Matewu 23:26 - BIBELE Mahungu Lamanene

²⁶ We Mufarisi wo-fe-mahlo, rhanga u hlantswa ndzheko endzeni wu basa, hikona wu nga ta hlantsweka wu basa ni le handle.

Testamente Leyimpsha Xichangana

²⁶ Mufarisi wa kufa mahlo! Rhanga hi kuhlampsa ndzheko ni nkambana hi le ndzeni ka svona kubasa, hi kona ni le handle kungatahlampseka kubasa.

Xitsonga (Bibele)

²⁶ We Mufarisi lowo fa mahlo, rhanga u hlantswa ndzheko ni nkambana endzeni ka swona, hi kona ni swa le handle swi nga ta basa.

Matewu 23:26 Iomraidhean Croise

Esaya 55:7

Lavo homboloka a va tshike mahanyelo ya vona layo biha, ni lava nga lulamangiki a va cukumete kule miehleketo leyo biha leyi va nga na yona; hinkwavo a va tlhelele eka HOSI Xikwembu xa hina, kutani xi ta va twela vusiwana, xi va rivalela swidyoho swa vona hinkwaswo.

Yeremiya 13:27

Vuoswi lebyi u byi endlaka le handle eswitsungeni, ni ku navela ka wena ka manyala, ni vunghwavava bya wena, ndzi swi vonile hinkwaswo. We Yerusalema, u le khombyeni, hikuva u tsandzeka ku susa thyaka leri! Xana u ta tsandzeka ku fikela rini ke?”

Yeremiya 4:14

HOSI Xikwembu xi ri: “We Yerusalema, hlantswa mbilu ya wena u tshika leswo homboloka, leswaku u ta pona. Xana u ta namarhela miehleketo ya wena leyo biha ku ya fika rini xana?

Ezekiele 18:31

Swidyoho hinkwaswo leswi a mi hanya eka swona, swi cukumeteni kule na n'wina, kutani mi tilavela mianakanyo leyintshwa ni moya lowuntshwa! Xana mi susumetiwa ha yini ku tivangela rifu n'wina Vaisraele xana?

Matewu 12:33

“Vonani murhi lowunene: Na yona mihandzu ya wona hi leyinene. Vonani murhi lowo biha: Na yona mihandzu ya wona hi leyo biha; hikuva murhi wu tiviwa hi mihandzu ya wona.

Matewu 14:8

Hiloko nhwanyana a byeleteriwa hi mana wakwe ku hlamula, a ku: “Ndzi nyike nhloko ya Yohane Mukhuvuri ko kwala, yi ri enkambaneni.”

Marka 7:4

Ni loko va vuya hi le ku xaveni, a va dyi va nga si hlamba, va ha hlayisa ni mikhuva yin'wana leyo tala leyi va yi toloveleke, tanihi leya ku hlantswa mindzheko, ni timbita, ni swibya swa koporo, ni switshamu.

Luka 11:39

Kutani Hosi yi ku ka yena: “N'wina Vafarisi, mi hlantswa ndzheko ni nkambana ehandle, kasi endzeni mi tele makwanga ni lunya.

Luka 6:45

Munhu lonene ú humesa leswinene exumeni lexinene xa mbilu ya yena, ni munhu lowo biha ú humesa leswo biha exumeni lexo biha xa mbilu ya yena, hikuva nomo wa munhu wu vula leswi mbilu ya yena yi teleke swona.

2 Vakorinto 7:1

Vanakulorhi, switshembiso leswi swi nyikiwile hina. Hikokwalaho, hi fanele ku tibasisa, hi susa thyaka hinkwaro ra miri ni ra moya, hi ringeta ku hanya vutomi lebyo hlawuleka swinene, hi ri karhi hi chava Xikwembu.

Vaheveru 10:22

a hi tshineleleni Xikwembu hi mbilu leyi namarhelaka ntiyiso ni ku pfumela loku hetisekeke; timbilu ta hina leti xuviweke, a ti base ti hambana ni ripfalo lero biha, ni miri wa hina wu va lowu hlantswiweke hi mati layo tenga.

Yakobo 4:8

Tshinelani kusuhi ni Xikwembu kutani xi ta tshinela kusuhi na n'wina. Hlambani mandla ya n'wina, n'wina vadyohi, mi basisa timbilu ta n'wina, n'wina vanhu va miehleketo mimbirhi.