Matewu 23:37 - BIBELE Mahungu Lamanene

³⁷ “Yerusalema, Yerusalema, wena la dlayaka vaprofeta, la khandlaka hi maribye lava rhumiweke ka wena, kangani ndzi naverile ku hlengeleta vana va wena, kukotisa huku loko yi hlengeleta swiciwana swa yona ehansi ka timpapa ta yona, kambe a wu swi lavanga.

Testamente Leyimpsha Xichangana

³⁷ “Yerusalema, Yerusalema, wena lweyi udlayaka vaprofeta, lweyi ukhandlaka hi maribze lavarhumiweke ka wena, i kangani ninavelile kuhlengeleta vana va wena, kukotisa huku loko yihlengeleta sviciwana sva yona hansi ka timpapa ta yona, kambe awusvilavanga!

Xitsonga (Bibele)

³⁷ “Yerusalema, Yerusalema, la dlayaka vaprofeta, la khandlaka hi maribye lava rhumiweke eka wena, ndzi rhandzile kangani ku hlengeleta vana va wena kukotisa huku loko yi hlengeleta swiciwana swa yona ehansi ka timpapa ta yona, kambe mi arile.

Matewu 23:37 Iomraidhean Croise

Nehemiya 9:26

“Hambiswiritano, va arile ku ku yingisa, va ku hundzukela, va fularhela ni Nawu wa wena, va dlaya ni vaprofeta va wena lava a va va tsundzuxa ku tlhelela eka wena; va tlhela va ku rhuketela swinene.

Pisalema 17:8

Ndzi hlayise tanihi ndzololo ya tihlo ra wena, ndzi tumbete endzhutini wa timpapa ta wena,

Pisalema 36:7

We Xikwembu, rirhandzu ra wena lero tshembeka ri tsakisa ngopfu, vanhu hinkwavo va tumbela ehansi ka timpapa ta wena.

Pisalema 57:1

We Xikwembu ndzi twele vusiwana, ndzi ri ndzi twele vusiwana, hikuva hi wena khokholo ranga; ndzi ta tumbela ehansi ka timpapa ta wena xidzedze lexi onhaka xi kondza xi hundza.

Pisalema 63:7

Hakunene mupfuni wa mina hi wena, kutani ndzi yimbelela ndzi tsakile ehansi ka timpapa ta wena.

Pisalema 91:4

Xi ta ku hlayisa xi ku funengeta ku fana ni huku leyi fukamelaka swiciwana swa yona, ku tshembeka ka xona ku ta ku sirhelela kukota xitlhangu.

Esaya 5:4

Xana a ka ha sele yini, eka leswi a ndzi fanele ku swi endlela nsimu ya mina xana? A ndzi languterile mihandzu leyo nandziha, kutani hikwalaho ka yini yi humesile leyo bava xana?

Esaya 50:2

Hikwalaho ka yini ndzi nga kumanga munhu loko ndzi ta ka n'wina; loko ndzi mi vitana, hikwalaho ka yini mi nga hlamulanga xana? Xana mo ehleketa leswaku a ndzi na matimba yo mi lwela, ndzi mi ponisa, ke? Vonani, ndzi lerisa lwandle, kutani mati ya rona ma phya, milambu, ndzi nga yi omisa, kutani tinhlampfi hinkwato ta yona ti fa ti bola, hi ku ka ku nga ha ri na mati.

Yeremiya 2:30

Ndzi mi bile, kambe sweswo a swi pfunanga nchumu, hikuva a mi pfumelanga ku tshinyiwa; vaprofeta lava ndzi nga mi rhumela vona, mi va dlele onge mo va tinghala leti twaka ndlala.

Yeremiya 26:23

va ya khoma Uriya le Egipta, va vuya na yena va fika va n'wi nyiketa eka hosi Yoyakimi, kutani yena a n'wi dlaya hi tlhari, ntsumbu wu cukumetiwa emasirheni ya swikamba.

Yeremiya 32:31

Ku sukela loko wu sungurile ku akiwa ku fikela namuntlha, muti lowu wu tivangerile vukari bya mina lebyikulu; hikokwalaho ndzi ta wu fularhela,

Yeremiya 35:15

Ndzi mi rhumerile vaprofeta malandza ya mina; minkarhi hinkwayo a ndzi va rhwexa mahungu lama nge: ‘Hinkwenu hundzukani mi tshika tindlela ta n'wina leto homboloka, mi lulamisa mahanyelo ya n'wina, mi nga ha landzeleli swikwembu swa hava, mi nga swi nkhinsameli. Loko mo endla tano, mi ta tshamiseka etikweni leri ndzi ri nyikeke n'wina ni vatata wa n'wina.’ Kambe mi arile ku ndzi yingisa.

Yeremiya 36:26

Kutani hosi Yoyakimi a lerisa Yerahamiele n'wana wa yena, na Seraya n'wana Aziriele, na Xelemiya n'wana Abideli, leswaku va ya khoma matsalani Baruku, va khoma na yena muprofeta Yeremiya; kambe HOSI Xikwembu a xi va tumbetile.

Yeremiya 4:14

HOSI Xikwembu xi ri: “We Yerusalema, hlantswa mbilu ya wena u tshika leswo homboloka, leswaku u ta pona. Xana u ta namarhela miehleketo ya wena leyo biha ku ya fika rini xana?

Yeremiya 44:4

Minkarhi hinkwayo ndzi mi rhumerile vaprofeta malandza ya mina, kutani vona va mi tsundzuxile leswaku mi nga tshuki mi endla swilo leswi swa manyala, hikuva mina HOSI ndza swi venga.

Yeremiya 6:8

Wena Yerusalema, amukela ku tshinyiwa; loko swi nga ri tano, ndzi ta ku tshika, ndzi ku hundzula rhumbi, ku nga ha tshami munhu eka wena.”

Hosiya 11:2

Loko ndzi va vitana, vona vo ala, va ndzi fularhela; va ya emahlweni va humesela Baali emagandzelo, va hisela swikwembu swa hava emirhi ya risuna.

Hosiya 11:7

Vanhu va mina va ni ntolovelo wa ku ndzi fularhela, hikokwalaho va rhwexiwile mpingu, ku hava loyi a nga ta va rhula wona.

Hosiya 7:13

Va ta weriwa hi khombo, hikuva va sukile eka mina! Va ta xanisiwa, hikuva va ndzi tshikile! Ku va lamulela, a ndzi ta va lamulela, kambe va vulavula mavunwa hi mina.

Zakariya 1:4

Mi nga tiarisi ku fana ni vatata wa n'wina lava ndzi va khongoteleke hi milomo ya vaprofeta lavo rhanga, ndzi va byela ku tshika mikhuva ya vona leyo biha, ni swiendlo swa vona leswo homboloka. Kambe vona a va ndzi yingisanga, a va ndzi kombanga xichavo, mina HOSI ya matimba hinkwawo.

Matewu 22:3

Yi rhuma malandza ya yona ku ya vitana lava nga rhambiwa enkhubyeni, kambe vona va ala ku ta.

Matewu 22:6

van'wana va khoma malandza ya hosi, va ma endla hi tihanyi, va ma dlaya.

Matewu 23:30

‘Loko onge hi hanyile eminkarhini ya vatata wa hina, ingi hi nga twanananga na vona ku dlaya vaprofeta.’

Matewu 23:31

Hi mukhuva wolowo, mi tivula mi ri n'wina leswaku mi vana va lava va nga dlaya vaprofeta.

Matewu 5:12

Tsakani, mi tsakisisa, hikuva hakelo ya n'wina i yikulu ematilweni; naswona va xanisise sweswo vaprofeta lava a va ri kona, n'wina mi nga si va kona.”

Luka 15:28

Kambe n'wana lonkulu a kariha, a ala ku nghena. “Tata wa yena a huma, a ya n'wi khongotela.

1 Vatesalonika 2:15

Vayuda hi vona lava dlayeke Hosi Yesu ni vaprofeta, kutani na hina va hi xanisile; a va tsakisi Xikwembu, naswona va lwa ni vanhu hinkwavo.

Nhlavutelo 17:6

Kutani ndzi vona wansati loyi, a pyopyiwile hi ngati ya vahlawuriwa va Xikwembu ni ngati ya lava dlayiweke hi mhaka ya ku landza Yesu. Loko ndzi n'wi vona, ndzi hlamala ngopfu.

Rhuti 2:12

HOSI Xikwembu a xi ku katekise hi mintirho leyi ya wena. Xona Xikwembu xa Israele lexi u teke ku ta hlayisiwa hi xona, a xi ku nyike hakelo hi ndzalo.”