swa le Babilona, swa nkhinsama, swi lava ku wa; swifaniso leswi swi rhwariwa hi tihomu ni timbhongolo. Leswi Vababilona a va swi tlakula, swi hundzuke ndzhwalo lowu rhwariwaka hi swifuwo leswi karheleke.

Matewu 23:23

“Mi ni khombo n'wina vatsari ni Vafarisi, hikuva mi vakanganyisi: Mi humesa vukhume bya ximbowa-mbowani, ni bya aneta, ni bya kumini, kambe a mi na mhaka ni leswikulu swa Nawu, ku nga ku lulama, ni tintswalo, ni ku pfumela; kasi a mi fanerile ku endla swilo leswi, loko mi ri karhi mi endla ni leswiya swin'wana.

Matewu 23:3

hikokwalaho, endlani hinkwaswo leswi va mi byelaka swona, mi swi hlayisa, kambe mi nga endli leswi va swi endlaka, hikuva va vula, kambe a va endli.

Luka 11:46

Kambe Yesu a ku: “Mi ni khombo na n'wina vadyondzisi va Nawu, hikuva mi rhwexa vanhu mindzhwalo leyo tika, kasi n'wina a mi khumbi mindzhwalo yoleyo hi ritiho hambi ri ri rin'we.

Timhaka 15:10

Sweswi ke, xana mi ringela yini Xikwembu hi ku tlhandleka mpingu emakatleni ya vadyondzisiwa, lowu vatata wa hina, hambi hi ri hina, hi hlulekeke ku wu rhwala xana?

Timhaka 15:28

Hikuva Moya lowo Kwetsima swin'we na hina, hi vonile leswaku a hi nga mi rhwexi ndzhwalo wun'wana, loko wu nga ri wa tifanelo leti:

Vagalatiya 6:13

hikuva hambi va ri lava sindzisaka swa ku yimba, a va hlayisi Nawu, kambe va navela ntsena leswaku mi yimba, va ta kota ku tidzunisa hi ku vula leswaku mi ni mfungho wa kona emirini wa n'wina.

1 Yohane 5:3

Hikuva ku rhandza Xikwembu, swi vula ku hlayisa milawu ya xona, naswona milawu leyi ya xona a yi tiki.

Nhlavutelo 2:24

“ ‘Kambe n'wina lavan'wana va le Tiyatira, lava mi nga fambiki hi dyondzo leyi, n'wina mi nga dyondzangiki leswi van'wana va swi vulaka Swihundla-swa-ku-enta-swa-Sathana, ndzi ri ka n'wina: A ndza ha mi rhwexi ndzhwalo wun'wana.