Matewu 23:14 - BIBELE Mahungu Lamanene

¹⁴ Mi ni khombo n'wina vatsari ni Vafarisi, hikuva mi vakanganyisi: Mi dyelela tinoni ni mindyangu ya tona, mi endla ni swikhongelo leswo leha leswaku mi ta voniwa; hikokwalaho mi ta avanyisiwa hi ku avanyisa loku tlurisaka.]

Testamente Leyimpsha Xichangana

¹⁴ [ Yowee n'wina Vatsali ni Vafarisi, hikuva mi vakanganyisi! Mihlasela vafelakazi minjangwini ya vona, na mitivhikhela hi kuyendla svikhongelo lesvoleha; hi kolaho mitayavanyisiwa hi kuyavanyisa loku kukarhataka.]

Xitsonga (Bibele)

¹⁴ “Mi ni khombo n'wina, vatsari ni Vafarisi vamanyunyu, hikuva mi phanga tindlu ta vavasati va tinoni, mi ri karhi mi lehisa mikhongelo ya n'wina leswaku mi voniwa; hikwalaho mi ta avanyisiwa hi ku nonon'hwa loku tlurisaka.

Matewu 23:14 Iomraidhean Croise

Ntirho 22:9

U tlherisile tinoni ti nga kumanga nchumu, lava pfumalaka vatswari, u va hete matimba.

Ntirho 31:16

“Xana ndzi tshama ndzi ala ku pfuna xisiwana, kumbe ndzi tshika noni yi pfimba ni mahlo hi ku rila ke?

Eksoda 22:22

Mi nga tshuki mi xanisa noni kumbe n'wana loyi a nga feriwa hi vatswari.

Matewu 11:24

Hambiswiritano ndza ku byela leswaku, hi siku ra ku avanyisiwa, tiko ra Sodoma ri ta vevukiseriwa ku tlula wena.”

Matewu 23:13

“Mi ni khombo n'wina vatsari ni Vafarisi, hikuva mi vakanganyisi: Mi alela vanhu ku nghena eMfun'weni wa matilo. N'wina a mi ngheni eka wona, naswona lava ringetaka ku nghena ma va sivela. [

Matewu 23:33

N'wina tinyoka, vana va timhiri, xana mi ta ponisa ku yini ku avanyiseriwa Tihele xana?

Marka 12:40

Hi vona lava dyelelaka tinoni ni mindyangu ya tona, va endla ni swikhongelo leswo leha leswaku va ta voniwa. Va ta avanyisiwa hi ku avanyisa loku tlurisaka.”

Luka 12:48

kambe loyi a nga ku tiviki, kutani a tshuka a endlile leswi faneriwaka hi ku biwa, ú ta biwa kutsongo. Un'wana ni un'wana la nyikiweke leswo tala, ku ta laviwa leswo tala eka yena; ni loyi vanhu va n'wi fuyiseke leswo tala, ku ta laveka leswo tala ngopfu eka yena.

Luka 20:47

Hi vona va dyelelaka tinoni ni mindyangu ya tona, va endla ni swikhongelo leswo leha leswaku va ta voniwa. Va ta avanyisiwa hi ku avanyisa loku tlurisaka!”

2 Timotiya 3:6

Hikuva exikarhi ka vona, ku ni lava nghenelelaka emindyangwini ya vanhu, va phasa vavasati lava nga tiyangiki, lava hluriwaka hi swidyoho, lava yisiwaka hala ni hala hi ku navela ka tinxaka-xaka;

Tito 1:10

Hikuva va tele lava tiarisaka, ni ku xisa van'wana hi ku vulavula ka vona ka hava, ngopfu-ngopfu exikarhi ka vapfumeri lava humaka eXiyudeni.

Yakobo 3:1

Vamakwerhu, a swi fanelanga leswaku lavo tala exikarhi ka n'wina va hundzuka vadyondzisi, hikuva ma swi tiva leswaku ku avanyisiwa ka hina vadyondzisi, ku ta tika ku tlula ku avanyisiwa ka vanhu lavan'wana.

2 Petro 2:14

Va ni mahlo lama taleke hi vuoswi, lama nga ni torha ra swidyoho. Va rhiya mimoya leyi nga tiyangiki. Va ni timbilu leti toloveleke makolo. I vanhu lava rhukaniweke hi Xikwembu.

2 Petro 2:3

Kutani, hikwalaho ka makwanga ya vona, va ta mi dyelela hi marito ya vona ya vuxisi. Ku sukela khale, ku avanyisiwa ka vona a ku yimanga, ni ku lova ka vona a ku etlelanga.