Matewu 22:7 - BIBELE Mahungu Lamanene

⁷ Kwalaho hosi yi kariha, yi rhuma mavuthu ya yona ku ya lovisa vadlayi valavo ni ku hisa muti wa vona.

Testamente Leyimpsha Xichangana

⁷ Hi loko hosi yikariha, yirhuma mab'uthu ya yona kuyalovisa vadlayi volavo ni kuhisa doropa ra vona.

Xitsonga (Bibele)

⁷ Kutani hosi, loko yi twa timhaka leti, yi kariha yi rhuma mavandla ya yona ku ya lovisa vadlayi valavo, yi hisa ni muti wa vona.

Matewu 22:7 Iomraidhean Croise

Daniele 9:26

Eku heleni ka nkarhi lowu wa malembe ya 7 lama hlayiwaka ka 62, muhlawuriwa wa Xikwembu ú ta dlayiwa, ku ri hava la n'wi yimelelaka. Kutani ku ta humelela mufumi un'wana la nga ta herisa muti ni Tempele hi mavuthu ya yena. Ku hela ka swona ku ta fana ni ndhambi: Ku ta va ni tinyimpi ni maxangu ku fikela makumu, hilaha swi bohiweke hakona.

Yuwele 2:11

Emahlweni ka mavuthu ya xona, HOSI Xikwembu xo huwelela kunene, hikuva vandla ra xona ri kurile ku tlula mpimo, ri ni matimba, vandla leri ri endlaka swileriso swa xona. Siku ra HOSI i rikulu, ra chavisa; xana ri ta tiyeriwa hi mani xana?

Yuwele 2:25

Ndzi ta mi rihela malembe lawa tinjiya ta magerere ti mi karhateke ha wona, ni xijajani, ni mherhavunguvungu, ni xigon'wani, ri nga rona vuthu ra mina lerikulu, leri a ndzi mi rhumerile rona.

Yuwele 3:2

ndzi ta hlengeleta vanhu va matiko hinkwawo, ndzi va yisa eka Nkova wa Yoxafati; kwale, ndzi ta boxa nandzu wa vona, hi mhaka ya leswi va swi endleke eka Vaisraele, vanhu va mina ni ndzhaka ya mina, hikuva va va hangalasile ematikweni, va avelanile ni tiko ra mina.

Matewu 22:6

van'wana va khoma malandza ya hosi, va ma endla hi tihanyi, va ma dlaya.

Matewu 22:8

Kutani yi lerisa malandza ya yona, yi ku: ‘Nkhuvo wa vukati wu lunghisiwile, kambe lava rhambiweke a wu nga va fanelanga.

Luka 19:27

Loko va ri valala va mina lava nga lavangiki leswaku ndzi va fuma, va tiseni kwala, mi va dlaya emahlweni ka mina.’ ”

Luka 21:21

Hi nkarhi wolowo, lava nge Yudiya, a va tsutsumele etintshaveni; lava nga mutini, a va hume ka wona; kutani lava nge handle etikweni, va nga tshuki va nghena emutini.

Luka 21:24

Va ta dlawa hi fumu, va ta yisiwa va ri mahlonga ematikweni hinkwawo; kutani muti wa Yerusalema wu ta kandziyeriwa hi vamatiko ku kondza loko minkarhi ya vona yi ta va yi herile.

1 Vatesalonika 2:16

Va ringetile ni ku hi sivela ku dyondzisa vamatiko emahungu lawa a ma ta va ponisa, kutani hi mukhuva lowu va kurisile nandzu wa swidyoho swa vona masiku hinkwawo; kambe sweswi, eku heteleleni, vukari bya Xikwembu byi va wele henhla.