Matewu 23:15 - BIBELE Mahungu Lamanene

¹⁵ “Mi ni khombo n'wina vatsari ni Vafarisi, hikuva mi vakanganyisi: Mi rhendzeleka ni malwandle ni matiko, leswaku mi ta kuma mudyondzisiwa un'we ntsena; kutani loko mi n'wi kumile, mi n'wi endla loyi a fanelaka hi Tihele ku tlula n'wina kambirhi.

Testamente Leyimpsha Xichangana

¹⁵ “Yowee, n'wina Vatsali ni Vafarisi, hikuva mi vakanganyisi! Hikuva mirhendzeleka malwandle ni le misaveni, lesvaku mitakuma mujondzisiwa mun'we ntsena; kutani loko mimukumile, mimuyendla lweyi afaneliwaka hi Tihele, kuphindha kambirhi kutlula n'wina.

Xitsonga (Bibele)

¹⁵ “Mi ni khombo n'wina, vatsari ni Vafarisi, vamanyunyu, hikuva mi fambafamba hi malwandle ni laha ku omeke ku endla mudyondzisiwa a ri un'we; kuteloko mi n'wi kumile, mi n'wi endla n'wana wa tihele kambirhi ku tlurisa n'wina.

Matewu 23:15 Iomraidhean Croise

Estere 8:17

Kutani exifundzheni xin'wana ni xin'wana ni le mutini wun'wana ni wun'wana laha nawu ni xileriso xa hosi a swi fika kona, Vayuda a va yimbelela va tsakile, ku tlhela ku va ni nkhuvo ni siku ra ximusi. Kutani vanhu lavo tala va tinxaka-xaka va tivula Vayuda, hikuva a va sungurile ku chava Vayuda swinene.

Matewu 23:13

“Mi ni khombo n'wina vatsari ni Vafarisi, hikuva mi vakanganyisi: Mi alela vanhu ku nghena eMfun'weni wa matilo. N'wina a mi ngheni eka wona, naswona lava ringetaka ku nghena ma va sivela. [

Matewu 3:7

Kambe loko a vona Vafarisi ni Vasaduki lavo tala va ta ku ta khuvuriwa hi yena, a ku ka vona: “Rixaka ra timhiri, i mani la nga mi tsundzuxa ku baleka vukari bya Xikwembu lebyi taka xana?

Matewu 5:22

Kambe mina ndzi ri ka n'wina: Un'wana ni un'wana la hlundzukelaka makwavo, ú ta fanela ku avanyisiwa; loyi a nge ka makwavo: ‘U xiphukuphuku!’ ú fanele ku yisiwa eka muavanyisi; la nge ka yena: ‘Xihunguki ndziwena!’ ú fanele hi ndzilo wa Tihele.

Matewu 5:29

Hikokwalaho loko tihlo ra wena ra xinene ri ku dyohisa, ri xokole, u ri cukumeta kule na wena; hikuva swi nga antswa loko xirho xin'we xa wena xi lova, miri wa wena hinkwawo wu nga hoxiwi eTiheleni.

Yohane 8:44

N'wina mi huma eka tata wa n'wina, a nga Diyavulosi, kutani mi tsakela ku endla ku navela ka tata wa n'wina. A a ri mudlayi ni le ku sunguleni. A nga yimanga entiyisweni, hikuva ku hava ntiyiso eka yena. Loko a vulavula mavunwa, ú tikomba lexi a nga xona, hikuva i muhembi, ni tata wa mavunwa.

Timhaka 13:10

“Wena n'wana Sathana, la teleke ku xisa hinkwako ni ku biha hinkwako, wena nala wa hinkwaswo leswi lulameke, xana u ta tshika rini ku hingakanya tindlela leto lulama ta Hosi ke?

Timhaka 13:43

Kuteloko nhlengeletano yi hangalakile, Pawulo na Barnaba va landziwa hi Vayuda lavo tala ni vamatiko lavo tala va vukhongeri, lava amukeriweke eXiyudeni; vaapostola va vulavula na vona, va va khongotela ku tiyisela etintswalweni ta Xikwembu.

Timhaka 14:19

Kavaloko ku fika Vayuda lava humaka eAntiyoka ni le Ikoniya, va kucetela mintshungu, va khandla Pawulo hi maribye, kutani va n'wi kokela ehandle ka muti, va anakanya leswaku ú file.

Timhaka 14:2

Kambe Vayuda lava nga pfumelangiki va hlohlotela vamatiko, va onha timbilu ta vona ku va lwisa ni vamakwavo eHosini.

Timhaka 17:13

Kambe loko Vayuda va le Tesalonika va twa leswaku rito ra Xikwembu ri vuriwile hi Pawulo ni le Beriya, va ya kona, va kanakanisa ni ku pfilunganya mintshungu.

Timhaka 2:10

le Frigiya ni le Pamfiliya, le Egipta ni le matlhelweni ya Libiya lama nge kusuhi na Kirena; ku ni vaendzi lava humaka eRhoma:

Timhaka 6:5

Marito walawo ma amukeriwa hi nhlengeletano hinkwayo; kutani va hlawula Stefano, wanuna la teleke ku pfumela ni Moya lowo Kwetsima; va hlawula na Filipi, na Prokoro, na Nikanoro, na Timoni, na Parmena, na Nikolawo wa Antiyoka, munhu loyi a a rhange a amukeriwa eXiyudeni.

Vagalatiya 4:17

Vanhu lavaya van'wana va chivirikela n'wina, kambe a va na moya lowunene; va lava ntsena ku mi hambanisa na mina, leswaku mi ta chivirikela vona.

Vagalatiya 6:12

Hinkwavo lava ringetaka ku tikomba va ri lavanene ni ku tidzunisa hi swilo swa laha misaveni, hi vona lava va mi sindzisaka ku yimba; va endlela ntsena leswaku va ta ka va nga xanisiwi hikwalaho ka xihambano xa Kriste;

Vaefesa 2:3

Na hina hinkwerhu khale a hi fana na vona, hi hanya hi ku navela ka ntumbuluko wa hina wa laha misaveni, hi endla hinkwaswo leswi tsakisaka miri ni miehleketo ya hina; kutani na hina, hi ku tumbuluka, a hi faneriwile hi vukari bya Xikwembu, ku fana ni vanhu van'wana.